吳雨霏

吳雨霏Kary4年抱3 秘密誕B後公開報喜 陀得辛苦匿埋養胎

最新娛聞

廣告

吳雨霏Kary趁今日(6月9日)36歲生日,突然自爆第三胎已經出世,冇公開露面一排,吳雨霏原來秘密懷孕,BB於6月6日出世,她在社交網報喜晒出抱B照,好溫馨。4年抱3的吳雨霏,仲親自解釋點解整個孕期都保密,是因為今次陀得好辛苦,所以在BB順利出世後才公開。

吳雨霏 吳雨霏今日在社交網自爆第三胎於6月6日已出世,母子/女平安。
吳雨霏今日在社交網自爆第三胎於6月6日已出世,母子/女平安。(圖片來源:IG@ngk)

吳雨霏社交網報喜

吳雨霏懷第三胎保密功夫做足,即使今年1月31日陀住5個月B在社交網po相,大家都未有察覺她已懷孕。收埋巨肚9個月,今日吳雨霏終於宣布BB在6月6日已經出世,她在社交網晒出抱B照,產後的吳雨霏狀態不錯,仲自爆BB已改英文名「Noa」,不過就未有揭露BB性別,個英名文又屬於中性,真係好難估吳雨霏這胎是生仔定女。

吳雨霏 吳雨霏更公開一張懷孕時的照片,一家四口一齊輕撫她的巨肚,構圖好溫馨。
吳雨霏更公開一張懷孕時的照片,一家四口一齊輕撫她的巨肚,構圖好溫馨。(圖片來源:IG@ngk)
吳雨霏 吳雨霏解釋為何懷孕期間要保密,並公開BB英文名叫「Noa」,不過未有透露是男定女。
吳雨霏解釋為何懷孕期間要保密,並公開BB英文名叫「Noa」,不過未有透露是男定女。(圖片來源:IG@ngk)

吳雨霏匿埋陀B有因

已育有一子一女的吳雨霏,留言表示今次秘密生B有苦衷,因為今次陀B是三胎中最辛苦、最擔心嘅一次:「今胎無論是身體上或精神上,都是最辛苦、最擔心的一胎。儘管經歷那麼多,我們還是非常感恩。現在我會好好休養並享受我們一家五口的時光,希望有一天同大家分享見證。這個寶寶是一個奇迹,也是最好的生日禮物 ❤️🎂。 」多年前曾經歷過小產的吳雨霏,為了BB健康,懷孕期間非常小心唔敢周圍去,直到BB順利出世才放鬆,「養兒一百歲,長憂九十九」,已是三子女之母的吳雨霏,看來有潛質成為圈中多仔婆。

吳雨霏 Kary對上一次公開露面,已經係去年嘅《全民造星4》,拍攝時間應該係10至11月,當時已經是她的懷孕初期了。
Kary對上一次公開露面,已經係去年嘅《全民造星4》,拍攝時間應該係10至11月,當時已經是她的懷孕初期了。(圖片來源:)
吳雨霏 今年1月31日,吳雨霏曾在社交網開心出po,當時已懷孕5個月肚凸凸,可能衞衣太鬆身,大家都未有察覺。
今年1月31日,吳雨霏曾在社交網開心出po,當時已懷孕5個月肚凸凸,可能衞衣太鬆身,大家都未有察覺。(圖片來源:IG@ngk)
吳雨霏 近月吳雨霏亦有po與囡囡的合照,不過只影上身。
近月吳雨霏亦有po與囡囡的合照,不過只影上身。(圖片來源:IG@ngk)
吳雨霏 4年抱3的吳雨霏,一家五口幸福滿瀉,喜歡親自照顧仔女的吳雨霏,看來短期內都唔打算復出。
4年抱3的吳雨霏,一家五口幸福滿瀉,喜歡親自照顧仔女的吳雨霏,看來短期內都唔打算復出。(圖片來源:IG@ngk)

吳雨霏產後家庭第一

由Cookies的少女到現在的人母,Kary吳雨霏成熟了不少,第一胎與第二胎產後勤餵人奶迅速回復纖瘦身段,已習慣全職湊仔的生活,更有意煞停演藝事業,除了演唱會無了期押後、出埠工作亦耍手擰頭,實行家庭第一,事業第二 。

吳雨霏 2015年,吳雨霏(Kary)同老公洪立熙(Brian)終於在意大利舉行浪漫草原婚禮!
2015年,吳雨霏(Kary)同老公洪立熙(Brian)終於在意大利舉行浪漫草原婚禮!
吳雨霏 吳雨霏的大仔在18年6月出世,兩公婆有仔萬事足。
吳雨霏的大仔在18年6月出世,兩公婆有仔萬事足。(圖片來源:IG@ngk)
吳雨霏 自從為人母後,吳雨霏甚少出席活動,稍為辛苦的工作都推晒,只想全天候都黐實仔女,而且仲緊張大師上身,凡係關於仔女的起居飲食,都絕對唔會假手於人。
自從為人母後,吳雨霏甚少出席活動,稍為辛苦的工作都推晒,只想全天候都黐實仔女,而且仲緊張大師上身,凡係關於仔女的起居飲食,都絕對唔會假手於人。(圖片來源:東方新地資料庫)
吳雨霏 減產做全職媽咪的 Kary,一直堅持餵母 乳讓 BB健康成長,她曾貼出在候機室餵母乳照片,用行動支持餵母乳!
減產做全職媽咪的吳雨霏,一直堅持餵母乳讓 BB健康成長,她曾貼出在候機室餵母乳照片,用行動支持餵母乳!(圖片來源:東方新地資料庫)

拒讓子女出鏡

出名脾氣好的吳雨霏,產後已變成緊張媽媽,只要影響到仔女的生活都會觸動她的神經,而每次拍照及外街,吳雨霏貫徹不讓子女曝光的宗旨,所有抱住他們的合照都是大背面與大側身。

吳雨霏 不時約 Cookies好姊妹Gathering ,不過放相時,囝囝都係唔見樣。
吳雨霏不時約Cookies好姊妹Gathering ,不過放相時,囝囝都係唔見樣。(圖片來源:IG@ngk)

吳雨霏點解整個孕期都保密?

吳雨霏懷第三胎保密功夫做足,大家都未有察覺她已懷孕,佢留言表示今次秘密生B有苦衷⋯⋯詳情請看

吳雨霏第三胎為何未有公開性別?

產後的吳雨霏狀態不錯,仲自爆BB已改英文名,而且個英名文又屬於中性,真係好難估⋯⋯詳情請看

關鍵詞
吳雨霏Kary
撰文:東方新地圖片來源:IG@ngk、東方新地資料庫