季前賽｜7歲「晴晴」阿Bean秒喊獲讚成姜濤Stanley爭寵對象！

《季前賽》「晴晴」表演秒速又喊又笑

現年7歲的阿Bean（豆豆）在《季前賽》飾演Stanley女兒「晴晴」，一幕在幾秒間又喊又笑的戲份，獲網民大讚演技收放自如，阿Bean媽媽Sally在接受傳媒訪問時，就透露阿Bean能夠話喊就諴，全因想起逝去的倉鼠。原來那隻倉鼠阿Bean已養了3年，有日阿Bean放學回家，發現倉鼠忽然死了，令她喊足幾個鐘。

季前賽阿Bean在劇中幾秒間就喊到出嚟，原來係因為諗起突然去世嘅心愛倉鼠。 — 阿Bean在劇中幾秒間就喊到出嚟，原來係因為諗起突然去世嘅心愛倉鼠。（圖片來源：ViuTV《季前賽》截圖）

季前賽之後又好快笑番。 — 之後又好快笑番。（圖片來源：ViuTV《季前賽》劇照）

季前賽劇中阿Bean被阿媽逼住去學餐桌禮儀，現實中阿Bean鍾意學咩就學咩，近年她愛上學拉丁舞和溜冰，又愛學空中瑜伽。 — 劇中阿Bean被阿媽逼住去學餐桌禮儀，現實中阿Bean鍾意學咩就學咩，近年她愛上學拉丁舞和溜冰，又愛學空中瑜伽。（圖片來源：IG@dellapietraalexandra）

姜濤Stanley鬥播「晴晴」語音

拍攝《季前賽》期間，姜濤曾在限時動態公開與晴晴的語音訊息截圖，更Tag埋「情敵」Stanley說：「你睇到啦，佢（晴晴）悶到搵我㗎！」又留言話︰「晴晴是愛我的。」Stanley隨即展開反擊，也在限時動態中公開了與晴晴的語音訊息截圖，對姜濤表示︰「少年，你太年輕了！」原來晴晴在語音中問Stanley瞓咗覺未，又說：「我梗係有掛住你啦，你有冇掛住我先得㗎嘛！」

季前賽姜濤公然向Stanley宣戰，爭奪阿Bean嘅寵愛。 — 姜濤公然向Stanley宣戰，爭奪阿Bean嘅寵愛。（圖片來源：IG@keung_show）

季前賽原來阿Bean臨瞓時send語音畀姜濤搵佢傾偈。 — 原來阿Bean臨瞓時send語音畀姜濤搵佢傾偈。（圖片來源：IG@keung_show）

不少網友紛紛搞笑留言說：「大表哥個voice message比姜生嗰個早1分鐘，大表哥完勝」、「俾大表哥一嘢KO」、「大表姜爭愛」、「晴晴是日大贏家」、「姜DD點及大表哥冧人咁老手啊，阿Bean把聲甜到漏」等等，又安慰姜濤說：「姜姜唔好太傷心，你仲有我哋，P.S.妹妹係有一手」。

季前賽 Stanley反擊姜濤。 — Stanley反擊姜濤。（圖片來源：IG@stanleysc_）

季前賽一句「SORRY～」講得勁風騷。 — 一句「SORRY～」講得勁風騷。（圖片來源：IG@stanleysc_）

季前賽睇嚟「晴晴」都係愛爸爸多啲！ — 睇嚟「晴晴」都係愛爸爸多啲！（圖片來源：IG@stanleysc_）

同「老闆仔」成好友

因為拍《季前賽》，阿Bean同「老闆仔」黃梓樂（Sean）成為好友，最近仲一齊去行金魚行玩爬蟲。阿Bean近日又上載了同劇中父母Stanley及Evelyn（蔡穎恩）的合照，形容爸爸是綿羊、媽媽是老虎，但她說：「still love you both！」非常Sweet。

季前賽一家三口合照。 — 作為混血兒的Bean母語是英語。（圖片來源：IG@dellapietraalexandra）

季前賽阿Bean同「老闆仔」因拍劇成為好友，不時攬頭攬頸。 — 阿Bean同「老闆仔」因拍劇成為好友，不時攬頭攬頸。（圖片來源：IG@dellapietraalexandra）

