尋人記2

尋人記2|單親爸爸曾兩度尋短見 寫信向兒子道歉:傷害係彌補唔到

最新娛聞

廣告

《尋人記2》繼「元祖投訴王」安仔與30年前的「吃杯麵的男孩」後,今集(第4集)方東昇、黃曉瑩等人出發尋訪99年及03年受訪的兩位男士。一位失婚又失業,父兼母職;另一位因老婆走佬曾想過輕生,到底兩位人主人翁如今生活如何?團隊茫無頭緒,竟然要從一盆水仙和一塊磚頭找線索?

黃國強曾兩度諗過輕生 一念之間救返自己

99年受訪的事主黃國強,與太太離婚8年,他要獨自面對經濟、照顧兒子的壓力,曾經兩度想輕生。黃國強一想到仔女,不忍拋下他們不顧,一念之間撐下去沒有做傻事,他感觸說:「佢媽咪都唔要佢,如果連我都唔要佢,咁佢兩個咪好慘?」

尋人記2 黃國強當年父兼母職,曾兩度想過輕生。
黃國強當年父兼母職,曾兩度想過輕生。(圖片來源:《尋人記2》節目截圖)

曾寫信向兒子道歉 單親爸爸靠信仰企返起身

離婚後囝囝學業大受影響,黃國強緊張囝囝,曾試過凌晨陪伴補做功課,結果大家都難受到喊:「佢啲眼淚係咁滴落本簿,我又望住佢喊,大家一齊喊。」黃國強又試過寫信向兒子道歉,他說:「覺得自己無論點做都無法彌對仔女造成的傷害。」黃國強每朝都會帶女兒上學,幸得女兒所讀小學的校長與他傾訴,他終透露心聲:「我梗係唔開心啦,我想死吖嘛!」他試過站在天橋企跳,又試過站在月台想一躍而下,校長聞言立上開解他,並帶他接觸信仰,透過信仰企返起身。

尋人記2 國強一念之間,撐下去沒有輕生,他說:「佢媽咪都唔要佢,如果連我都唔要佢,咁佢兩個咪好慘?」
國強一念之間,撐下去沒有輕生,他說:「佢媽咪都唔要佢,如果連我都唔要佢,咁佢兩個咪好慘?」

節目組憑街市背景成功尋人 單親爸爸奉勸男士要講出口

節目組憑當年黃國強到街市買餸的片段認出,背景疑似樂富區便出發尋人,亦透過當年黃國強所到的教會協助下得知,他已搬到新界,憑著信仰走出陰霾,如今他已與教友李姑娘再婚,仔女不再同住。愛上種植的他有一點覺悟說:「有時付出好多都會收(成)唔到,睇天意。」他又奉勸男士們有問題要「講出口」:「點都會有人關心,任何人都可以係傾訴對象。」

尋人記2 黃國強如今現再婚,展開迎新生活。
黃國強如今現再婚,展開迎新生活。(圖片來源:《尋人記2》節目截圖)
尋人記2 黃國強回望過去,百般滋味在心頭。
黃國強回望過去,百般滋味在心頭。(圖片來源:《尋人記2》截圖)

雙失爸爸James靠綜援捱一年撫養仔女 激動落淚

另一名事主James,在「沙士」期間失婚又失業,父兼母職獨力照顧兩名子女,當年說起坎坷生活不禁在鏡頭前流下男兒淚。他離婚後由上水搬去天水圍,靠每個月7千綜援經生活一年。James前妻離婚時曾經帶走一對仔女,但半年後又突然話拋棄,James憶述與囝囝重逢時,囝囝緊緊攬實自己,他就知道仔女過去半年定必經歷過不愉快的事,他傷感說:「細路仔唔識用言語表達,但佢用行動表達佢唔開心。」邊說邊流下男兒淚。

尋人記2 James在沙士期間面對失業、失婚,壓力大到落淚。
James在沙士期間面對失業、失婚,壓力大到落淚。(圖片來源:《尋人記2》截圖)

