35歲岑麗香唔憂柴米為囝囝唔接job 一家三口玩cake smash勁溫馨

娛聞

廣告

幸福靚媽岑麗香去年3月為老公「強強」誕下「小強強」吳主軒(Jacob),眨吓眼Jacob已經1歲,日前香香一家三口特別拍攝一輯全家福留念,鬼妹仔嘅香香更一反傳統,實行同囝囝大玩cake smash,搞到Jacob成身忌廉,十分搞笑!

撰文:東方新地、圖片:東方新地/岑麗香IG

岑麗香唔憂柴米 為囝囝唔接job無所謂

香香同老公都喺外國長大,鬼聲鬼氣唔在講,就連囝囝1歲生日都玩味十足,整咗個cake smash儀式!夫婦二人坐喺囝囝身後,見證住Jacob將蛋糕解體,搞到成身都係忌廉,Jacob流露出一臉為食樣,畫面開心惹笑!香香笑言:「佢依家得一歲未知係咩嚟,佢未食過蛋糕,所以畀佢試吓、任佢玩,玩到污糟晒!」其後香香仲幫Jacob洗白白,又抱住錫錫囝囝,非常溫馨!家陣香香事事以囝囝行先,出外工作更會做足防疫措施:「入屋前會好好消毒,鞋會擺出邊,門口有蒸汽機蒸衫,消毒全身後先探個頭入去BB房。」為咗Jacob,香香話會避免外出唔介意減少工作,冇所謂啦,金融才俊老公「強強」搵到,早前購入二千萬豪宅大把貨,香香印印腳做少奶奶都得啦!

「小強強」Jacob肥嘟嘟又動作多多,笑起上嚟一對腰果眼更似足香香,十分可愛。
「小強強」Jacob肥嘟嘟又動作多多,笑起上嚟一對腰果眼更似足香香,十分可愛。
香香同老公坐喺囝囝身後做布景板,兩人雙雙舉起「1」字手勢配合Jacob1歲生辰。
香香同老公坐喺囝囝身後做布景板,兩人雙雙舉起「1」字手勢配合Jacob1歲生辰。
香香好有耐性,引導Jacob努力向前爬行。
香香好有耐性,引導Jacob努力向前爬行。
又伸脷又瞇眼表情多多,非常活潑。
又伸脷又瞇眼表情多多,非常活潑。
Jacob話咁快就1歲大,唔知香香幾時再為囝囝生個細佬或者細妹做伴?
Jacob話咁快就1歲大,唔知香香幾時再為囝囝生個細佬或者細妹做伴?
上星期老公「強強」生日,香香選擇去親子餐廳一家人慶祝。
上星期老公「強強」生日,香香選擇去親子餐廳一家人慶祝。

最美孕婦香香孕照回帶!

一向靚爆嘅岑麗香(香香)自從懷孕以嚟都明艷照人,懷孕期間佢都有繼續接 job,早前香香出席品牌春茗,著住低胸粉紅色豹紋孕婦裝,面形、身材都比之前微胖,不過依然係個大美人。香香個肚睇落真係比以前大咗好多,令到一班名人都忍唔住要隔住肚皮同BB影相!

35歲岑麗香唔憂柴米為囝囝唔接job   一家三口玩cake smash勁溫馨

陀B首個情人節當日,香香就在社交網分享由Olivia Tsang操刀拍攝的美麗孕照,香香留言:「To my forever best friend, I’m so lucky that God gave me the best partner in the world! I pray our little guy will grow up to be just like his daddy!(給我永遠最好的朋友,我很幸運,上帝給了我世界上最好的伴侶!我祈求我們的小朋友長大後,會像他爸爸一樣。)」 香香仲加咗「 #happyvalentinesday💙#itsaboy!」兩個hashtag,原來香香陀住小強強啊!恭喜晒!

其中一張她和老公強強合照,相中她身穿黑色露背裙,無名指戴上鑽戒,香香挨在強強心口流露甜蜜笑容,超幸福!
其中一張她和老公強強合照,相中她身穿黑色露背裙,無名指戴上鑽戒,香香挨在強強心口流露甜蜜笑容,超幸福!

岑麗香 陀巨肚去春茗

懷孕7個月嘅香香著住高踭鞋,著住一襲低胸粉紅色豹紋孕婦裝,而且仲頂住一個巨肚,一出場就已經成為全場焦點!當晚有差唔多將近100人要求同佢合照,當中包括好多名人,例如著名公關鄭紹康、時裝設計師何國鉦、陳法蓉等等。香香來者不拒,任影唔嬲,絕無架子!

香香個肚睇落真係比以前大咗好多,令到一班名人都忍唔住要隔住肚皮同BB影相!
香香個肚睇落真係比以前大咗好多,令到一班名人都忍唔住要隔住肚皮同BB影相!
由於香香一直未有公開BB性別,不過網民都覺得佢應該係陀囡囡,事關香香愈陀愈靚,雖然比之前微微發福,但魅力依然不減,唔知第時BB出世,會似爸爸定似媽媽呢?
由於香香一直未有公開BB性別,不過網民都覺得佢應該係陀囡囡,事關香香愈陀愈靚,雖然比之前微微發福,但魅力依然不減,唔知第時BB出世,會似爸爸定似媽媽呢?

坦言變大食媽媽

現時懷孕7個月的香香,上星期出席由王祖藍首次執遵的歌舞電影首映禮時,不怕危險仍然穿上高跟鞋,不過香香非常小心,行路都有人扶,問到老公強強會否擔心她外出工作,香香笑言老公非常放心:「佢覺得我就算大肚都要同社會有接觸、交流,間唔中做吓嘢都OK,小心啲就得。」

眼見香香身材比前往豐滿,上圍更是「升cup」不少,香香就話自己最近變得非常「大食」,不時都會有要「即刻食」的感覺:「好似今日我出門口之前無啦啦好想食Pizza,跟住就嗌咗個,食咗過一半嘅Pizza,仲要係一個正常size嘅大Pizza,哈哈!」
眼見香香身材比前往豐滿,上圍更是「升cup」不少,香香就話自己最近變得非常「大食」,不時都會有要「即刻食」的感覺:「好似今日我出門口之前無啦啦好想食Pizza,跟住就嗌咗個,食咗過一半嘅Pizza,仲要係一個正常size嘅大Pizza,哈哈!」

岑麗香 陀B六個月罕有索爆晒線

岑麗香喺個人社交網公布成功有喜,陀B唔經唔覺都已經有6個月!日前,香香罕有上載兩張自己著住粉紫色低胸裙嘅個人相,騷出事業線,超級養眼!

難得香香罕有大派福利,好多網友都隨即留言讚好,就連圈中好友蔡思貝、陳煒等都留言大讚香香超火辣!
難得香香罕有大派福利,好多網友都隨即留言讚好,就連圈中好友蔡思貝、陳煒等都留言大讚香香超火辣!

關鍵詞
岑麗香