32歲倪晨曦擬結婚通知書曝光!因武漢肺炎無得擺酒變工作狂密密接job

娛聞

廣告

2018年最後一日宣布喺巴黎被求婚搵到Mr.Right,訂婚一年有多,倪晨曦 (Elva)原定於本月26日註冊及擺酒,無奈受到武漢肺炎疫情影響再度延期。不過有媒體發現,早前婚姻登記處根據法律,已經公開展示咗二人嘅擬結婚通知書,雖然未知幾時補擺酒,但二人總算為婚禮行出第一步!

撰文、圖片:東方新地

倪晨曦未嫁得 放下婚禮埋首工作

人人搞婚禮都忙到一頭煙,而Elva就好淡定,乜都唔理只顧埋首工作,日日出 po保持女神地位之餘,轉頭又見佢現身銅鑼灣為代言銀行拍攝宣傳片。片中Elva化身記者喺街頭做街訪,見佢全程態度認真虛心聽話,雖然唔小心食螺絲,但睇住佢尷尷尬尬伸晒脷耍晒冧個樣甜到漏,仲邊捨得怪佢喎!

女神現身街頭,係搶眼嘅!原來準新娘依然勤力工作,呢日為銀行拍攝廣告。
女神現身街頭,係搶眼嘅!原來準新娘依然勤力工作,呢日為銀行拍攝廣告。
雖然未確定婚期,但見Elva紅光滿面,狀態大勇。
雖然未確定婚期,但見Elva紅光滿面,狀態大勇。
唔小心食螺絲,女神好尷尬咁向導演耍冧。
唔小心食螺絲,女神好尷尬咁向導演耍冧。
工作不斷嘅Elva,完全冇諗過退休收山做少奶奶,繼續埋首工作。
工作不斷嘅Elva,完全冇諗過退休收山做少奶奶,繼續埋首工作。

倪晨曦原定本月婚宴延期

倪晨曦原本今個月同圈外男友將會舉行婚禮,但今日Elva喺IG指因為武漢肺炎疫情,所以決定將婚宴延期。佢喺一年前就已經喺玻利維亞鹽湖影咗婚紗相,真係好靚呀!

網絡女神倪晨曦(Elva)

倪晨曦(Elva) 出晒名樣靚身材正,係模特兒兼瑜珈導師,教人扮靚又教人做瑜珈,網絡上有超多支持者!身材高佻的倪晨曦向來走健康路線,好少刻意賣弄身材,唔一定下下賣肉先叫靚嘅!

倪晨曦
唔一定波濤洶湧先叫靚嘅!
倪晨曦
一雙白滑長腿非常煞食!