宣萱

宣萱被經理人嫌老叫轉行 一個理由拒演《肥田囍事》女主角

最新娛聞

廣告

宣萱早前喺內地節目《魯豫有約一日行》中自爆曾被經理人嫌老,並揭開TVB劇《肥田囍事》女主角原本是由她飾演,非胡杏兒!

宣萱
宣萱喺內地節目《魯豫有約一日行》中自爆曾被經理人嫌老,並因為一個理由拒演《肥田囍事》女主角肥田。(圖片來源:微博@魯豫有約)

四十幾歲被嫌老

現年53歲嘅宣萱保養得宜,2017年喺TVB劇集《不懂撒嬌的女人》飾演Mall姐狀態大勇示人,更獲提名「最佳女主角」獎項。不過,宣萱幾年前甲狀腺出過問題,令到身形變腫,睇落老咗十歲。受身形影響,宣萱工作量大減,經理人更直接批評佢年紀大,「你老喇,你肥喇,你冇得做喇,你唔好做演員,搵過第二份工做啦。」俾人咁樣直接批評真係好大打擊,好彩宣萱諗法正面,好快就重新調整心態,「我接受工作唔會好似以前一樣,但係未去到我要換工嘅地步。我覺得自己仲可以做演員,咁我就繼續行自己條路。當然已經唔可以再合作,因為我覺得自己係經理人嘅產品,佢覺得呢個產品唔得,其實都賣唔出呢個產品,呢段合作關係就咁完咗。」

宣萱
宣萱飾演《不懂撒嬌的女人》女強人Mall姐一角大受歡迎。(圖片來源:新傳媒圖片庫)
宣萱
宣萱︰「我接受工作唔會好似以前一樣,但係未去到我要換工嘅地步。我覺得自己仲可以做演員,咁我就繼續行自己條路。」(圖片來源:微博@魯豫有約)

宣萱曾對年齡焦慮

宣萱而家冇再抗拒熟女身份,但佢同每個女人一樣害怕面對29+1,坦然曾對年齡增長有焦慮。宣萱話由29歲到30歲生日嗰晚佢大喊一場,因為覺得自己全盛時期已成過去,喺完全唔知點算嘅情況下喊咗一陣。到咗40歲生日,宣萱對年齡睇法就完全唔同晒,覺得40歲對女人嚟講係個好開始,年齡只係一個數字,享受生活先係最重要。

宣萱
宣萱而家冇再抗拒熟女身份,但佢同每個女人一樣害怕面對29+1,坦然曾對年齡增長有焦慮。(圖片來源:微博@魯豫有約)
宣萱
宣萱覺得40歲對女人嚟講係個好開始。(圖片來源:IG@jessicahsuan_official)

一個理由拒演肥田

宣萱演出過多套無綫經典劇集,《洗冤錄》、《刑事偵緝檔案IV》、《壹號皇庭》一一被觀眾視為神劇。宣萱接受節目《魯豫有約一日行》訪問時透露,《肥田囍事》女主角本身都係自己演藝事業里程碑之一,經過仔細考慮後,都係要推戲,原因係唔想增肥,「我怕我身體會出現問題,雖然我覺得角色突出,會有突破,但後來都係覺得身體健康比較重要,於是就推咗。」節目主持人續追問佢有冇後悔,宣萱諗都冇諗就答冇後悔,佢覺得由比自己年輕嘅胡杏兒去演會比較好,始終自己開心最重要,無謂強逼自己。

宣萱
宣萱冇後悔拒演肥田一角,佢覺得自己開心最重要,無謂強逼自己。(圖片來源:IG@jessicahsuan_official
宣萱
胡杏兒增肥飾演《肥田囍事》女主角肥田。(圖片來源:新傳媒圖片庫)

再回應古天樂緋聞

宣萱多年來以演藝事業為重心,感情最多只係排第二,但佢試過同拍拖六年嘅男朋友發展到拉埋天窗階段,可惜都係分手收場,「男朋友當年真係想同我結婚,佢話我唔可以再做演員,一定要生小朋友,一定要全心全意照顧小朋友。當時我問自己,揀呢條路會唔會後悔,我好快就有答案,會後悔。」至於同緋聞男友古天樂有冇機會發展,宣萱就笑住話檔佢係兄弟,絕對冇可能。

宣萱
宣萱直言同緋聞男友古天樂冇機會發展,只會檔佢係兄弟。(圖片來源:IG@jessicahsuan_official)
宣萱
宣萱直言同緋聞男友古天樂冇機會發展,只會檔佢係兄弟。(圖片來源:微博@魯豫有約)

同場加映:勇武女星素顏真面目全集

今時今日P圖早成為網絡世界之常態,更甚者有明星網紅仲自稱化行妝P到盡咁至叫專業至對得住網友,呃呃氹氹願者上釣,真面目一早冇人深究!好彩仲有一班女星脫下華服濃妝,反璞歸真願意展現最真實一面的素顏。其實一張照片背後,除咗天生麗質有本錢現真章外,真正可貴又體現勇氣嘅,仲有一份自信與坦然,咁至係真女人!

