不正常愛情研究所 胡敏芝

不正常愛情研究所|胡敏芝自稱「嗌交KOL」 爆同男友鬧交鬧到警察上門調解

最新娛聞

廣告

TVB J2 的清淡節目《不正常愛情研究所》是一個談及兩性關係的節目。節目由黃紫恩(Jojo)、吳兆麟(Alan)、胡敏芝(Karen)連同兩位客席嘉賓麥惠琪(Susuca)、文頌男(Koba)主持。最新一集主題是「嘈交的底線」,另外請的嘉賓是《CP訓練營》受訓者之一的黃潤祺(Jaxson)。

不正常愛情研究所 胡敏芝 一班主持要鬧交。左起麥惠琪、吳兆麟、黃紫恩、文頌男同胡敏芝。
一班主持要鬧交。左起麥惠琪、吳兆麟、黃紫恩、文頌男同胡敏芝。(圖片來源:TVB提供)

胡敏芝自稱係「嗌交KOL」

男女朋友拍拖,少不免會有爭拗,不少人都會說「相嗌唔好口」,原因講出去的說話,尤如潑去的水,收唔返。嗌交其實要有底線,有些說話永遠不可以講,否則傷害可能是一世。自稱是「嗌交KOL」的胡敏芝,自問鬧勻港九新界各地區,試過同男朋友在家嘈交,搞到警察上門調解。

不正常愛情研究所 胡敏芝 胡敏芝鬧交一定要鬧贏先開心。
胡敏芝鬧交一定要鬧贏先開心。(圖片來源:TVB提供)

胡敏芝同男友行傢俱鋪鬧交鬧到打爛衣櫃 

胡敏芝笑言鬧交有句口頭禪「早知唔同你一齊」,她認為嘈交是一種磨合同溝通,不過終極目標都是嗌贏。胡敏芝自爆有趟嘈交出事經過,她說︰「同男朋友行傢俱鋪,不嬲我好鍾意問問題,嗰次問到第10題,見到佢好似唔耐煩,我唔耐煩佢嘅唔耐煩,開始鬧交。」當時男友站在一座衣櫃旁,講到㷫起手一揈,打爛了衣櫃︰「嗰時佢隻手拎住嘢,揈埋去打爛咗個衣櫃,我好驚即刻唔嘈,仲賠咗500蚊。」

不正常愛情研究所 胡敏芝 最後又要賠錢。
最後又要賠錢。(圖片來源:TVB提供)

黃潤祺曾同港女拍拖被拎前度作比較 

輪到《CP》的黃潤祺出場,他提到19歲那年,跟一名年長幾歲的女仔拍拖。分享到有一次難忘的嗌交經歷,透露有天黃潤祺在家接到女友來電,可能剛睡醒的關係,黃潤祺的語氣及聲線未回魂,被女友怪責︰「你做咩燥我呀!」之後就cut線,接住沒有再接電話。成個人醒晒的黃潤祺立刻趕到女朋友公司補鑊,他說︰「佢第一句就問『做咩你喺度呀』,跟手就將我同佢以前男友比,話我照顧得唔夠佢前度好。畀佢鬧足20分鐘,我淨係識喊,一句嘴都冇駁。」

不正常愛情研究所 胡敏芝 講到想喊咁。
講到想喊咁。(圖片來源:TVB提供)
不正常愛情研究所 胡敏芝 麥惠琪話「你唔好去死」這句絕不能在火遮眼時說出口。
麥惠琪話「你唔好去死」這句絕不能在火遮眼時說出口。
(圖片來源:TVB提供)

鬧交有底線 麥惠琪禁語:「你唔好去死」

另外,各主持認同鬧交應該有底線,吳兆麟覺得點鬧都好,不應涉及家人,麥惠琪話鬧交有句禁語︰「唔好講『你唔好去死』,佢真係去死咁點算。」文頌男親身經歷被另一半以一句「除咗我冇人會要你囉」傷害,他說︰「佢覺得自己好好,覺得我好差,配唔起佢。知呢句係佢真心說話,好受傷害。」

不正常愛情研究所 胡敏芝 Jojo質疑Karen「嗌交KOL」的稱號。
Jojo質疑Karen「嗌交KOL」的稱號。(圖片來源:TVB提供)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:TVB提供