零售寒冬!56歲謝寧現身九龍城總店親自賣曲奇 兩個標緻女兒不愛幕前攻幕後

娛聞

廣告

因為新冠肺炎席捲全球,本港嘅零售業已進入寒冬時期,唔少舖頭都結業,亦有唔少老闆繼續撐住,所謂力不到不為財,唔少老闆為咗生意都各出奇媒,有唔少更親自出馬 sell客,謝寧近日都親自出動落舖賣餅。

撰文、圖片:東方新地

謝寧離婚後搞曲奇生意越做越大曾計劃上市

賣餅賣到搞上市嘅謝寧,08年同兩位股東喺九龍城賣曲奇開始,依家已經喺港九新界有九間分店,前年更擬搞上市,可想而知生意有幾好。之不過後來又不了了知,但就開多一間分店,生意應該唔會太差。

謝寧於05年與結婚十四年嘅岑建勳離婚,失婚後才激發她開展其曲奇生意,10年和無綫攝影部主管Donald再婚,前年二人結伴出席邵逸夫頒獎禮。
謝寧於05年與結婚十四年嘅岑建勳離婚,失婚後才激發她開展其曲奇生意,10年和無綫攝影部主管Donald再婚,前年二人結伴出席邵逸夫頒獎禮。
謝寧嘅曲奇店為求生存,愈搞愈多元化,不但開設親子工作坊,去年還贊助陳美齡演唱會。
謝寧嘅曲奇店為求生存,愈搞愈多元化,不但開設親子工作坊,去年還贊助陳美齡演唱會。

力不到不為財 現身九龍城總店賣餅

近月新冠肺炎肆虐,唔少商舖都捱唔住,為咗保持生意額,謝寧輪流到不同分店助陣吸客,日前就見戴住口罩嘅謝寧喺九龍城總店現身,一開店就差不多企足大半日,完全冇見佢坐低休息過,過埋個下午茶又去第二間分店巡舖。呢日所見雖然店內有成三個員工,不過謝寧冇擺老闆款做指揮,而係全程落場一腳踢,一時企喺收銀收錢,一時點算紙袋數量,一時又企出門外吸客,相信謝寧深知力不到不為財呢個道理!

雖然近月本地零售商店生意不濟,不過謝寧間曲奇店仍有不少人流。
雖然近月本地零售商店生意不濟,不過謝寧間曲奇店仍有不少人流。
又去點算購物紙袋數量,謝寧呢個老闆娘乜都親力親為。
又去點算購物紙袋數量,謝寧呢個老闆娘乜都親力親為。
呢頭 sell 完個客,轉頭負責收錢包裝入袋,一條龍服務,完全冇假手於店員。
呢頭 sell 完個客,轉頭負責收錢包裝入袋,一條龍服務,完全冇假手於店員。
由於疫情關係,店內取消咗自助試食,想試味嘅客人要先通知店員, 謝寧唔怕煩,逐一向客人解釋。
由於疫情關係,店內取消咗自助試食,想試味嘅客人要先通知店員, 謝寧唔怕煩,逐一向客人解釋。

85年港姐冠軍 兩個標緻女兒不愛幕前攻幕後

謝寧是 85 年港姐冠軍,有「TVB古裝美人」之稱,1991年和岑建勳結婚,育有兩名女兒,直到05年離婚。28歲大女岑寧童曾拍攝廣告及參與ViuTv劇集,現為副導演,26歲細女岑寧樂也是從事電影製作,兩姊妹都甚有母親的影子,五官標緻。

零售寒冬!56歲謝寧現身九龍城總店親自賣曲奇 兩個標緻女兒不愛幕前攻幕後

謝寧和前夫岑建勳育有兩名女兒,大女岑寧童(右一)和細女岑寧樂(右二)跟同父異母家姐岑寧兒(左)感情相當要好,四父女更不時結伴出遊㖭!
謝寧和前夫岑建勳育有兩名女兒,大女岑寧童(右一)和細女岑寧樂(右二)跟同父異母家姐岑寧兒(左)感情相當要好,四父女更不時結伴出遊㖭!
岑寧童曾拍廣告,後來更成為連登巴打眼中「一人一個覺得超靚但不知名嘅廣告女仔」。
岑寧童曾拍廣告,後來更成為連登巴打眼中「一人一個覺得超靚但不知名嘅廣告女仔」。
亦曾參與ViuTv劇集《理想國》其中一個故事。
亦曾參與ViuTv劇集《理想國》其中一個故事。