下流上車族

下流上車族|51歲江美儀再展黑絲誘惑 曾落淚剖白失婚真相

最新娛聞

廣告

TVB新劇《下流上車族》近日正在熱播,江美儀劇中與林敏驄飾演夫婦,並再度出動到黑絲誘惑,第一集已經笑爆咀,受到網民好評。現實中,江美儀的感情路卻十分崎嶇,曾在鏡頭前落淚剖白失婚之苦與分手真相,令人憐惜。

《下流上車族》51歲江美儀施黑絲誘惑

《下流上車族》講述2008年金融海嘯,超市經理車志明(林敏驄飾)慌忙賣樓,誰知狂追樓價14年也未能再上車。妻子莫雯慧(江美儀飾)憶樓成狂,連凶宅單位也不放過,到豪宅當鐘點女傭時,她更拍照上載社交平台,令表妹覺得自己還在住豪宅。趁著大女車芊芊(郭柏妍飾)、細女車蔓蔓(羅毓儀飾)分別出國體驗生活與留學,莫雯慧與車志明二人世界,莫雯慧上演黑絲誘惑,卻被車志明的兄弟(鄧智堅飾)登門打擾,說要借宿暫住。

下流上車族 江美儀曾在《名媛望族》中玩過黑絲造型,因此有個花名叫「黑絲儀」。
江美儀曾在《名媛望族》中玩過黑絲造型,因此有個花名叫「黑絲儀」。(圖片來源:TVB《下流上車族》截圖)
下流上車族 今次仲玩理性感睡衣。
今次仲玩理性感睡衣。(圖片來源:TVB《下流上車族》截圖)
下流上車族 在床上擺出誘人甫士。
在床上擺出誘人甫士。(圖片來源:TVB《下流上車族》截圖)
下流上車族
(圖片來源:TVB《下流上車族》截圖)

3點大獲好評

網民紛紛大讚林敏聰式無厘頭搞笑位很正,節奏又輕快:「帶條黑摩利去睇樓,呢吓好好笑⋯⋯」;故事情節貼地:「噚晚嗰集又貼地又搞笑」、「好正好好笑,亦帶出現在社會問題」、「近期入戲院睇嗰啲幾千萬票房,都無咁好睇!」;男女主角演技好,有火花:「主角唔一定靚仔靚女後生有型」、「江美儀好戲,套劇有創意,好過《美麗戰場》」、「如果唔係江美儀,真係諗唔到邊個適合做」、「估唔到林敏聰做得好自然,唔會好浮誇,但又有爆肚笑話」等等。

下流上車族 江美儀右二)同林敏驄右一)、郭柏妍左二)、羅毓儀左一)飾演一家四口。
江美儀(右二)同林敏驄(右一)、郭柏妍(左二)、羅毓儀(左一)飾演一家四口。(圖片來源:IG@elenakongmayyee)
下流上車族 三母女仲一齊大曬泳裝Look。
三母女仲一齊大曬泳裝Look。(圖片來源:TVB《下流上車族》劇照)
下流上車族 網民都大讚江美儀同林敏驄之間好有火花。
網民都大讚江美儀同林敏驄之間好有火花。(圖片來源:TVB《下流上車族》截圖)
下流上車族
(圖片來源:TVB《下流上車族》截圖)

江美儀10年前已被稱「黑絲儀」

2012年劇集《名媛望族》中,江美儀飾演劉松仁的三姨太,劇中二人除咗有錫錫鏡頭外,相信觀眾們最印象深刻的是當年41歲的美儀著起黑絲,情挑「老公」劉松仁一幕!當年呢一幕一出,簡直轟動全城,唔少人直指呢幕非常重口味!而且,江美儀更自此被人稱為「黑絲儀」!

下流上車族 於2012年播出嘅電視劇集《名媛望族》中,江美儀飾演劉松仁嘅風騷三姨太,一幕著上黑絲襪帶情挑老公加激吻,睇到全城眼都凸,江美儀更自此被人稱為「黑絲儀」!
於2012年播出嘅電視劇集《名媛望族》中,江美儀飾演劉松仁嘅風騷三姨太,一幕著上黑絲襪帶情挑老公加激吻,睇到全城眼都凸,江美儀更自此被人稱為「黑絲儀」!(圖片來源:TVB《名媛望族》截圖)
下流上車族 江美儀新劇飾演鳳姐扮俏護士 重溫歷年重口味之作!
(圖片來源:TVB《名媛望族》截圖)
下流上車族 2014年獲內衣公司睇中,邀請擔任代言人,當時43歲嘅江美儀身形依然keep得好好,身上一啲肥肉都冇,著起一雙誘人黑絲,意態撩人!
2014年獲內衣公司睇中,邀請擔任代言人,當時43歲嘅江美儀身形依然keep得好好,身上一啲肥肉都冇,著起一雙誘人黑絲,意態撩人!(圖片來源:新傳媒照片庫)
下流上車族 48歲江美儀進化「喱士儀」 螢幕下有狗相伴不寂寞
在拍攝廣告時江美儀重演「黑絲儀」的經典!(圖片來源:新傳媒照片庫)