51歲宣萱

一向天生麗質又保養得宜的宣萱,亦都從來不畏懼素顏示人,其實與廿幾年前全盛時期容貌分別不大。

宣萱
宣萱年過半百依然無懼素顏示人。(圖片來源:IG@jessicahsuan_official)

49歲鄭秀文

去年踏入49歲的Sammi鄭秀文既是潮人icon,亦係堅毅自律女性代言,Sammi日日都唔少得跑番公里出番一身汗再po番張紅蘋果一樣爆汗相,展現素顏美態。

宣萱
Sammi早前特別趁生日前推出新廣東專輯《Listen to Mi》。(圖片來源:IG@sammi_chengsauman)
宣萱
踏入49歲的Sammi話會繼續努力增肥增肌增高增長!(圖片來源:IG@sammi_chengsauman)

45歲舒淇

精心打扮過的舒淇冶艷不可方物,不過拍戲拍封面以外,舒淇個人社交網絡最多不修邊幅素顏相,發放自然美。

宣萱
舒淇經常在社交網post素顏照。(圖片來源:IG@sqwhat)

39歲李佳芯

出名係360度零死角大美人、又係山系氧氣美女,李佳芯工作以外最愛以素顏示人,白滑無瑕肌膚羨慕死人。

宣萱
李佳芯皮膚keep得勁好。(圖片來源:IG@aliaime)

40歲黃翠如

無論少女時代定還是人妻時代,翠如BB一向氣質取勝,唔多適合濃妝艷抹,真素顏對佢嚟講食生菜一樣,亦都係最愛素顏上陣女星之一。

宣萱
黃翠如是最愛素顏上陣的女星之一。(圖片來源:IG@wongtsuiyu)

24歲劉穎鏇

青春無敵又係運動健將,劉穎鏇素顏甜笑加上一身健康膚色,呢種自然美真係P圖都P唔嚟。

宣萱
劉穎鏇青春無敵又係運動健將。(圖片來源:IG@itstiffanylau)

48歲陳煒

煒哥出名keep得好,難得48歲仲唔怕素顏上陣,睇真啲皮膚光滑又細緻,絕對唔會輸蝕畀班後生女。

宣萱
48歲陳煒素顏一啲都唔輸蝕畀班後生女。(圖片來源:IG@alicechanwai)

36歲宋熙年

宋熙年生完2個小朋友都皮光肉滑愈陀愈靚,素顏下絕對見得人。

宣萱
宋熙年素顏下皮膚都好白滑。(圖片來源:IG@rahrahsong)

46歲佘詩曼

懂得生活、享受單身嘅佘詩曼活得坦然笑得更甜,雖已46歲完全無懼素顏上陣,散發出一種瀟灑美態。

宣萱
佘詩曼高清素顏無濾鏡都一樣咁靚。(圖片來源:IG@charmaine_sheh)

50歲袁詠儀

港姐冠軍出身、有名你叫靚靚,袁詠儀靚就梗嘅,最緊要仲有個廿四孝老公Chilam錫住同寶貝仔魔童孝順,幸福女人又點會唔神采飛揚!

宣萱
袁詠儀平日出街都愛素顏上陣。(圖片來源:IG@anitayuenwy)

45歲梁詠琪

梁詠琪一樣有勇氣亦有本錢真素顏,近年減少工作量,將家庭和女兒放在第一位,崇尚自然生活,其實比起長年日夜不分趕場唱歌拍戲,更精神飽滿。

宣萱
注重飲食健康的梁詠琪素顏見得人。(圖片來源:IG@gigileungwingkei)

42歲胡杏兒

家有4歲Brendan、2歲Ryan及9個月大Liam三個寶貝仔,靚媽杏兒一打三仲要兼顧家務同事業,自然化妝扮靚時間都所剩無幾,不過佢嘅素顏look依然冇走樣。

宣萱
胡杏兒素顏look未見走樣。(圖片來源:IG@myoliemyolie)

38歲鄧麗欣

堅持食素多年、又係排球健將,Stephy鄧麗欣近年由內至外都咁容光煥發,就算冇化妝都見得人。

宣萱
Stephy近年由內至外都咁容光煥發。(圖片來源:IG@stboo)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:微博@魯豫有約、《魯豫有約一日行》截圖、TVB、IG@jessicahsuan_official、IG@sammi_chengsauman、IG@sqwhat、IG@aliaime、IG@wongtsuiyu、IG@itstiffanylau、IG@alicechanwai、IG@rahrahsong、IG@charmaine_sheh、IG@anitayuenwy、IG@gigileungwingkei、IG@myoliemyolie、IG@stboo、新傳媒圖片庫