姚子羚大爆入行前不為人知辛酸 賣啤酒遭客人非禮！
撰文：東方新地｜圖片：電視截圖、Instagram: 2bro2sis、姚子羚、蕭正楠
姚子羚大爆入行前不為人知辛酸
胡定欣、姚子羚、蕭正楠及曹永廉早前遠赴瑞士拍攝《兄弟姊妹去旅行》，4人老友鬼鬼兼不時互寸，睇到唔少觀眾非常過癮！
而近日一集中，4人去完葡萄園後齊齊坐低分享入行前工作經驗，最爆嘅竟然係姚子羚！
賣啤酒遭客人非禮
姚子羚就分享入行前曾試過兼職啤酒推銷員，不過佢就大爆自己喺兼職時被客人拍打屁股，令佢非常之嬲！當時Elaine向對方講:「你摸我，我要報警！」，但對方一啲都唔驚，甚至拎手機俾Elaine報警，幸得菲律賓藉同事出手幫助，替子羚出一口氣，令對方知難而退！
點知蕭正楠同曹永廉即刻笑Elaine以前身材虎背熊腰，外貌唔似依家咁標青，Elaine即刻反駁自己當年好多人接放工，而阿廉就言係等佢放工「互挑」，認真搞笑！而Elaine最後仲提醒電視機前嘅觀眾，如果遇到職場非禮一定要識得say no！
延伸閱讀：
網民插爆《兄弟姊妹去旅行》兼總結三大死因
佢哋幾個一向出名玩得又講得，大家互相串嚟串去都無有怕，一眾觀眾就最鐘意睇佢哋四人之間嘅互動！
但網民對呢個節目就評價麻麻啦，佢哋歸納咗三大主因：
1.唔夠爆
不過有巴打就唔係幾滿意佢哋今次嘅表現啦！佢表示以前子羚明明講過會喺《兄弟姊妹去旅行》瘋狂派甜，但點知最後連砂糖都無粒 。
巴打覺得好失望，仲話啊田套《女人四十》派甜仲多過佢哋！
巴打本來一心期待子羚會有更爆嘅言行，因為上次佢喺《兄弟大茶飯》就表現好出色！
即睇0:50-1:09：
不過，其實再留意清楚啲，節目中佢哋都有講啲「有味」對話，仲有Keep住講嘅。
2.內容好悶
悶係一個節目嘅死忌，即表示你吸引唔到人去睇！有巴打都話係俾宣傳呃咗入去睇，明明就好悶！佢哋無認真介紹到有咩好玩，就係喺度嘻嘻哈哈！
個個都話又悶又唔好睇！
3.節目一忽忽
可能佢哋之間「有味對話」太多，所以就要後期剪接剪走晒啲對話，搞到啲內容一忽忽，巴打話睇到好辛苦！無計啦，始終係俾一家大細睇，費時俾人投訴有不雅內容啦！
姚子羚妹妹饒慧珊係新聞主播
唔講唔知，原來姚子羚有位做主播的妹妹饒慧珊，近日更備受網民關注！話說子羚本名饒慧玲，姚子羚係早年錢國偉為佢改的藝名，子羚家中尚有一姊一妹，妹妹就係主播饒慧珊。饒慧珊現為nowTV的新聞主播，主力負責財經新聞，觀眾在nowTV或ViuTV新聞都定會見過其身影。
遺傳媽媽台灣血統
新聞女主播向來都唔少粉絲，饒慧珊有著標緻清純的面孔，亦有人留意到佢身材都絕不失禮～姚子羚同饒慧珊兩姊妹都咁靚女，有人就話因為饒媽媽係台灣人，所以兩姊妹都擁有台灣人的優美五官。
入行多年
饒慧珊其實早在2011年已經出任主播女郎，中途離開一段時間，不過兩年前又重回舊崗位。現時大家知道佢係姚子羚妹妹，會唔會令佢大大加分，愈來愈多粉絲呢？
之前子羚都有上載過兩姊妹的合照～大家鍾意家姐定妹妹多啲呢？
37歲姚子羚完勝後生女？
雖然話饒慧珊外表絕對唔差，不過小編都係鍾情表哥多啲！現時37歲的姚子羚出晒名身材索爆，體重100磅、擁23吋纖腰仲有豐滿上圍及長腿，確係唔少女士夢寐以求的魔鬼身材，睇到男士們熱血沸騰！
瀑布下「中門大開」
早前「胡說八道會」成員姚子羚、李施嬅及胡蓓蔚去咗菲律賓旅行，豹嫂就喺社交網站上載靚相，見到三位靚女身穿泳裝喺瀑布下影相，雖然話豹嫂同林施嬅都著三點式，但其實最性感係一件頭的姚子羚！一身大Deep V泳衣「中門大開」，盡騷其美好身段，性感誘人！
姚子羚 麥明詩 性感登場
姚子羚和麥明詩早前應邀出席內衣品牌開幕禮，二人一黑一白的造型登場外，更少有地以內衣當外衣著，大騷事業線及小蠻腰，姚子羚以低胸谷到盡，而麥明詩則中門大開，相當噴血！
姚子羚大方回應「表哥」改圖
每當姚子羚出現，連帶「表哥」亦會出現！其實大家都知「表哥」係指網民將姚子羚的眼睛擦走妝容，將其改圖至豆豉眼的她。
外貌古怪嚇人，但是問到姚子羚會否介意網民此改圖行為，她不但沒有生氣，反之卻完全不介意，非常大方！
