周秀娜

周秀娜爆與經理人鬧翻後苦況 渴望屋企有個XX!

最新娛聞

廣告

周秀娜短短十年,從翻版樂基兒,到𡃁模 Chrissie,到憑著《 29+1 》成為演技和氣場不容質疑的 金像獎入圍最佳女主角,幾乎就在爬到個人事業的最高峰之際,卻和一手捧紅她的經理人鬧翻對簿公堂,官司仲打緊。娜姐眼紅紅,然後淚水在眼眶裡。

撰文:東方新地|圖片:東方新地、周秀娜微博

周秀娜爆與經理人鬧翻後苦況

周秀娜於訪問中坦言:「依家同前經理人主要通過律師書信溝通,你知 啦,通常一來一往,又個幾月,原來打官司就係咁 ……點解會搞成咁?我諗一段關係即使一開始係基於信任而建立,始終係兩個個體,大家唔同立場意見各一,等於食餐飯都各有各喜好一樣,相同諗法目標嘅人本來就唔容易搵,再加上隨著時間,人會變 ……」

「我唔知變嘅係唔係我,只係知道十年前十年後,我嘅追求從來冇變。大家各執一詞,我唔想講邊個啱邊個錯,但係點解會行到呢一 步,當然非一日之寒,當然有我嘅原因。」

「大家合作咗十年,係佢令到我有今日,我從冇忘記 過呢樣嘢,老土啲講句,天下無不散之筵席。某程度上,我諗打官司都可以話係一種成人禮,都係一種成長。我又何嘗唔想好來好去呢?搞到咁、 畀人睇笑話,又有咩咁馨香呢?」

「但係有時有啲嘢你退後一 步,佢向前十步,你再退,佢又行多十步。我個人唔鍾意 同人解釋咁多,但係委屈咗自己選擇咗讓步,令到別人習以為常,我覺得自己成長咗,亦明白到搞成咁其實係自己造成,你唔出聲,所以人哋覺得可以繼續蝦你 ……」

一代𡃁模代表人物,短短四五年間,搖身一變 成為香港電影新生代實力女演員,周秀娜17年 憑《 29+1》入圍金像影后 提名。

「我覺得唔公平時,可能人哋覺得喺我呢個角度,理應就係 接受呢種待遇呢?其實當我唔再用經理人,所有事情自己處理時,我 都見識到好多以前需要佢(前經理人)要面對嘅難處。但係有難處,唔代表就大條道理造成傷害,呢個就係我求嘅公平,合作本來就建基於公平同信任上,我唔明,點解你要破壞呢?」

「2018年對我都係新嘅一頁,各種新聞、各種改變,拍好嘅劇(《 深宮計 》)又因為公司紛爭冇得參與宣傳,我覺得我幾識調整自 己,成日都提醒自己橋到船頭自然直!諗唔到答案、搵唔到原因,不如唔好再逼自己埋牆角,我都好想所有嘢可以似頭幾年一樣咁簡單, 既然唔可以成世喺溫室長大等人照顧,咁咪視佢為一個機會逼自己成 長囉!係就係攰啲,不過好事嚟嘅!」

渴望屋企有個…

33歲的娜姐,自從13年和Avis分手,身邊一直沒有新一任出現。一向硬淨慣並且自稱比以前更硬淨,娜姐話,經過去年的人生波折,其實倒是希望身邊能有個膊頭挨一挨:「 呢幾年都係一個人住,其實我都想有個人幫我整 吓屋企啲亂咗好耐嘅電線、燈膽壞咗有人換、落雨時幫我 擔吓遮、就算唔可以幫我解決問題,都想返到屋企畀個膊 頭我挨吓 ……可惜冇,可惜未來都係要靠自己。」

即時回顧:

周秀娜𡃁模出道

周秀娜(娜姐)2009年出道,當時就有「翻版樂基兒」之稱,樣子甜美且身材火辣,經常狂騷32D胸器,好快就成為知名模特兒。當年推出寫真集《Kissy Chrissie》引來全城熱話,一張又一張爆乳靚相陪伴不知多少男孩變男人。

刷牙刷到滴牙膏呢張都算經典,相信唔少人都仲記得,皆因睇到人心癢癢。

當年嘅娜姐無論係拍廣告,抑或出席活動,都會大騷「胸器」,真係睇到人眼定定!

就連出席電影頒獎禮都會不經意咁「倒奶」,真係有身材,就算點都擋唔住。

周秀娜轉型跳入公仔箱

其後,隨住娜姐告別寫真界後,亦遂漸收起性感,由年青活力性感嘅𡃁模轉變成電影女主角。2014年時,娜姐接拍電影《分手100次》,除了劇情引起不少觀眾共鳴外,娜姐更因該角色令形象大逆轉,因其內心戲非常豐富,演技開始備受外界關注。

拍攝期間娜姐死忍滾水淥腳,直到導演叫cut機,大家先發現佢對腳變咗做紅燒豬髀,認真專業。

周秀娜提名香港電影金像獎最佳女主角

娜姐憑演出彭秀慧的《29+1》被獲提名香港電影金像獎最佳女主角,可謂係娜姐多年來演得最出色的電影作品!

片中林若君一角,成功演活現代香港女性喺30歲呢個關口時,心態上的轉變、或是對未來的無奈和迷惘,令人眼前一亮,且心有共鳴。雖然娜姐未能贏得金像獎影后獎項,但提名絕對係對佢演技嘅一個肯定!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
周秀娜