李琳琳

李琳琳姜大衛結婚44年 攜手走過抗癌路

最新娛聞

廣告

雖然話「再鋒利嘅刀,都有生鏽嘅一日⋯⋯」,但70歲「John哥」姜大衛仍寶刀未老,繼早前演出《誇世代》後,喺《翻生武林》又孭重飛做武林盟主,打到70歲都仲咁打得!而佢喺新劇《逆緣》中飾演嘅的士司機「賀和年」(紅綠燈)為人蠱惑又孤寒,不少網友認為姜大衛演繹「廢老」入木三分,演技了得。現實生活中,佢同老婆李琳琳結婚44年,係娛圈出名嘅模範夫妻,但John哥話佢哋都遇過唔少難關,最難過係太太喺六年多前患上大腸癌,John哥陪伴佢走過抗癌之路,兩夫妻感情更勝從前。

撰文:東方新地 |圖片:新傳媒圖片

姜大衛 李琳琳結婚44年

姜大衛同李琳琳自1974年結婚,育有兩女一仔,大女姜依蘭07年嫁曹永廉,二女姜依文亦已組織家庭,現居溫哥華,細仔姜卓文是李琳琳於1996年以48歲高齡誕下,現年僅22歲。2011年中李琳琳被爆患上大腸癌,手術後卻因癌細胞擴散至淋巴位置,要進行化療,被傳媒影到激瘦如同紙版人,不過經過老公姜大衛悉心照料,兩年後李琳琳終於戰勝病魔,兩公婆感情更勝從前,John哥早年接受傳媒訪問時表示:「嗰段時間我的確係好擔心,唯一可以做嘅就係共同面對。四十幾年感情,其實唔需要講出聲都知,大家都係冇咗對方唔得嘅!」

婚姻之道 互相包容

講到44年婚姻相處之道,姜大衛認為最重要係互相包容,佢話自己年輕時好多事情都會堅持己見,睇唔順眼就會出聲,但隨住年長的看法也有所不同:「之後會明白其實好多執拗都冇乜大不了,總之唔傷害到自己同別人就得啦。兩公婆嗌交,都係因為睇法唔同。後生時,我哋總係想改變對方,但慢慢就會知道,有啲嘢係冇得迫嘅!」

對女婿讚不絕口

近年姜大衛同女婿曹永廉喺《公公出宮》同《超時空男臣》密密合作,《公公出宮》中曹永廉更同現實一樣,都係扮演John哥嘅女婿角色,成就曹永廉攞到最佳男配角獎。John哥對女婿大讚話:「佢個角色唔容易演,但佢演得到!」至於拍戲時,廉記又會點樣稱呼John哥?John哥笑指以前會同佢講喺錄影廠要叫John哥,唔好叫外父!但廉記就笑言依家叫咩都冇所謂啦!

姜大衛 演藝世家出身

姜大衛係演藝世家出身,與大哥秦沛及同母異父弟弟爾冬升三兄弟感情勁好,John哥自4歲開始做童星,66年加入邵氏做武師,得到大導演張徹賞識,擔正《游俠兒》主角。70年更憑《報仇》一片成為香港首位獲得亞洲影展最佳男主角嘅演員。73 年,John哥再憑電影《叛逆》獲得亞洲影展最具性格演員獎。

姜大衛曾表示最鍾意演武俠片,除此之外就係喜劇,而喺新劇《逆緣》以三爺孫的故事為軸心,年僅30歲的陳家樂在劇中成為姜大衛嘅爸爸,黎耀祥就係陳家樂個孫,配搭新鮮!

陳家樂飾演嘅二戰時期冷凍人士兵陳家樂在2018年甦醒後,驚覺兒子姜大衛及孫兒黎耀祥早已年紀漸老,他決心重拾父子關係,掀起連串奇幻逆緣。

愛拍搞笑武俠劇

佢喺較早前播出的《翻生武林》中,就集合晒John哥最鍾意嘅兩種類型,劇中John哥一人飾演「慈悲老人任我飛」和「武林盟主慕容風」兩個角色,戲份勁重。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!