呂爵安

呂爵安Edan「莫生氣」圖變萬能Key 開Live自揭常被Haters「問候」強調冇炒CP

最新娛聞

廣告

正身在日本拍攝電影《盜月者》的Edan呂爵安,日前趁休息時間在IG開Live抒發感受,仲講足一個鐘,期間他一度在額頭頂著「莫生氣」Filter,沒想到這個畫面非常受到網民喜愛,極速變成一個萬能Key圖!

Edan呂爵安 分享與Anson Lo合作成導火線

Edan與MIRROR隊友Anson Lo盧瀚霆前年因合拍港版《大叔的愛》,分別飾演田一雄及凌少牧而爆紅,「田牧CP」自此深入民心,近日兩人再度合體,到日本拍攝由袁劍偉執導的電影《盜月者》,白色情人節(3月14日)當日,兩人更驚喜遇上日版《大叔的愛》吉田鋼太郎的廣告海報,因此開心留影,沒想到卻因此引來一位網民留言鬧爆:「得閒就學吓戲練吓歌,唔好浪費時間喺度炒CP啦,次次炒登神神教同爵group都嘈,你自己group mma冇所謂,唔好影響人哋先得㗎!」

呂爵安 Edan早前分享了一張與Anson Lo在日版「大叔」廣告前的合照。
Edan早前分享了一張與Anson Lo在日版「大叔」廣告前的合照。(圖片來源:IG@edanlui)

當時Edan已親自落場回應該名網民,表示:「得閒就睇吓書同屋企人朋友傾吓偈,唔好浪費時間喺度話人炒CP啦,次次我po同佢嘅嘢都話炒CP,我係咪唔同得我朋友合照啊,你同你朋友去旅行會唔會po相啊,你自己諗多冇所謂,唔好意圖扭曲我做嘅嘢同控制我po乜先得㗎!」

呂爵安 Edan和Anson Lo的「田牧CP」深入民心。
Edan和Anson Lo的「田牧CP」深入民心。(圖片來源:IG@edanlui)

親自留言回應網民炒CP指控

之後這位網民續說:「咁我就講多少少自己感受,你知唔知CP呢個issue成日令到粉絲之間嗌交,佢哋嘅over FF(有啲直情熄電視三級,好過份)同兩派CP粉嘅爭寵令人心煩,可能你只係純粹想分享同bro嘅日常開心事,但次次見到兩個群組鬧嚟鬧去都令到好多人唔開心。如果我講嘅語氣冇禮貌左我可以道歉,但希望你明白我想表達乜嘢。」

呂爵安 網民指控Edan炒CP,令他忍唔住親自落場回應。
網民指控Edan炒CP,令他忍唔住親自落場回應。(圖片來源:IG@edanlui)

Edan亦有繼續回應,表示接受該名網民的道歉:「咁嘅語氣咪大家都舒服啲囉,絕對歡迎你道歉。咁順便我都想問多少少,你係咪認為你所講嘅OverFF、爭寵、嘈交全部都係我嘅責任?如果係,你覺得我應該點樣做去解決呢?」引來不少網民留言力撐,大讚他真誠又有型。

呂爵安 Edan話佢只係想分享同朋友去旅行時嘅合照!
Edan話佢只係想分享同朋友去旅行時嘅合照!(圖片來源:IG@edanlui)

開Live貼「莫生氣」Filter

其後Edan似乎因為仲有好多說話未曾講,而特別開Live講足一個鐘,仲選擇了一個「莫生氣」Filter貼在額頭上,他表示已非第一次被指控炒作「田牧CP」,原來以往他每次上載同Anson Lo的合照,都會收到好多DM,已經keep住一段時間:「話我做咩係咁黐、扮CP,講唔少。」

呂爵安 Live一開始,Edan就解釋了額頭「莫生氣」Filter的由來,表示:「咁啱搵到咁咁嘅filter,大家覺得我生氣,其實我係冇生氣。」
Live一開始,Edan就解釋了額頭「莫生氣」Filter的由來,表示:「咁啱搵到咁咁嘅filter,大家覺得我生氣,其實我係冇生氣。」(圖片來源:IG@edanlui)
呂爵安 呢個係Edan原本想揀嘅Filter。
呢個係Edan原本想揀嘅Filter。(圖片來源:IG@edanlui)

自爆經常被迫睇hater「問候」

Edan指最難以忍受的是有部分hater會用「密友」形式來Tag他,令他冇得揀唔睇對方的限時動態:「好似被迫地俾人問候咁,逼住我去睇亦逼住我俾你知我睇咗,呢種關係令我有啲唔舒服。」因此他最終選擇Block了那些帳戶,免得眼冤。

呂爵安 Edan一度講到好激心。
Edan一度講到好激心。(圖片來源:IG@edanlui)

Edan:唔出聲就硬食,出聲就俾人話小器

Edan再度強調冇炒CP:「如果我真係做緊嗰啲嘢,你鬧我我都抵,問題係我唔係。老實講,如果我要賣CP,我就不停po啦,但我幾時有呢?」又表示預了被人話:「或者可能會話:你小器、你嬲,或者覺得,你係咪俾人講中咗呀?」他嘆氣說:「唔出聲就硬食,出聲就俾人話小器、俾人話嬲、話講中咗,咁其實我點都死㗎喎!呢個概念好奇怪,點解現實生活俾人屈唔可以出聲?」

呂爵安 Edan強調冇同Anson Lo炒CP。
Edan強調冇同Anson Lo炒CP。(圖片來源:IG@edanlui)
呂爵安 Edan話覺得好奇怪,點解俾人屈唔可以出聲?
Edan話覺得好奇怪,點解俾人屈唔可以出聲?(圖片來源:IG@edanlui)

望粉絲們互相尊重、將心比己

Edan重申自己冇嬲,只係想講好耐:「藝人係咪預咗俾人鬧?俾人鬧唔可以講嘢?我覺得唔係,藝人都係人,啲人成日講『食得鹹魚抵得渴』、『你預咗㗎啦做藝人』。呢個就叫做我預咗,但俾人鬧、俾人誤解,我唔覺得係藝人必須要承受。」最後他總結:「大家互相尊重,無論咩粉絲都好,將心比己。何況嗰個係我自己IG,點解我po嘢都要思前想後?唔應該係咁,偶像唔代表唔可以討論!」

呂爵安 Edan話俾人鬧、俾人誤解,唔可以用「食得鹹魚抵得渴」嚟勸自己唔好出聲。
Edan話俾人鬧、俾人誤解,唔可以用「食得鹹魚抵得渴」嚟勸自己唔好出聲。(圖片來源:IG@edanlui)

「莫生氣」圖變「萬能Key」

在Edan這個Live之後,他額頭貼著「莫生氣」Filter的畫面就受到網民追捧,變成各種貼圖的「萬能Key「,連Edan自己都有在IG Story中,分享了其中一個貼圖!

呂爵安 呢個係Edan分享嘅「莫生氣」貼圖。
呢個係Edan分享嘅「莫生氣」貼圖。(圖片來源:IG@edanlui)
呂爵安 仲有各個網民嘅改圖。
仲有各個網民嘅改圖。(圖片來源:網上圖片)
呂爵安 成段經文貼晒出嚟。
成段經文貼晒出嚟。(圖片來源:網上圖片)
呂爵安 仲有埋各種Stickers。
仲有埋各種Stickers。(圖片來源:網上圖片)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@edanlui、網上圖片