經典重溫：美女學徒萬聖節鬥索 洛兒制服誘惑 程美段連日落老蘭倒奶
撰文：東方新地｜圖片：Instagram
美女學徒萬聖節鬥索 程美段連日落老蘭倒奶
講開程美段(Kiwi)，其實應該係「前」美女學徒比較正確，擁有火辣E Cup身材的Kiwi向來唔錫身，衣著有幾性感得幾性感，仲有傳因為佢平時太開放而被踢出《美女廚房》？言歸正傳，日前Kiwi以一身超性感的黑色Deep V連身衣殺入蘭桂坊，中門大開超火辣，一街男士爭住合照！
性感女護士再現老蘭
不過一年一度萬聖節，Kiwi玩一日又邊夠喉？日前萬聖節正日佢就化身性感女護士再現蘭桂坊，繼續谷盡逼爆上圍，條裙仔得嗰幾塊布……
前傳：爆乳兔仔裝閃爆動漫節
Kiwi衣著出位都唔係第一次，今年七月佢喺動漫節以爆乳兔仔裝示人，吸引龍友們狂影相。事後Kiwi就話自己係著得特別啲，但又唔係唔健康，覺得幾可愛吖，而件衫都唔係露胸，只係件露腰嘅平頭一字膊咋嘛！係囉，有道理啊，又冇Deep V又冇透視，係少布啲環保啲！
但講真，比著其他人著同一件衫就未必可以有呢個效果喇⋯⋯Kiwi有睇頭得嚟又係幾有諗頭嘅～怪唔得之龍友們咁興奮啦！
｜洛兒制服誘惑
除了Kiwi，現時《美女廚房》中人氣最高的美女學徒洛兒同樣外出慶祝萬聖節，不過佢就選擇在自己開的酒吧開Party兼補祝生日，一身性感警察制服認真誘人，
外型出眾的洛兒本身係一位模特兒及打碟DJ，喺業界名氣不小，佢曾與另一拍檔初兒(Troyii)組成DJ組合TnL，成為「Asia’s hottest DJ」第9名，2017年更是世界女DJ中國排名第5！小編就覺得，剩係睇佢打碟的衣著都值回票價…
｜邱晴做番學生妹
仲有最後一位美女學徒！前港姐邱晴(Mandy) 就去咗主題樂園玩，不過同樣悉心打扮，著上校服短裙仔、戴Colour Con再加啲血喺身上。與其話係萬聖節打扮，其實現年只得19歲的Mandy只係做番自己，做番個正宗學生妹！
Mandy比起選港姐時，似乎成熟不少，年紀輕輕但甚有女人味！
順道睇埋部分女藝人的萬聖節打扮：
