港男

停辦5年再搞過 歷屆港男冠軍做緊乜?

最新娛聞

廣告

自從11年選完香港先生,5年來冇再舉辦過,直至今年又翻生,王浩信細佬、程可為姪仔等星二代強勢參戰,又有大隻消防Flow同紋身法國有錢仔Alex,未開波戰情已經好激烈!贏到冠軍固然威水,之但係翻查記錄,歷屆港男冠軍唔係個個可以飛黃騰達大紅大紫!除咗袁偉豪終於捱出頭,其餘幾個仲係浮浮沉沉,半紅不黑都幾陰功㗎!

其他文章︰

7月暑假猛片 發哥 城城 vs 起孖古仔

到北歐做阿四 翠如BB要執屎

07年港男冠軍袁偉豪,其實早在97年當選《Yes!》校草,做過model亦拍過唔少電影,最有印象係同謝霆鋒、吳鎮宇拍嘅《新古惑仔之少年激鬥篇》。相隔10年再成為冠軍,但袁偉豪加入TVB後都唔係一帆風順,做咗N咁多套劇嘅大茄,慢慢開始升做配角,到近年《飛虎》、《鐵馬戰車》開始上位,今年《三個女人一個因》更榮升第一男主角,拍住黃智雯孭飛!

袁偉豪上到位,除咗body操得夠靚,好男人形象亦深得粉絲歡心。同12年港姐「最上鏡小姐」岑杏賢拍拖3年,袁偉豪講明視對方為結婚對象,仲周不時放閃!

而第一屆(05年)港男冠軍高鈞賢,多年來都撈唔起,雖然曾經做過兩套劇集《幕後大老爺》及《女警愛作戰》第二男主角,但始終徘徊二、三線。

反而14年約滿TVB後北上發展,即有機會拍大型古裝劇集《山海經之赤影傳說》,亦有份主持綜藝節目《全員加速中》第二季,狂搵人仔,微博粉絲人數有80幾萬!高鈞賢上年儲夠錢,即同朋友開咗間日本和牛專門店,過下老闆癮。

06年第二屆港男冠軍黃長發,發展就認真麻麻。雖然生得鬼鬼哋識法文,又有個同係港男嘅大佬黃長興照顧,但黃長發將大部分時間拎去拍拖,負面新聞多到嚇親人,尤其被鞋王三奶包養最經典!負皮形象搣唔甩,連TVB都唔敢重用,最後決定轉行,曾經做過會計師,近年則去Elite模特兒公司做經理,15年在布拉格同捷克籍模特兒女友Zuzana結婚。

至於08年冠軍朱允崇,贏咗港男後竟然冇簽TVB,返美國完成埋大學學位課程。反而同屆少年組冠軍羅天宇發展唔錯,《愛‧回家》戲份甚重,「馬子仁」一角更入晒屋!

09年冠軍許家傑,講個名肯定你唔識,反而話係《火線下的江湖大佬》入面跟黃光亮個古惑仔「蛋撻」,可能仲有印象。現年32歲嘅許家傑,當選後拍過大量TVB劇,但全部係大茄,連配角都未做過,最叻係同龔嘉欣傳過緋聞囉!

10年冠軍翟威廉,應該係繼袁偉豪後撈得比較掂嘅一個,但其實都唔算好紅咋!選港男前,翟威廉05年選過亞洲先生,獲得亞軍,後來去過日本韓國留學,再於10年回港選港男。有份拍《飛虎》系列,但唔夠袁偉豪、羅仲謙搶鏡,近年代表作可能係拍住張秀文等去日本拍旅遊特輯!

末代港男李晉強,簡直係歷屆最不知名嘅冠軍。11年連奪冠軍及「最佳台型獎」,之後參加25期藝員訓練班,拍劇做演員,可惜角色真係非常唔起眼,今年晌《EU超時任務》入面做朱千雪個宅男細佬,已經算比較突出。\

全文完

 

 

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!