江美儀落淚剖白失婚之苦+分手原因

江美儀曾與Bob林盛斌主持TVB J2節目《Mean Talk》,每集都會邀來星級嘉賓,要對方大膽坦承真話,包括入行以來最委屈經歷、最匪夷所思娛圈秘聞。本來江美儀要嘉賓單立文與滕麗名放下底線被Mean,怎料反被單立文追問與吳君祥離婚的內幕,問她與前度吳君祥(吳君如胞弟)分開時,有沒有受到很大刺激,他解釋:「大家好關心你,但又唔敢騷擾你,我哋驚會觸動你好多情緒,但又驚你頂唔順,我哋好難受。我覺得你背後自己承受好多嘢,唔會同我哋講。我真係覺得你點解咁傻?點解要孭起咁多嘢呢?同我哋講吖嘛!又唔係唔熟!咩都講我哋,你知唔知啫?」而滕麗名亦有拍她肩膀叫她加油。

江美儀憶起往事,終忍不住在鏡頭前落淚,剖白當日分手原因:「我無嘢㗎喇依家……我都唔知可以同邊個講吖嘛……有時兩個人相處去到要離婚,未必係一件事發生咗,可能係一路積累,積累到覺得,我嘅人生係咪應該繼續落去。兩個人傾完之後覺得,可能分開仲好啲喎,所以最後就分開。」

下流上車族
(圖片來源:TVB《東張西望》截圖)
下流上車族
(圖片來源:TVB《東張西望》截圖)
下流上車族
(圖片來源:TVB《東張西望》截圖)

之後她又訴說失婚之苦:「其實你哋知嗰時已經好後,呢件事已經發生咗好耐。最近我經理人同我講,我係一個唔識釋放自己嘅人,樣樣嘢都自己吞晒,你唔好見我咁剛強,都有人蝦我……算喇,我好似好開心,其實唔係真係咁開心。」她又指自己疫情期間沒有工作,很辛苦,留家獨處時常常想不開,幸好現在多了工作,讓她有個寄託。單立文鼓勵她以後有甚麼煩惱都要跟他傾訴:「做朋友就係咁,互相扶持,唔通落井下石咩。」

下流上車族
(圖片來源:TVB《東張西望》截圖)
下流上車族
(圖片來源:TVB《東張西望》截圖)
下流上車族 人稱豹哥嘅單立文曾與李思捷一齊開演唱會,獲邀擔任嘉賓嘅江美儀著上黑色性感胸衣配誘人吊襪登場
江美儀同單立文一向老友,單立文曾與李思捷一齊開演唱會,獲邀擔任嘉賓嘅江美儀著上黑色性感胸衣配誘人吊襪登場。(圖片來源:新傳媒照片庫)

曾與吳君如弟吳君祥瞞婚

江美儀曾與吳君祥拍拖11年,2018年宣布分手,惟被傳媒發現二人早於2006年在美國結婚,期間一直瞞婚,直到2016年離婚。風波愈捲愈大,江美儀曾上《東張西望》哽咽向大眾道歉,解釋分手後受盡情傷,要時間適應:「我要同咁多位講唔好意思,對唔住。我有情緒病,一分手就要面對記者肯定處理唔到……我平靜到同大家講呢件事會好啲。」

下流上車族 66b25827gw1ew9gwl67hoj218g0xcaoo
江美儀曾吳君如弟吳君祥(右)瞞婚。(圖片來源:微博@江美儀)

多年來,吳君祥都在內地發展,曾被拍到與女星嚴淑明密會,但江美儀接受傳媒訪問時,澄清對方只是應酬,指二人分手是因步伐不一致,才會變回朋友。被問到愛情觀,江美儀指男人不用管,所以自己從不對男朋友黑面,更加不做「奪命追魂Call」、查行蹤等行為:「男人唔係要去征服,而係令佢識得點疼錫你,要點令佢做到咁,就係自己本事。」

現年江美儀51歲,依然單身,她表示經歷過多段失敗,很清楚永遠不能滿足另一半所有要求,所以寧願愛自己。

下流上車族 江美儀 曾吳君如弟吳君祥瞞婚
吳君祥與江美儀。(圖片來源:微博@江美儀)
下流上車族 1a_932A_aunt_P26
2015年中,江美儀曾與吳君祥去銅鑼灣超市上糧,排隊等收錢時發現記者,兩個即時頭貼頭、笑到四萬咁被記者影相。(圖片來源:新傳媒照片庫)

江美儀曾是四大廣告女王

現年51歲的江美儀,現在是金牌司儀兼實力派演員,但原來她在90年代曾與歐陽妙芝、周汶錡、楊琤被封「四大廣告女主角」,她在電台節目《一起走過》中想當年,她曾與發哥拍了一個經典的洗頭水廣告,成為炙手可熱廣告商寵兒,後來她曾移民加拿大,點知亞視向她招手,從此踏上演員之路。

