叱咤樂壇

叱咤樂壇2022|MIRROR+COLLAR同奪組合大獎 鄭欣宜奪女金為大滿貫再下一城

最新娛聞

廣告

《叱咤樂壇流行榜頒獎典禮2022》於今日1月1日假亞洲國際博覽館舉行,女歌手金獎由鄭欣宜再次奪得,而組合獎項則由MIRROR與師妹COLLAR分別奪得金獎與銅獎。

鄭欣宜第二年奪女金

鄭欣宜今年冧庄奪「叱咤樂壇女歌手金獎」,她指過去2022年是個很迷惘的一年,但幸好可以將自己的迷失記錄在音樂之中:「好多人話鄭欣宜堅強,但係唔係我強,係我嘅信念比我強大,所以迷失時仍可以選擇相信。」明顯手狂震的欣宜笑指自己比去年首奪更為緊張,又指去年做了許多虐心歌,希望來年能夠做更多開心的作品。

叱咤樂壇
(圖片來源:商業電台 Hong Kong Toolbar截圖)
叱咤樂壇
(圖片來源:商業電台 Hong Kong Toolbar截圖)

泳兒入行17年終奪女歌手獎爆喊

入行17年的泳兒未上台已經爆喊,她哭著謂:「我用咗17年時間,終於拎到女歌手獎。我知道我行得比其他人慢,但係我行得好踏實,成為一個fighter。」泳兒以自身作例子給大家鼓勵,叫大家要堅持下去為自己創造奇跡。去年奪「叱咤樂壇女歌手銀獎」的黃妍今年「降呢」只得女歌手銅獎,但她上台時仍然非常感動:「我好感恩可以再次登上呢個台,會繼續努力將我所有嘢放到我首歌裡面。」

叱咤樂壇
(圖片來源:商業電台 Hong Kong Toolbar截圖)
叱咤樂壇
(圖片來源:商業電台 Hong Kong Toolbar截圖)

COLLAR與MIRROR同奪組合獎

COLLAR繼「叱咤樂壇生力軍組合金獎」後,再下一城奪得「叱咤樂壇組合銅獎」,隊長阿Gao表示:「相信經歷令我哋強壯,COLLAR係唔會放棄,我哋會繼續勇往直前,做我哋要做嘅俾大家睇。」而師兄MIRROR則大熱奪得「叱咤樂壇組合金獎」,副隊長AK(江𤒹生)代替染疫缺席的Lokman(楊樂文)發表感言:「今年我哋唔齊人上嚟呢個舞台,但今年我哋比起以往加團結,我哋一齊經歷、面對咗面對好多事情,多謝公司、『魯金花』,多謝你哋嘅幫助同伴陪。」MIRROR更特別點名師妹:「好開心今日可以同COLLAR一齊登上呢個舞台,希望2023年可以做更多好歌帶俾大家。」到演唱《Innerspace》前,AK笑言要進行一個「隆重而簡單嘅儀式」,就是邀請腳傷剛癒的「姜哥」姜濤把獎項帶到台下休息。

叱咤樂壇
(圖片來源:FB@商台)
叱咤樂壇
(圖片來源:商業電台 Hong Kong Toolbar截圖)
叱咤樂壇
(圖片來源:商業電台 Hong Kong Toolbar截圖)
叱咤樂壇
(圖片來源:商業電台 Hong Kong Toolbar截圖)
叱咤樂壇
(圖片來源:商業電台 Hong Kong Toolbar截圖)

林家謙自嘲聲音似鐵閘聲

「叱咤樂壇男歌手」金、銀、銅三位得獎男歌手分別是林家謙、馮允謙、MC張天賦。馮允謙今年三月於紅館舉行演唱會,他表示為此等了11年,又叫大家要緊持自己,不要在意他人目光,夢想總會實現。得到金獎的林家謙則指自己很怕得到這個獎項,因為自知聲音不是大眾所喜愛的,又指自己會上網看網民對他聲音的意見:「有人話似破地獄、電音或者拉鐵閘,都幾生動,有時飲醉酒聽返都會覺得似。」一向喜歡獨來獨往的他又自爆,早前處理政府文件時,在填寫公司資料也只是寫他自己一個人名。

叱咤樂壇
(圖片來源:商業電台 Hong Kong Toolbar)
叱咤樂壇
(圖片來源:商業電台 Hong Kong Toolbar)

黃偉文勇奪填詞人:千其唔好頒終身成就獎俾我

此外,今年一共寫出24首冠軍歌的黃偉文,今年再次勇奪「叱咤樂壇填詞人大獎」。身在外國的黃偉文今年未能親身出席頒獎典禮,所以預先拍片講得獎感受。片中的黃偉文身穿黃色襯衫,講出長達三分鐘的感言:「我想借呢次機會,多謝我從來未係呢個台多謝過嘅人,亦都好擔心之後會冇機會多謝嘅人。我唔係擔心之後冇獎攞,或者冇頒獎禮去,而係呢幾年我學識重要嘅嘢要喺失去之前好好記住。所以想提大家,千其唔好等我死咗先頒終身成就獎俾我啊,我可以話俾大家知我死咗之後一定唔會去攞獎。」

叱咤樂壇 林海峰 叱咤樂壇2022 Wyman在得獎感言時表示希望大家能夠珍惜眼前人,又搞笑表示:「千其唔好等我死咗先頒終身成就獎俾我啊,我可以話俾大家知我死咗之後一定唔會去攞獎。」
Wyman在得獎感言時表示希望大家能夠珍惜眼前人,又搞笑表示:「千其唔好等我死咗先頒終身成就獎俾我啊,我可以話俾大家知我死咗之後一定唔會去攞獎。」(圖片來源:《2022年度叱咤樂壇流行榜頒獎典禮》截圖)

黃偉文懷念寫情歌

最後黃偉文亦有多謝一直在旁陪伴自己的好友,自己亦在近年開始寫多咗情歌,希望可以研究情歌的可能性,自己亦很懷念當年可以簡簡單單寫情歌的日子:「如果有得我揀,我會情願可以同我心愛嘅人一再Encore,關起手機靈魂對話,而唔需要隔空咁研究全個世界嘅地板。」

叱咤樂壇 林海峰 叱咤樂壇2022 講到後段,Wyman都忍唔住哽咽。
講到後段,Wyman都忍唔住哽咽。(圖片來源:《2022年度叱咤樂壇流行榜頒獎典禮》截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:my903.com 商業電台