季前賽兩個人都咁鍾意玩蟲蟲！ — 兩個人都咁鍾意玩蟲蟲！（圖片來源：IG@dellapietraalexandra）

姜濤問阿Bean：我係邊個？

此外姜濤又曾被阿Bean認錯係Anson Lo！姜濤早前在IG上載了一段影片，影片一開頭他就笑問：「妹妹，我係邊個？」似乎已經對答案有所準備，結果小妹妹不太肯定地回答：「Anson Lo？」姜濤狀似無奈地重複：「我係Anson Lo。」接著又說：「Bye Bye啦！」似乎想結束影片。

季前賽姜濤在影片中問小妹妹：「我係邊個？」 — 姜濤在影片中問小妹妹：「我係邊個？」（圖片來源：IG@keung_show）

季前賽可能已被多次詢問，所以小妹妹不太肯定地回答：「Anson Lo？」 — 可能已被多次詢問，所以小妹妹不太肯定地回答：「Anson Lo？」（圖片來源：IG@keung_show）

193亂入勁得戚

姜濤被小妹妹認錯後，一臉無奈想停止拍片，但這時ERROR成員193（郭嘉駿）卻亂入鏡頭中，指著自己追問小妹妹：「我係邊個？」小妹妹就望向他並回答：「193。」193即笑住拍姜濤的膊頭，稱呼他：「Anson Lo。」然後勁得戚地轉身離開，留下一臉尷尬的姜濤，令場面非常搞笑。

季前賽 193亂入問小妹妹：「我係邊個？」這次小妹妹較為有信心地回答：「193。」 — 193亂入問小妹妹：「我係邊個？」這次小妹妹想也不想便回答：「193。」（圖片來源：IG@keung_show）

季前賽 193即得戚地笑拍姜濤的膊頭，並稱呼他為「Anson Lo」。 — 193即得戚地笑拍姜濤的膊頭，並稱呼他為「Anson Lo」。（圖片來源：IG@keung_show）

保錡笑爆：3哥個樣！

姜濤在影片下@了Anosn Lo，並附上一個笑著流淚的emoji，影片上載短短半日便有多達34萬次觀看量，並有近10萬人讚好。193隊友保錡也笑爆留言：「3哥個樣！」引來不少網友回應「知我咩料嘅樣」、「好得戚」、「勁沾沾」、「威番次」等。

季前賽姜濤在影片下@了Anosn Lo。 — 姜濤在影片下@了Anosn Lo。（圖片來源：IG@keung_show）

季前賽保錡笑爆193個得戚樣，而ViuTV節目《賭命夫妻》的Maegi就提議姜濤可以扮成Anson Lo去做壞事。 — 保錡笑193個得戚樣，而ViuTV節目《賭命夫妻》的Maegi就提議姜濤可以扮成Anson Lo去做壞事。（圖片來源：IG@keung_show）

阿Bean親自解答叫錯名原因

小妹妹阿Bean的母親其後在社交網重提叫錯姜濤事件，原來小妹妹竟然以為姜濤同Anson Lo係同一個人，她說：「我以為佢個中文名叫姜濤（唔連姓叫），因為啲人叫我中文名都係兩個字（唔連姓）。」所以她以為姜濤係姓盧，英文名係Lo Keung To（Anson Lo）！

之後姜濤再上載影片，片中阿Bean話：「姜濤就係姜濤，Anson Lo就係Anson Lo，我而家識分㗎喇！」同日Stanley又在IG分享另一段影片，是事件的後續，片中見到姜濤追問阿Bean鍾意他還是Anson Lo多些，晴晴就為難地回答：「Same！」

季前賽小妹妹澄清佢係識姜濤嘅，只係以為姜濤英文名叫Anson Lo。 — 小妹妹澄清佢係識姜濤嘅，只係以為姜濤英文名叫Anson Lo。（圖片來源：IG@dellapietraalexandra）

童星阿Bean 為新一代廣告寵兒

其實今次認錯姜濤的小妹妹是已經拍過不少廣告的童星阿Bean（豆豆），中文名為楊千筱，英文名為Alexandra Della Pietra，是個混血兒，媽媽Sally亦是中泰混血，爸爸家族中亦混有多國血統，包括意大利、法國、美國印第安、南斯拉夫及愛爾蘭。現年7歲的阿Bean，由3歲開始入行拍廣告，曾拍過匯豐、海洋公園、雅培等多個大公司廣告，去年又取代Celine（楊鎧凝），成為新一代「美心妹妹」。早前她更有份參演電影《出租家人》。