《 2019亞洲小姐總決賽》上周日舉行,三甲得獎佳麗分別為冠軍的江雨婷同時獲得明日之星獎、亞軍羅思雅(右二)及季軍王騫婭(左二),翁子涵(左一)獲 最上鏡小姐獎,而黑馬丁雪怡(右一)亦打入五強。

《2019亞洲小姐總決賽》冠軍江雨婷為港姐落選佳麗 三甲佳麗獲馬六甲住宅單位做獎品

娛聞

廣告

唔提可能無人知,原來亞視除咗換上新嘅副總裁林文龍外,原來早前仲靜雞雞舉行咗《2019亞洲小姐總決賽》,比賽搵嚟陳啟泰同金剛做司儀,仲搵咗幾位大台前藝人做頒獎嘉賓,包括郭可盈、前亞姐羅霖及江華等等。

撰文、圖片:東方新地

《2019亞洲小姐總決賽》順利舉行 冠軍江雨婷為港姐落選佳麗

冠、亞、季軍分別係8號江雨婷(廣東代表)、15號羅思雅(香港代表)及16號王騫婭(阿聯酋代表),而大熱倒灶嘅2號翁子涵就獲得最上鏡小姐獎,1號楊采薇奪得最友誼親善獎及5號張可盈奪得最佳完美體態獎。

0
《 2019亞洲小姐總決賽》上周日舉行,三甲得獎佳麗分別為冠軍的江雨婷同時獲得明日之星獎、亞軍羅思雅(右二)及季軍王騫婭(左二),翁子涵(左一)獲 最上鏡小姐獎,而黑馬丁雪怡(右一)亦打入五強。
0
新任亞視副總裁林文龍獲太太郭可盈和女兒天若陪同出席亞姐選舉,參加香港小姐入行 郭可盈大讚一眾佳麗質素高。
0
表演嘉賓之一的任賢齊穿上唐裝帶領穿上旗袍的一眾佳麗進場。
0
離巢無綫的金剛為亞姐擔任司儀,笑言:「第一次幫亞視做嘢,希望唔係最後一次啦,哈哈哈!」
0
欣宜為亞姐擔任表演嘉賓,是她首次來到亞視總台,感覺新鮮,又自爆最近漂眉,卻不慎灼傷變眉毛少了一忽,相當論盡!
0
麥潔文和老公江華合體表演,問到林文龍上任副總裁會否請對方安排拍劇,江華即表示自己冇拍劇好耐:「拍劇好辛苦,冇得瞓!」

補充多少少資料俾大家,冠軍江雨婷今年22歲,而家喺香港教育大學讀緊書,原來佢之前參加過香港小姐,但就冇得到任何獎項,今次一參加亞姐即刻攞個冠軍返嚟,都算係吐氣揚眉!有傳媒問佢會唔會覺得無綫唔識貨,佢就話兩台評分準則唔同,各有各嘅好,真係識講嘢啦!

0
賽前未算大熱的江雨婷,自嘲身材輸蝕,只能以甜美笑容搭夠,她同時獲得明日之星獎成為雙料冠軍,她表示對演戲有興趣!
0
贏得亞姐三甲的佳麗,均可獲馬六甲酒店式公寓住宅單位作獎品,來自阿聯酋的季軍王騫婭表示會把獎品套現,然後成立慈善基金幫助弱勢社群。
0
大熱羅思雅屈居亞軍表示未有失望,自覺表現未如理想,雖然被司儀要求即場獻唱時一度走音,但她坦言有意入行,對唱歌有興趣。而馬六甲住宅,她表示應該不會入住,計劃用作民宿賺錢。