唐詩詠

《不懂撒嬌》宣傳 高海寧晒線 唐詩詠坐王浩信大髀

最新娛聞

廣告

無綫新劇《不懂撒嬌的女人》快將播出,劇集一眾演員今日去到中環宣傳,其中兩位靚女 唐詩詠 及高海寧都盛裝出席,齊齊晒香肩,玩遊戲時更大派福利,詩詠坐王浩信大髀勁親密,而高Ling就狂騷事業線,好期待套劇出街啊!

林文龍、宣萱有信心

《不懂撒嬌的女人》眾演員包括林文龍、宣萱、王浩信、唐詩詠及高海寧等今日到中環出席宣傳活動,兩位久未喺無綫露面的主角林文龍及宣萱在劇中飾演一對鬥氣冤家,兩人均表示對收視有信心,劇集反映現今香港女性的情況,相信觀眾會睇得有共鳴。

詩詠坐王浩信大髀

詩詠今日以露肩短裙示人,晒香肩又晒美腿,佢喺劇中的角色要對付出名嬌嗲的台灣女生,會由不懂撒嬌到學會撒嬌,同拍檔王浩信有唔少咀戲!活動上詩詠同王浩信表現得非常親密,合照時挨實對方,玩遊戲時更坐晒大髀!不過王浩信似乎笑得有啲生硬,係咪擔心老婆YoYo會嬲豬呢?

高Ling騷事業線

高Ling喺劇中做個撒嬌女生,不時有性感演出,今日出席活動時亦不例外,大晒香肩和玉背,索到爆!之後玩遊戲時更俯身狂騷事業線,好在前輩林偉夠定力!

大肚阿雪想拍寫真

陀B五個多月的阿雪今日亦有到場,佢透露自己已經重了20多磅,預產期為八月,計劃會自然分娩。上圍升Cup不少的阿雪表示已經買咗幾次新內衣,更稱之後會影番輯大肚寫真,並會走優雅少女風,因為女人一定要趁身材最好時留個紀念!

詩詠都忍唔住錫錫阿雪,又摸摸大肚,好溫馨啊!

早前阿雪上載的泳衣相睇到網民流晒鼻血!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!