下流上車族 當年入行拍劇被鬧,江美儀直認好hurt,因為拍廣告時人人當佢係公主,skincare連打燈都唔使自己埋位,點知拍電視就自己顧自己,要自己mark衫,又要就燈又要就人,所以初初好唔慣。
當年入行拍劇被鬧,江美儀直認好hurt,因為拍廣告時人人當佢係公主,skincare連打燈都唔使自己埋位,點知拍電視就自己顧自己,要自己mark衫,又要就燈又要就人,所以初初好唔慣。(圖片來源:IG@elenakongmayyee)
下流上車族 江美儀話當年拍廣告真係搵到錢,佢同發哥拍完個洗頭水廣告就入咗亞視,原來發哥曾叫佢搵杜琪峰,最後冇下文咁啱亞視搵佢,咁就入咗亞視。
江美儀話當年拍廣告真係搵到錢,佢同發哥拍完個洗頭水廣告就入咗亞視,原來發哥曾叫佢搵杜琪峰,最後冇下文咁啱亞視搵佢,咁就入咗亞視。(圖片來源:IG@elenakongmayyee)

由天堂跌落地獄

江美儀憶述當年入亞視拍第一套劇《肥貓正傳》就做女主角,不過她的經歷就如由天堂跌落地獄,因為拍攝期間被男主角Kent哥(鄭則仕)狂用粗口問候,江美儀說:「我同張文慈黃嘉明三個女仔當時都係新人,結果畀Kent哥鬧到趴咗喺度,不過今日我真係當佢恩師。有場戲佢係辛苦啲,講佢跌低再起身,你知佢身位,真係會好攰,我因為唔識就住拍外景嘅燈光,成日遮到佢臉光,嗰次佢真係鬧得好甘,我好想喊,但鬧我都冇用,我真係唔識嘛!跟住自己心諗『唔會畀佢再鬧我多一次』。」

下流上車族 日前江美儀與好友寶珮如一齊主持港台節目《一起走過》。
江美儀曾與好友寶珮如一齊主持港台節目《一起走過》。(圖片來源:IG@babybohkartist)
下流上車族 江美儀入亞視第一套拍的劇集《肥貓正傳》已經做女一。
江美儀入亞視第一套拍的劇集《肥貓正傳》已經做女一。(圖片來源:新傳媒照片庫)

第一個先問候娘親

江美儀知道自己冇經驗,從此虛心學習,做個謙卑新人,每次見到鄭則仕都彬彬有禮,她表示:「之後我見到Kent哥人未到聲先到,一嗌我就話『到』,咁就搞掂咗佢,冇再鬧得咁緊要喇!我係想話畀Kent哥聽我真係想學,真係有聽佢講,但我未做到唔好鬧得咁甘。」鄭則仕鬧得有幾狠?江美儀說:「鬧到想匿埋喺車喊,娘親係第一個,鬧到性器官出晒嚟,姨媽姑姐都攞埋出嚟。」

下流上車族 江美儀難忘被鄭則仕瘋狂問候的日子。
江美儀難忘被鄭則仕瘋狂問候的日子。(圖片來源:新傳媒照片庫)
下流上車族 江美儀當鄭則仕是恩師,不時與當年戰友聚舊想當年。
江美儀當鄭則仕是恩師,不時與當年戰友聚舊想當年。(圖片來源:IG@elenakongmayyee)
下流上車族 江美儀近年造型多變,除了「黑絲儀」外,又曾演過「鳳姐」,情挑黎耀祥。
江美儀近年造型多變,除了「黑絲儀」外,又曾演過「鳳姐」,情挑黎耀祥。(圖片來源:新傳媒照片庫)
下流上車族 江美儀坦言小丑女的造型比起代表作《 名媛望族 》的「 黑絲 」look 更出位,也是她入行以來最多造型的一次!
《殺手》中江美儀仲試過扮小丑女。(圖片來源:新傳媒照片庫)
下流上車族 2015年時,美儀又曾穿上一套鮮紅色蕾絲西裝配上同色內衣,大玩透視誘惑!
2015年時,美儀又曾穿上一套鮮紅色蕾絲西裝配上同色內衣,大玩透視誘惑!(圖片來源:新傳媒照片庫)

林敏驄的小朋友對於父母離婚有什麼行動?

在父母離異後,跟隨母親陳伶俐生活的他,曾經主動鼓勵母親主動去…詳見:林敏驄大仔遺傳爸爸好基因

陳伶俐改嫁新加坡富豪後,居山頂億半豪宅?

陳伶俐婚後搬入夫家位於山頂富豪級地段的布力徑獨立屋,屋內面積達三千呎、全海景花園超過千呎,以市值計算,物業價值超過億半。點擊即睇:豪宅室內圖

撰文:東方新地(部分內容轉載自Sunday Kiss)圖片來源:TVB《下流上車族》截圖、TVB《名媛望族》截圖、TVB《東張西望》截圖、新傳媒照片庫、微博@江美儀、IG@elenakongmayyee、IG@babybohkartist資料或影片來源:原文刊於SundayKiss