誇世代

《誇世代》結局篇 香港變屍城 陳豪變宇宙大王

最新娛聞

廣告

50集台慶重頭劇《誇世代》話咁快就來到結局篇,雖然劇情一直都係誇張無厘頭,不過估唔到結局會玩到咁大!昨晚尾二一集,講述歐陽震華同吳業坤去到2047年搵返田蕊妮,點知香港變成喪屍圍城,Bobby做咗叛軍首領、陳豪做咗宇宙大王……

《誇世代》結局篇 香港變屍城

劇情講到Bobby得知田蕊妮的失蹤原來係去了未來,於是佢就同坤哥坐時光的士去到2047年,雖然三人終於重遇,但就發現已變成一個廢墟,原因係核爆!而且大部分人類都變晒喪屍,港產《Walking Dead》?

Bobby成叛軍首領

喪屍劇情只係碎料,之後再crossover《未來戰士》,出現了一個霸權政府軍和反抗的叛軍,Bobby成為叛軍首領,帶領住自己個仔黃子恆及陳豪個囡陳凱琳對抗大魔頭。Bobby仲將似乎已戰死的Walking(張繼聰飾) 封為「地藏王」…

大魔頭係邊個,答案都呼之欲出,咪就係陳豪囉!之後政府軍仲突襲叛軍基地,雙方駁火!到底睇緊啲咩…

「大魔頭」陳豪出場

講咗咁耐,「大魔頭」陳豪終於出場,髮型依舊,不過就換上一套銀白色長衫,扮到皇帝咁。

陳豪大開殺戒

Bobby一干人被陳豪擒獲,陳豪要求Bobby講出Walking屍體下落,但Bobby寧死不從,陳豪隨即將黃子恆亂棍打死!

陳豪自稱「宇宙大王」 殺埋親生女

之後陳豪更自稱「宇宙大王」,原來已經有一個仔被佢奪舍而死,依家佢連親生女陳凱琳都唔放過!究竟大結合會係點呢?Bobby一眾人可唔可以阻止呢個未來出現呢?

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!