《太陽的後裔》宋仲基啜爆宋慧喬

雙宋顏值吸客

宋仲基以強勁波地配童顏，冧遍老嫩fans。

喬妹純情look吸客

宋慧喬亦有出水芙蓉look 吸客，雖然她如今34歲比宋仲基大四歲，但兩人望落仍相當合襯。

《太陽的後裔》超前神劇《來自星星的你》

《太陽的後裔》是韓國KBS 首部先拍後播電視劇，宋仲基和宋慧喬都顏值甚高，而且今次係宋仲基退伍後首復出，不但連環晒肌吸客，又有異國風情加上戰爭危情，令新劇人氣直逼三年前神劇《來自星星的你》，收視已達28.5%，屬歷來收視紀錄！此外，除了李光洙友情助陣，近排人氣勁旺的劉亞仁都有份在劇集後半段客串演出。

劇集飛到希臘取景，「雙宋」在異國風景前擁吻，分外浪漫。

電影《延坪海戰》男星晉久和《繼承者們》的金智媛在劇中亦有一段難捨難離的戀情。

李光洙友情客串，亦有幾句對白。

第五集劇情時鎮再咀暮煙

承接上一集尾聲，劉時鎮man爆咀嘴姜暮煙，原本時鎮想再錫多一啖，但暮煙卻以說晚安拒絕咗時鎮。

暮煙駕車時一不留神衝落山崖，凌空卡喺懸崖上，暮煙以為一定會死去，仲錄咗遺言俾媽咪，幸好時鎮及時趕到，時鎮因應當時情況，決定連人帶車衝落海才有一線生機，最後兩人齊齊連車子一齊衝落海，最後當然冇事！

劫後重逢好感動

暮煙身處嘅地方發生大地震，身處韓國嘅時鎮得知消息後即聯繫士兵了解當地情況。時鎮、大英等乘飛機去災區，佢哋都好擔心當地情況。

時鎮帶住自己嘅士兵抵達災區，同暮煙終於重逢，暮煙一直望實時鎮。時鎮發現暮煙甩鞋帶，即行向坐喺石頭上嘅暮煙，幫暮煙綁鞋帶，十分體貼。之後二人各自返回工作崗位，繼續進行拯救行動。