Game Boy

好玩過Pokemon Go 那些年的經典Game Boy遊戲

最新娛聞

廣告

依家人人揸住手機玩Pokemon Go,公園好似中秋節咁熱鬧,就算日前打8號風球依然有訓練員落街捉精靈,勤力過返工!其實要數經典遊戲,90年代推出嘅黑白遊戲機Game Boy,當中好多game都相當經典,仲有好抵玩嘅幾十合一遊戲帶,同埋方便夜晚靜雞雞打機嘅Game Boy放大鏡加照明燈,簡直係80後嘅集體回憶!

其他文章:

真相大白 秦舒培死撐:搞不清誰撒謊

「真兇」自首 林志玲被辱罵真相公開

Super Mario Land

無論紅白機、NDS、超級任天堂同Game Boy,都一定會有呢隻game出現!唔使多介紹,當年放學放假就狂打各個系列嘅孖寶兄弟,一定要救出Daisy先肯收機!

俄羅斯方塊

當年大拿拿6百幾蚊買部Game Boy,隨機附送嗰隻game一定係俄羅斯方塊!呢隻純用腦嘅game係就係冇其他動作game咁好玩,但無聊時打幾關都好過癮,尤其啲積木越跌越快又唔知點砌,再加埋啲背景音樂,都幾刺激!

倉庫番

又係另一隻要用腦玩嘅遊戲!用個人仔將一個個木箱推到指定位置,最難搞係俾木箱塞死晒郁唔到,又要重頭再推過!

瘋狂越野電單車

呢隻《瘋狂越野電單車》(Motocross Maniacs)簡直係當年必玩車game!冇3D、冇彩色、冇劇情,就係得一架電單車。你要用turbo幫手做出前後空翻等動作過關,有時碌極都碌唔到過關,真係想撳甩個掣呀!

雙截龍

要數Game Boy動作遊戲,一定唔少得呢隻由日本遊戲商TECHNŌS JAPAN開發的《雙截龍》。主角係一粒黑白人仔,為救被擄走嘅女朋友而不斷打打打,武器則相當簡單,就係一支棒球棍同一個拳頭!雖然畫面可以話係幾簡陋,但打過嘅人一定覺得唔使用腦瘋狂出拳係爽嘅!

忍者龜

《忍者龜》係經典卡通,佢嘅Game Boy遊戲亦出過幾集。玩家一開始要揀用邊個成員,每個成員各自有唔同武器,有刀有棍,跟住就要劈劈劈!最過癮係中場休息時嘅pizza time,狂隊pizza可以補充能量!

冒險島

《冒險島》同《孖寶兄弟》差唔多,不過主角有得騎住恐龍打怪獸,而版與版之間有得揀一隻蛋做獎品,刺激得嚟又唔血腥暴力,啱晒小朋友玩!

他媽哥池Tamagotchi

當年一隻「他媽哥池」掀起電子寵物熱潮,幾乎個個細路都有隻電子雞晌手。其實Game Boy都出過「他媽哥池」game,玩法大同小異,都係餵下食物養大佢,不過熱潮一過就變咗垃圾冇再玩喇!

寵物小精靈

同Pokemon Go好唔同,當年嘅黑白《寵物小精靈》玩法非常簡單,冇得好似依家咁用手指拋精靈球!當時官方更同時推出黃、紅、藍等不同版本,算好有心思喇!

魂斗羅

《魂斗羅》係另一隻相當經典嘅動作射擊遊戲,主角係大隻軍佬,為阻止強力武器落入壞人手上,隻身打大佬,劇情來來去去都差唔多,不過好多男仔勁沉迷㗎!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
Pokémon GO