周永恒

周永恒9月再做老竇 喊爆向女兒道歉!

最新娛聞

廣告

2014年周永恒(Roy)被爆背着老婆趙頌茹(阿Yu)偷食兼對阿Yu進行家暴後,被網民封為世紀賤男。今年5月,他與內地女友結婚,今日就有傳媒報道爆指原來阿Roy今次係奉子成婚,並將會於9月再做老竇!

撰文:東方新地|圖片:新傳媒圖片庫、周永恒FB陳𦾡IG、微博

周永恒被爆9月再做老竇

今日,有報道大爆指周永恒(Roy)今年5月與內地女友結婚實為奉子成婚,並將會於今年9月再做老竇!據報道指,阿Roy的現任太太Britni現時正懷孕陀B仔,預產期為9月,雖然再次做人爸爸,但阿Roy心情緊張,同時亦指有點產前抑鬱,因怕與前妻所生的兩個囡囡會唔開心。

周永恒向前妻及女兒道歉

阿Roy曾經自稱「人渣」,但即將準備迎接新生命的同時,佢接受傳媒訪問,喊住隔空同前妻阿Yu同囡囡講對唔住,仲指自己同兩個女已經有4年冇見,自覺欠咗兩個女好多嘢!

於訪問中,聲淚俱下的阿Roy仲話依家知道自己好錯,表示自己會分擔兩個女嘅生活費!但其後阿Yu接受傳媒訪問時,則表示對方只付了兩個月就停付。

不過,阿Yu繼指阿Roy可能因為剛接受了傳媒訪問,故剛剛收到呢個月的錢。阿Yu表示不知對方以前冇俾錢的原因,但自己仍會靠自己努力賺錢養兩個女!

渣男Roy 歌詞寄意

Roy去年底同前妻趙頌茹(Yu)正式辦好離婚手續,半年後就入紙申請再婚,未婚妻陳薇在婚事曝光後,即上載與Roy嘅婚紗照,相中佢從後攬住Roy,甜蜜表示:「可能我揀咗一條最艱辛嘅路,但無論如何我都會喺你身邊支持你,陪住你行落去。」

可能我拣佐一條最艱辛既路,但無論如何我都會係你身邊支持你,陪住你行落去💍
Britni Chan(@britni_chan0429)分享的貼文 於張貼

而Roy則貼上陳奕迅〈任我行〉部分歌詞:「曾迷途才怕追不上滿街趕路人/無人理睬如何求生/頑童大了沒那麼笨/可以聚腳於康莊旅途然後同沐浴溫泉/為何在雨傘外獨行」。

天水圍同居

兩人入紙「擬結婚通知書」中,所報地址為天水圍同一屋苑住所,Britni接受訪問時力撐Roy有才華,為人亦唔係咁壞:「其實係咪唔好將一個人曾經嘅錯誤繼續放大同標籤繼續打擊佢呢?畢竟佢真係有改變咗好多,成年人嘅問題有時真係兩個人先知,放過佢,畀多啲空間佢啦!」

矮兩個頭

據知兩人拍拖已有一年多,女方現年32歲,比周永恒矮足兩個頭。

Britni Chan(@britni_chan0429)分享的貼文張貼

Britni Chan(@britni_chan0429)分享的貼文張貼

曾偷食打老婆

自認係人渣嘅世紀賤男周永恒(Roy)與趙頌茹(Yu)結婚不過4年,育有2個女兒,但2014年突爆婚外情,事緣阿Yu揭發人渣偷食,小三正是Roy模特兒公司拍檔、港視小花劉依靜(Ruby),同時二人情慾短片流出,Roy自此被封為世紀賤男。

躁底周永恒更一度動粗,出手打阿Yu,令她下巴及面部受傷須送院縫針,更登阿Yu娘家家門,吐口水及用粗口辱罵外父外母,並以WhatsApp恐嚇殺死妻女及自殺,涉嫌刑事恐嚇被拘捕,最後法庭裁定普通襲擊罪成。

2015年底Roy同小三Ruby奸情玩完,随即搭上嫩模周芷儀,前年又暗撻新晉女子組合O.m.G成員黃芊詠(Cherie)。

嬲到爆粗

Roy偷食打老婆恐嚇咩都做齊,前年上ViuTV節目時疑不滿兩位女士不斷提及佢打老婆同有外遇等事,更嬲到爆粗起身走人!

苦等四日 嚇壞女兒

Roy仲自爆曾去過大女信希就讀的幼稚園門外苦等四日,見到女兒仲忍唔住撲過去!不過信希見到佢又好似唔係好熟咁,之後有保母將佢抱回學校,仲唔敢出嚟!轉個頭已分居的太太Yu就send message俾佢,話佢咁樣做學校會報警,但其實佢都唔知自己做錯啲咩。

至於阿Yu同Roy離婚後重新出發,重投娛樂圈,密密接Job賺奶粉錢。同時要身兼父職,獨力照顧兩個女兒信希和愛希,阿Yu不時都被影到個樣殘爆咁接囡囡放學。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!