節目組憑水仙相橙色磚牆尋人 走勻北區終在古洞找到James

節目組憑James送仔女上學的畫面認出,他們乘276A巴士而出發到天恆邨尋人,期間走進一間士多老鋪詢問老闆娘,發現老闆娘都曾上鏡,是當年James經常幫襯的士多。事隔18年,老闆娘滿頭白髮,得悉James的故事後答應落力幫忙尋人。節目組及後透過facebook找到疑似James的對象,發現他喜歡水仙花兼可能已搬回上水,憑著橙色磚牆背景,乘坐新界的士尋訪北區半日,經過的士司機的帶領估計James住古洞,最後成功尋人。

尋人記2 James原做珠寶業十幾年,辭工後遇沙士搵唔到工,又與老婆離,靠每月7千綜援捱過一年後,幸運地有位朋友做老闆坐飛機睇到節目,請佢過去幫手,轉行做樹木風險管理工作。
James原做珠寶業十幾年,辭工後遇沙士搵唔到工,又與老婆離,靠每月7千綜援捱過一年後,幸運地有位朋友做老闆坐飛機睇到節目,請佢過去幫手,轉行做樹木風險管理工作。(圖片來源:《尋人記2》截圖)

18年後的眼淚 回望當年困境感激爸爸生前分憂

James原本從事珠寶業十幾年,後來遇沙士搵唔到工,又碰上老婆離婚,獨自撫養一對仔女,靠每月7千綜援捱過一年後,幸運地做老闆的朋友坐飛機看到當年Jame的訪問,給予他工作機會轉行做樹木風險管理工作。James回望過去的經歷感動哽咽,又想到爸爸生前經常分擔照顧兒女,很感激爸爸的付出才令他頂得住。回望經歷他感慨說:「男人唔會係受害者,女人先係受害者,呢個傳統觀念令好多男人唔知點樣走出嚟。」如今James已再婚,多了一位小朋友,走出傷痛展開新生活。他正面地說:「好多嘢行多一步就海闊天空。」

尋人記2 James今天再看自己經歷哽咽,又感激已過生的爸爸經常幫手湊孫分擔,令他撐落力。回望經歷他感慨說:「男人唔會係受害者,女人先係受害者,呢個傳統觀念令好多男人唔知點樣走出嚟。」
James今天再看自己經歷哽咽,又感激已過生的爸爸經常幫手湊孫分擔,令他撐落力。回望經歷他感慨說:「男人唔會係受害者,女人先係受害者,呢個傳統觀念令好多男人唔知點樣走出嚟。」(圖片來源:《尋人記2》截圖)

天水圍士多老闆娘落力尋人 人情味感動網民

最後James更與當年士多的老闆娘相認,畫面感人,原來老闆娘相守承諾努力幫忙尋人,如今二人重遇,憶起年生活的辛酸,感性的婆婆更一度喜極而泣。二人最終合照留念,可愛的老闆娘笑言人情味既要留在心中、也要放入腦海。婆婆與James的重逢場面感動不少網民,紛紛留言:「老闆娘有人情味」、 「見到事頭婆好感動」、「老闆娘喊埋一份,老人家的情懷」、「老闆娘真 係好難得」。方東昇的金句式旁白:「人間有情,都要人肯領情」,感動不少網民;但同時他在節目過場中說了一句:「James 18年後會有咩終極告白呢?」令網民哭笑不得,笑言:「咁都拉到落去sell新劇」。

尋人記2 最後他更與當年舊鋪的老闆娘相認,畫面感人,老闆娘憶起舊事激動落淚,感嘆當年生活的辛酸。
最後他更與當年舊鋪的老闆娘相認,畫面感人,老闆娘憶起舊事激動落淚,感嘆當年生活的辛酸。(圖片來源:《尋人記2》截圖)
尋人記2 James特意前往當年的士答謝老闆娘。
James特意前往當年的士答謝老闆娘。(圖片來源:《尋人記2》截圖)

即睇《尋人記2》雙失爸爸

節目組如何尋得單親爸爸嘅下落?

節目組憑當年黃國強到街市買餸的片段認出,背景疑似⋯⋯詳情請看

雙失爸爸James如今狀況係點?

節目組憑James送仔女上學的畫面認出,他們乘276A巴士而出發到天恆邨尋人,再經過乘坐新界的士尋訪北區半日⋯⋯詳情請看

撰文:東方新地圖片來源:《尋人記2》節目截圖