唔試唔知份工好

唔試唔知份工好|Kathy仔做骨妹收$600 網民好奇:竟然識邪骨

最新娛聞

廣告

王頌茵,人稱Kathy仔,又名女版姜濤,在昨晚(20日)播出的ViuTV節目《唔試唔知份工好》現身並擔任按摩師,俗啲講即「骨妹」,連網民都話估佢唔到,Kathy仔竟然識「邪骨」。

文:東方新地|圖:《唔試唔知份工好》截圖、IG@k_thyy

Kathy仔化身按摩推拿師,想翻佢牌仔要搵19號。(圖片來源:IG@k_thyy)
Kathy仔化身按摩推拿師,想翻佢牌仔要搵19號。(圖片來源:IG@k_thyy)

Kathy仔骨妹價值$600

Kathy仔未出發先發奮,自知力量不足就練定深蹲、舉吓啞鈴,但短短十數秒就話大腿痠痛、手臂無力、氣都喘埋,連腰背都痛,大嗌投降!

之後出發前往按摩店,Kathy仔以學師價$600一日開工,先學腳仔按摩,再學全身按摩。無論練習還是實戰,Kathy仔都總有甩漏,例如幫客洗完腳唔拎走盤水隨時絆倒人、用濕毛巾噏住個客、忘記穴位等等,而最大問題就是奀嫋鬼命無氣無力。

Kathy仔按摩一日人工為0港元。(圖片來源:《唔試唔知份工好》截圖)
Kathy仔按摩一日人工為$600港元。(圖片來源:《唔試唔知份工好》截圖)

識揼邪骨,畀客摸腳仔

Kathy仔雖然資歷淺,技術又未到家,但骨都揼過唔少,試勻晒泰式、中式、推拿、磁叉等等,所以都識啲述語,放飯休息期間更直接問教她按摩的導師糖姐關於「邪骨」的問題:「經常聽到有人說揼正骨、揼邪骨之類,從事這行業是否會被標籤這是不正當的職業,有試過嗎?」糖姐回答:「自己問心無愧,不需理會別人。有時候你進房間,客人趴下,你走過去按摩時,畢竟會有身體接觸,很近,客人會乘機用手摸你的腳。如果你馬上躲開,他就會明白,知道你不做這種事,那麼他就不會有更過分的行為。」

情節發展至此,網民都估唔到睇落乖乖女似係入世未深的Kathy仔竟會知道「揼邪骨」這回事,加上提到按摩師會面對「客人乘機摸腳」情況,不少網民都猜想之後情節好可能是安排男顧客摸Kathy仔腳仔,從而測試她反應。殊不知,網民失望了,留言說:「做咩唔搵啲媒試下摸佢,睇佢識唔識say no?」「竟然冇男客人?」雖然不似預期,但網民依然支持說:「Kathy仔世一!」「正骨都幫襯。」

Kathy仔顏值高,難怪網民都想搵佢揼骨。(圖片來源:IG@k_thyy)
Kathy仔顏值高,難怪網民都想搵佢揼骨。(圖片來源:IG@k_thyy)

撈埋上門按摩兼貼大床

Kathy仔一連兩集化身推拿師,今晚(21日)一集更要上門按摩,兼貼埋大床,事關要搬30磅按摩床上無電梯的單位開工,認真攞佢命。至於網民仍抱一絲期望的「上門按摩被客人毛手毛骨」情節,只能說,抱有期待絕對是好事。

Kathy仔更做埋上門按摩,𡥼住30磅按摩床上落樓都咪話唔辛苦。(圖片來源:《唔試唔知份工好》截圖)
Kathy仔更做埋上門按摩,𡥼住30磅按摩床上落樓都咪話唔辛苦。(圖片來源:《唔試唔知份工好》截圖)
網民表示估唔到Kathy仔識「邪骨」,又對節目無搵男客人測試Kathy仔感失望。(圖片來源:LIHKG截圖)
網民表示估唔到Kathy仔識「邪骨」,又對節目無搵男客人測試Kathy仔感失望。(圖片來源:LIHKG截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!