龔慈恩拍《使徒行者3》凍齡有術 18歲仙氣囡囡獲劉華欽點拍戲

《使徒行者3》龔慈恩保養得宜

57歲龔慈恩最近在《使徒行者3》有搶眼演出，與三哥苗僑偉相隔卅年再合作，二人在《使徒行者3》頭6集有多幕同場演出，有一場教堂對峙的戲份，唔使用槍只靠超長對白已經十分有張力；早兩年龔慈恩在《飛虎之潛行極戰》劇中飾演吳岱融的太太、吳卓羲的媽媽，戲份都多㗎！不過唔少人話龔慈恩保養得宜，點睇都唔似54歲，話吳卓羲做佢個仔唔多似喎！其實吳卓義當時都38歲，兩人只係相差16歲咋！

現實中嘅龔慈恩同丈夫林煒有個幸福家庭，仲育有個有樣、有才華、有仙氣嘅18歲囡囡林愷鈴 (Ashley)！Ashley早喺13歲開始跟住媽媽出席首映、行處女騷，當時已經被各大經理人公司吼到實，雖然當年兩母女一直口徑一致，話冇興趣入行、讀完大學至算，但其實Ashley已秘簽大導杜琪峰旗下經理人公司，更獲劉德華欽點拍青春電影《熱血合唱團》！

開心阿女陪食飯

剛過去的周日是母親節，龔慈恩日前出席活動時表示母親節有囡囡陪佢慶祝剛，而Ashley原來剛考完試，龔慈恩說：「佢好開心，接放學時佢一上車就不停講，佢都滿意，我覺得佢盡力就OK。」龔慈恩更直言自己開心過阿女，因為阿女已有兩個月冇一齊食飯，之前唔係搬返學校住，就係拎飯入房一路溫習一路食，相當大壓力，龔又笑言：「佢依家可以陪我食飯行街，冇藉口喇！」

仙氣林愷鈴美腿吸睛

近年一眾明星的後裔備受關注，其中龔慈恩女兒林愷鈴 (Ashley) 今年只係18歲，身高1.73米，五官標緻身材均勻更有一對修長美腿，影相拍照有台型更有仙氣！

林愷鈴仙氣靚相吸人氣

得媽媽指點後識打扮識影相，更對自己外型愈來愈有信心，Ashley社交網終有大量高質仙氣靚相，比起當年在電視圈以氣質取勝的龔慈恩餅印得嚟更加青出於藍。

星級媽媽做攝影師

早前假期期間，Ashley與13歲弟弟林卓毅乖乖陪着媽媽返教會、齊齊Family Day。龔慈恩與一對仔女有講有笑，感情和睦。不過一眼睇得出，當時17歲嘅大女Ashley比起弟弟得到媽媽更多關注，行到巷仔見到灰牆鐵網夠晒特色，龔慈恩嗱嗱聲叫住囡囡停步，指指點點教女企位擺pose，又較定相機filter，低炒完再高炒，折騰足足幾分鐘，才終於肯收貨，最後仙氣成品由Ashley親自鋪上個人IG。

龔慈恩女兒 — 聽媽媽話開埋公開IG和微博帳號，呢頭影完靚相，嗰頭擺上個人社交網絡，果然仙氣十足好多like。

林愷鈴秘簽杜琪峰

分享一張生活照都一絲不苟，之唔係因為囡囡Ashley已經正式成為大導杜琪峰旗下藝人，身份再唔係星二代學生妹咁簡單！其實Ashley今年剛讀完名校聖保羅男女中學，將會升讀大學，本來對娛樂圈興趣不大的Ashley近年跟在媽媽身邊見識不少，又常陪媽媽出席老闆杜琪峰家宴，漸漸開始轉軚，不抗拒唱歌拍廣告，還在暑假報讀中史戲劇學院暑期課程學習表演。

Last day 感言（一）到了中學生涯的最後一天～充滿了對過去六年的不捨，對未來生活的盼望！祝各位同學前程錦繡，老師們一切安好。嗯，掰掰啦聖保羅！ Credits: @rosemaryng
林愷鈴 Ashley Lam（@kaening）分享的貼文於 PDT 2018 年 3月月 28 日上午 8:13 張貼

Last day 感言（四）好啦好啦，這是最後一個了，please bear with me! 圖中這四位漂亮的妹紙，是我中學生活的亮點。相比起moron delta, 我們四個的相處模式也算蠻「正常」的 — 每天就是三個responsible 的 moms 帶著我這個（身高上最優勝的）但心智年齡最低的小屁孩。謝謝你們不厭其煩提醒我交功課，簽回條，報考大學，督促我溫習功課。。。能成為你們的baby 實在太幸福了！As an inside joke，我們四個經常會以電影和文學裡的iconic閨蜜組合自比— 以means girls 為例，Karen Smith 的角色就真的非我莫屬了；至於你們三位嘛⋯⋯潑辣的Regina 會是我們的「小鳳辣子」Nikki, 足智多謀的Gretchen Wieners 會是 Zilan, 天真可愛，抱得美男歸的 Cady 會是 Rosemary。但說實話，我們四位跟plastics 的可比性很低 — 雖然她們又「黑心」又蠢，但人家畢竟是白富美的典型代表 — 我們只是四位胸懷壯志的小毛頭罷了。說起白富美，就會想起謫仙記裡的四位大小姐，黃慧芬、張嘉行、雷芷苓和李彤。至於她們四個嘛 — 要是成為另外三位閨蜜也還過得去— 但我祈求命運女神對我們手下留情，別讓我們任何一個變成李彤！
林愷鈴 Ashley Lam（@kaening）分享的貼文於 PDT 2018 年 4月月 2 日下午 8:41 張貼

(EDIT: 考完試啦😂）終於做翻個自由人。
林愷鈴 Ashley Lam（@kaening）分享的貼文於 PDT 2018 年 5月月 11 日上午 4:23 張貼

早前Ashley 18歲生日，適逢銀河海潤公司春茗，獲一眾藝人前輩陪佢切蛋糕，當中包括杜琪峰、古天樂、洪天明同車婉婉。

周身刀入行

表面不願干涉女兒未來，龔慈恩實情自細親自教鋼琴，從小送Ashley參加香港兒童合唱團、學聲樂及中、小提琴，一早練就囡囡一身武藝鋪路入行。從Ashley 13歲初曝光已經被多間公司和金牌經理人接洽，龔慈恩始終認為樹大好遮蔭，等老闆杜Sir出聲。今年終算等到時機成熟、杜Sir亦首肯，終於幫囡囡落實「好人家」，今年入大學後正式出道。

早前龔慈恩還上載囡囡及好友合唱英文歌晒Ashley才藝，原來唔只自彈自唱自己用電腦編曲，首歌曲詞都係Ashley自己創作。

劉華欽點拍戲

有樣有才有仙氣，18歲林愷玲未出道已經係大品牌至愛，近年獲邀參與不少品牌活動，今年更靜靜雞接拍杜Sir愛將劉德華監制兼主演的電影《熱血合唱團》，大把前途。《熱血合唱團》由劉華監制，亦由劉華親自上陣飾演熱血指揮家，八級聲樂造詣的Ashley就扮33人合唱團其中成員。有媽媽鋪靚條路，又有神級杜Sir劉華關照，Ashley前途無可限量！