馮盈盈被質疑「扮分手」轉地下情保事業 算命師:感情低調處理、有望做視后

娛聞

廣告

馮盈盈、陸浩明(暱稱六號)、何遠東、戴祖儀等一班《後生仔傾吓偈》節目主持,日前邀得奇門遁甲雲文子師傅開心拍攝跨年節目《後生仔傾吓傾吓傾到2020》,成班後生追住師 傅問前程,非常熱鬧!

撰文、圖片:東方新地

馮盈盈與醫生男友4年情玩完 雲師傅指上位有望

前幾日先傳出馮盈盈同醫生男友分手,不過好快就有網民見到佢哋兩個去嘉年華玩,被人質疑轉地下情保事業,不過馮盈盈最終否認。對於感情事業,佢本人都好想八卦吓,難得見到師傅,當然要趁機問問雲師傅預測一下下年運勢。雲師傅坦言於芸芸上位花旦中,非常欣賞盈盈反傳統嘅率真性格,內外俱備極有潛質,當然全力相助。

馮盈盈早前宣告與入行前結識的醫生男朋友4年情完。不過好快又俾人踢爆疑似轉地下情,真定假只有當事人先知喇。
馮盈盈早前宣告與入行前結識的醫生男朋友4年情完。不過好快又俾人踢爆疑似轉地下情,真定假只有當事人先知喇。
0
Martin唔單止係10A高材 生,因為生得高大靚仔,喺醫院好受歡迎。
0
有人傳分手導火線係同張頴康呢場濕身肉搏戲,有傳Martin係個無安全感嘅人,唔希望將來太太喺出邊拋頭露面,偏偏呢幕拍到咁激,又真係幾難接受嘅。

感情低調處理防暗湧 專注工作有望做視后

雲師傅表示:「以奇門遁甲推算盈盈流年命格帶『天心星』,代表得人心、中心人物、主角,所以鼠年觀眾緣、事業運會大大提升,由依家開始會一劇接一劇,應該好好把握時機加強自己演技,以視后為目標,將能成為天上閃亮嘅星星。應先專注工作,感情低調處理以防暗湧。」盈盈仲後生唔憂嫁,當然要向事業衝刺!

0
雲師傅贈言馮盈盈要努力工作,好好磨練演技,以視后為目標。
0
馮盈盈話細個時幫爸爸揀馬仔中過好多次,自認係運財童子:「阿爸成日叫我指幾隻馬畀佢買,命中率都幾高㗎!咁我又會多啲零用錢,呢方面有啲運仔。」

至於六號,師傅話佢財運非常旺:「啱啱呢兩個月應該有工作傾緊,將會喺年頭成事。」六號開心透露:「雲師傅,咁就掂喎,啱啱真係傾緊單嘢!」

0
陸浩明大讚師傅有料到,講中佢來年事業暢旺。
0
馮盈盈、六號、何遠東、戴祖儀等一班《後生仔傾吓偈》節目主持,聯同雲文子師傅開心拍攝跨年節目。
0
難得見到師傅,成班人搶住追問來年運程,嘈到拆天。