家族榮耀, 羅子溢

家族榮耀|羅子溢楊茜堯被踢爆分房瞓成功「造人」:係咪婚姻有啲問題?

最新娛聞

廣告

有「港版Penthouse」之稱的《家族榮耀》近日於無綫翡翠台開播,再度掀起一陣家族鬥爭熱潮。而劇中主角除了金錢瓜葛錯綜複雜之外,就連感情關係都一樣亂七八糟!當中羅子溢與李彩華飾演甜蜜夫妻,但其現實中的太太楊茜堯卻在劇中與黃浩然及張智霖先後激烈親熱,而最估唔到係,羅楊夫妻被踢爆拍劇期間二人居然係分開瞓,仲要成造「造人」!

羅子溢與楊茜堯於2016年結婚,2020年4月誕下長女,2021年12月宣布再誕一子。(圖片來源:IG@tavia_yeung)
羅子溢與楊茜堯於2016年結婚,2020年4月誕下長女,2021年12月宣布再誕一子。(圖片來源:IG@tavia_yeung)
羅子溢被人爆大鑊!(圖片來源: TVB (official)截圖)
羅子溢被人爆大鑊!(圖片來源: TVB (official)截圖)

拍攝《家族榮耀》期間分房瞓成功「造人」

《家族榮耀》入面嘅人物關係錯綜複雜,正如上文提到,羅子溢(飾演三少馬耀堂)與李彩華飾演賈洛儀是一對經常嘴咀的甜蜜夫妻,但另一方面,羅子溢現實中的太太楊茜堯卻在劇中卻與黃浩然(飾演二少馬耀祖)及張智霖(飾演堂少爺馬展鴻)先後各自都有感情線,當中不乏激烈親熱戲份!早前羅子溢、張智霖以及黃浩然接受TVB訪問時就玩大踢爆,張智霖透露在劇集拍攝期間,羅楊二人同住但分開房瞓,黃浩然即時搭嘴抽水:「但計返條數,佢哋有小朋友(第二胎)其實又係嗰段時間(製造)㗎喎!阿茜堯咁忙,你哋又分開房瞓,究竟係點㗎呢件事?」羅子溢即時無言以對。計返日子,《家族榮耀》拍攝期間係2020年11月至2021年3月21日,2021年12月誕子的羅楊夫妻,應該真係喺拍攝期間「造人」。

羅子溢指兩夫妻不吻的話會很假。(圖片來源:《家族榮耀》截圖)
羅子溢與李彩華經常在劇中咀嘴。(圖片來源:《家族榮耀》截圖)
楊茜堯劇中有老公黃浩然。(圖片來源:《家族榮耀》劇照)
楊茜堯劇中有老公黃浩然。(圖片來源:《家族榮耀》劇照)
一幕走廊激吻戲,旋轉了多達8圈!(圖片來源:《家族榮耀》截圖)
呢場張智霖與楊茜堯嘅「湯馬斯8迴旋」走廊激咀成為熱門話題。(圖片來源:《家族榮耀》截圖)

拍攝《家族榮耀》期間羅楊零交流

而另一方面,羅楊夫妻又被黃浩然踢爆在拍攝期間於片場零交流,黃浩然笑言:「我都問佢,點解你同阿怡(楊茜堯)婚姻係咪有啲問題呀?佢肚痛你又唔關心佢,佢唔舒服你又唔理佢!」但其實羅子溢事後都在另一個訪問中解釋他是刻意如此安排,原因是為免現場造成尷尬:「因為我哋一齊喺屋企睇劇本,大家都知道會發生咩事,大家都有共識。我哋第一時間會諗對手。因為我哋站返喺浩然或者Chilam立場,會唔會有尷尬或者放唔開呀,所以我哋站喺佢角度睇,我哋一去到現場,譬如我同彩華,我唔識佢嘅,我第一次見佢就係第一次埋位,跟住我就同佢講,你千祈千祈唔好尷尬,千祈千祈要放開,我同我老婆有晒共識㗎啦!」不過,黃浩然和張智霖最後都非常明白羅子溢的用心和體貼,仲大讚他:「佢畀我哋嘅一份心意。」

刻意同老婆喺片場保持距離,果然係專業!(圖片來源:娛樂新聞台截圖)
刻意同老婆喺片場保持距離,果然係專業!(圖片來源:娛樂新聞台截圖)

聽返佢哋整段專訪:

相關文章:家族榮耀|羅子溢被爆要求加戲狂嘴李彩華 報復楊茜堯張智霖旋轉激吻戲

被踢爆主動要求加吻戲,令羅子溢尷尬遮面。(圖片來源:微博@網劇家族榮耀)
被踢爆主動要求加吻戲,令羅子溢尷尬遮面。(圖片來源:微博@網劇家族榮耀)

羅子溢楊茜堯在《家族榮耀》中分別飾演什麼角色?

羅子溢飾演李彩華的丈夫, 而楊茜堯飾演張智霖的太太, 各自都有…詳情請看

羅子溢楊茜堯做了什麼事配合投入角色?

因羅子溢楊茜堯現實中是夫妻, 但劇中羅子溢飾演李彩華的丈夫, 而楊茜堯更在劇中與…詳情請看

撰文:東方新地圖片來源: TVB (official)截圖、娛樂新聞台截圖、《家族榮耀》截圖、楊茜堯IG資料或影片來源: TVB (official)、娛樂新聞台