《使徒行者2》魏焌皓疑鹹豬嘴麥明詩 被指行為不當2018年遭TVB解約
撰文：東方新地｜圖片：Instagram、劇照
魏焌皓《使徒行者2》飾演黑警由忠變奸
2017年《使徒行者2》中，魏焌皓扮演由忠變奸的黑警朱志彬，劇中更槍殺心愛的戀人麥明詩，形象因而更為入屋。
靚仔又大隻
唔講唔知，雖然平時睇落魏焌皓似係一名斯文瘦底排骨仔，但事實上他亦有經常操肌，一身健碩肌肉，係個不折不扣的大隻仔！
魏焌皓疑鹹豬嘴女星…
魏焌皓靚仔又大隻，早前在《使徒行者2》中扮演黑警朱志彬入型入格，外界都以為佢可以逐漸上位，但原來佢2018年4月已離開TVB！
原因係魏焌皓被指拍攝《使2》期間對同劇麥明詩犯了「不當行為」，疑似在劇外「強吻」女方！當事人麥明詩回應傳媒時，表示要等魏焌皓回應後，自己先會回應⋯⋯呢個回應令事件更耐人尋味。
魏焌皓本來有份演出同樣有麥明詩的《是咁的，法官閣下》，但其角色慘遭易角換成呢位演員執二攤，最後還被TVB解約…
魏焌皓憑《On Call 36小時》為觀眾熟悉 本有望上位
魏焌皓於2009年加入第23期無綫訓練班，畢業後正式成為TVB藝人，有靚仔樣又大隻的魏焌皓喺9年間拍過唔少劇集，雖然多數都是小角色，直至12年的《On Call 36小時》中飾演馬國明的殘障細佬「張一康」一角後，漸漸為人認識。之後佢喺《不懂撒嬌的女人》和《使徒行者2》亦有不俗演出。
