C君

史上最體貼司機 C君泊完車會問:我阻唔阻住你?

最新娛聞

廣告

香港人多車多,又出名多泊車L、快線L同開門L,仲有數之不盡嘅「泥鬼」、「DC狗」等,當中最出名一定非「Benz L」莫屬啦!有睇開fb 車group都知,「Benz L」有獨特一套嘅揸車同泊車方法,車友通常都對呢類司機避之則吉或者鬧爆對方,之但係竟然有例外喎!話說日前C君揸住架Benz落荃灣,泊低車之後突然行去搵前車司機,問有冇阻住佢?使唔使泊後少少?成個過程俾車cam拍低晒,網民大讚C君有禮貌,仲話香港好在有佢咁話!

延伸閱讀:

12年恩怨一筆勾銷 楊怡請胡定欣飲喜酒

冇男友有好姊妹 胡定欣喊住開35歲生日P

有網友日前見到C君車住疑似DJ女友黃天頤落荃灣食車仔麵,本來見到明星冇乜特別,但C君泊好車後,先係好gentlemen咁幫女友開車門,之後再行去前車問司機:「如果咁樣阻唔阻到你呀?你走唔走到?」咁識照顧其他人感受嘅C君,獲片主大讚:「暫時遇過最有禮貌的benz 司機,應該係起香港遇過最有禮貌既司機。泊完車會顧及其他司機既感受。讚」

圖片來源:Mac Lau facebook小心駕駛(討論別人駕駛態度)群組

難得C君咁有禮貌,片主都好識做,幫疑似係黃天頤嘅人打黑格遮住,力保C君嘅私隱!而網友對C君呢個行為like爆,加晒分啦!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!