【守護神之保險調查】欠缺宣傳兼排炮灰檔期 邵氏新作必睇四大賣點
撰文：東方新地 ｜圖片：劇照
【守護神之保險調查】必睇四大賣點
邵氏兄弟首次跟內地愛奇藝合拍電視劇《守護神之保險調查》，雖則此劇宣傳麻麻，但是也有幾個必看賣點！
1. 主題曲有新鮮感
近年無綫劇集主題曲多為「星夢幫」主唱，例如菊梓喬、吳若希、鄭俊弘等，今次就落重本請來台灣天后A-Lin (黃麗玲）獻唱。今次製作班底非常有誠意，為劇集主題曲製作廣東話版本《世世》及國語版《真相》，觀眾終於不用再聽「星夢幫」了！
插曲及片尾曲也製作了雙語版本，插曲被品冠與黃齡合唱，而片尾曲則由吳業坤主唱，可謂花不少製作費在歌曲之上。
2. 大製作
雖然劇集是中港合拍，但是劇情都加入港人非常熟悉的事故，好似「迷你倉大火事件」、「粉塵爆炸事件」等，劇集內容就是透過種種意外或事件去令人想起保險問題。今次劇組遠赴馬來西亞、內地、布拉格拍攝（當然少不得香港），而且大約兩集就會有大場面發生。
4. 題材新穎
電視劇集主要以專業人士，好像醫生、律師、警察等職業為題材，而今年最佳劇集《跳躍生命線》也是首次以救護員職業為主題，已經比起過往有創意。今次以保險業人士著手，令人知道更多保險調查員背後的調查工作及辛酸。
苗僑偉新加入IG大家庭
最近唔少前輩級藝人潮玩IG，而日前亦多咗一位60歲嘅男藝人開咗個IG戶口，講梗嘅呢位男藝人就係男神三哥苗僑偉！
三哥加入IG大家庭，第一張就post出同一對仔女，27歲長女苗彤及25歲幼子苗俊嘅合照，雖然暫時就未見有三嫂戚美珍嘅相，但相信大量嘅三嫂都唔會介意俾仔女搶先出現喺三哥IG度嘅！
比汪阿姐更識潮玩
三哥個IG開咗三日就已經有接近一千粉絲追隨，而三哥暫時只關注咗18人，而三哥亦用IG宣傳有佢份主演嘅新戲《守護神》，而且亦都識得Tag一對仔女嘅帳戶，睇嚟三哥都好識玩喎！
講到三哥嚟梗會出街嘅新戲《守護神之保險調查》，係邵氏同愛奇藝網站首次合作拍攝製作，將於本月6日喺愛奇藝首播，至於香港觀眾想喺電視免費睇到呢套戲就要等耐啲啦！
苗僑偉晒全家福賀仔仔大學畢業
苗僑偉（三哥）與戚美珍結婚28年，育有一名27歲長女苗彤及25歲幼子苗俊。光陰似箭，昔日的兒子已經長大成人，並且大學畢業了。兩姊弟均在加拿大留學，日前三哥連同三嫂便飛往加拿大出席仔仔大學畢業典禮，並拍下溫馨的全家幅。
養大兒子到二十五歲，看到他大學畢業三哥都在微博寫道：「畢業了！開心！並不是什麼學業有成，而是你的堅持和努力被肯定。是你學懂了怎樣面對困難和挫折，學懂怎樣面對孤獨和無助。你大個仔了，恭喜Murph！ 」
苗俊遺傳了三哥的高大身型，兩年前宣布與富二代女友Jasmine拍拖，不時在Instagram發放閃光彈，看來三哥三嫂已經接納了這位女友。
大女苗彤主修心理發社會學，有傳2009年時曾獲TVB邀請她參選港姐，不過三哥出面婉拒。雖然父母都是娛樂圈中名人，不過苗彤就無意投身娛樂圈，她熱愛拍攝，遂追夢成為攝影師。
苗彤早前與幾位同學開設攝影工作室，雖然09年未有參選港姐，不過為2016年港姐競選擔任攝影師。
苗彤拍下的三哥笑到「見牙唔見眼」。
一定照顧她一生一世
60歲嘅三哥仲係非常有型，其實從以前開始三哥畀人嘅感覺已經係好瀟灑、成熟穩重，82年苗僑偉同戚美珍合作《飛越十八層》擦出愛火，90年結婚至今已經28載。雖然三哥間唔中都會傳出緋聞，但戚美珍依然相信三哥，三哥接受本刊訪問時曾經講過：「佢 (戚美珍) 為我生小朋友，每個人年紀都會大，樣貌會變，冇理由生完小朋友就丟咗佢，做男人要學識承擔，同你生活咁多年，唔可以半途拋棄佢，結婚時已經係一個承諾，我同太太經歷過好多風浪，一定照顧佢一生一世。」深情告白，難怪兩公婆能夠恩愛如此。
當年嘅三哥同三嫂！
結婚25年大放閃光彈
三年前三哥仲趁住結婚周年紀念，在微博大放閃光彈！佢仲寫到：「二十五年不算長，但肯定是不短的時光，謝謝有你的陪伴，謝謝有你們的祝福……感恩！」
一仔一女幸福滿滿
三哥同戚美珍育有一仔一女，大女苗彤已經27歲，盡得屋企人真傳身材非常好，前年仲獲邀成為港姐嘅御用攝影師，前途無可限量。但係上年就曾經傳出苗彤同鄭俊弘擦出愛火，搞到三哥派三嫂睇住囡囡，愛女心切，相信所有為人父母嘅都明白嘅。而囝囝苗俊則長駐係加拿大。
仔女健康最重要
三哥說，一個男人，無論在外面怎樣撒野馳騁，總向往回家的溫暖感覺。「見到一對仔女開開心心、健健康康，好過給我一個男主角獎。」說來老土，但相信是天下父母的心聲。
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
