康堤

女女康堤同「嫩版彭宇晏」拍拖 徐濠縈:「同我眼光一樣咁好!」

最新娛聞

廣告

早前Eason陳奕迅同徐濠縈嘅獨女康堤,被周刊影到同男朋友仔十指緊扣,Sweet Sweet 一齊拍拖行街。噚日(21/11)徐濠縈出席公開活動,心情超靚!被問及對囡囡拍拖有咩睇法,阿徐表示一早已知道康堤拍拖,仲話:「都已經中三,有鍾意嘅人好正常!」

撰文:Sunday Kiss | 圖片:東方新地、徐濠縈IG | 編輯:東方新地

康堤拍拖 徐濠縈開綠燈

Eason同阿徐由拍拖到結婚,一齊經歷咗22年,唔覺唔覺,康堤都14歲喇!大個女,最近仲被周刊影到有個男朋友仔,仲成個「嫩版彭于晏」咁款!

康堤

噚日(21/11)阿徐出席公開活動被傳媒包圍,問佢對康堤拍拖有咩睇法。阿徐心情勁靚表示,有好多朋友都有send 報導畀佢睇,佢冇嚇親,因為佢一早就知康堤拍拖,仲話傳媒竟然咁叻收到風,因為個女唔畀Daddy Mummy睇佢打波,連喺邊度比賽,佢哋都唔知。

康堤

阿徐亦都話,康堤已經讀中三,呢個年紀拍拖,同有鍾意嘅人都好正常。仲讚個女嘅男朋友仔都幾靚仔,康堤同佢一樣咁有眼光。希望傳媒朋友錫住佢哋,始終對方唔係藝人,學生哥都唔習慣上鏡。

康堤

做媽咪嘅亦都有為個女着想,所以成日都提醒康堤要小心,唔好着校服去拍拖,喺公眾場合要檢點啲。

康堤

阿徐話已經見過康堤個男友幾次,Eason就未見過,不過睇佢個樣咁開放,都應該唔會有咩意見嘅。Eason早前喺節目上透露過,自己嘅初戀係12歲嗰陣,喺英國讀書嗰陣發生嘅,對方係一個來自直布羅陀嘅少女。

康堤

阿徐話最搞笑嘅係,反而係啲朋友話接受唔到,因為喺佢哋眼中,康堤仲係個好似「梁浸浸」咁細個嘅小朋友,但係其實康堤已經係個有唔少心事嘅少女啦!

康堤

相關文章:

徐濠縈 做全職阿媽

邊個話Eason嫂徐濠縈淨係識遊山玩水花錢買衫㗎?十四年來Eason走南闖北忙搵食,康堤順利入女拔又品學兼優,絕對係媽媽徐濠縈功勞。剛過去暑假最後一個周末,本刊就發現廿四孝媽媽親自帶住囡囡去眼鏡舖配眼鏡準備開學。買完眼鏡,兩母女隨意站在街邊雞啄唔斷,眨吓眼就快14歲的康堤已經高過媽媽,兩母女話題多多,好感情到兩姊妹一樣!

康堤 徐濠縈
臨開學,徐濠縈親自出動陪囡囡康堤配新眼鏡準備新學年。下月四日就滿14歲,康堤已經高過媽媽。

雖然陳家有女初長成,不過在Eason同阿徐心目中,康堤始終年紀細仲需要悉心照顧,日前Eason接受訪問,表示雖然自己在英國留學長大,不過就未捨得送康堤離家;至於阿徐,對女兒的學業生活到交友,一樣緊張管到實,知情者透露:「康堤愈 大,阿徐愈係覺得個女有個簡單正常童年最緊要,所以社交網絡一定唔會晒女正面相,偷拍個女彈琴都係得背影。康堤喺學校真係好受歡迎,唔關佢爸爸係邊個事,因為佢讀書叻、性格好、識彈琴唱歌早已係學校風頭躉、唔少師姐師妹都係佢fans。阿徐好緊張康堤交朋友,尤其呢個年紀好易受同輩影響,想佢作風低調啲又怕佢影響學業,所以近年花多咗時間箝實個女,下個月佢間舖執埋,佢就全副精神放番喺個女度,做全職阿媽。」康堤正值少女期,睇實啲都啱嘅!

康堤 徐濠縈
兩母女買完眼鏡,齊齊喺店外駐足雞啄唔斷商量下一站,感情好到兩姊妹一樣。
康堤 徐濠縈
邊和媽媽又傾又講,康堤一邊手多多撥弄長髮,手長腳長的康堤比起型格媽媽多了一份嫵媚。
康堤 徐濠縈
終於決定行程起行去下一站,徐濠縈發現鏡頭友善打招呼,康堤就自細被父母訓練有素,對鏡頭視而不見。
康堤 徐濠縈
Eason嫂生活唔係只得襯衫買衫跑步同見朋友,其實都有慈母一面常伴康堤左右,這日她坐在眼鏡店內靜候去驗眼的囡囡。
康堤 徐濠縈
揀完心水眼鏡畀埋錢,兩母女一齊離開眼鏡店,店員熱情送到出門口。
康堤 徐濠縈
阿徐與友人Dorothy合股的潮服店「Liger」下月結業,曾在銅鑼灣及尖沙咀開店,可惜最終捱唔住。
康堤 徐濠縈
幼稚園K3已經開始學鋼琴,徐濠縈自爆康堤未夠13歲已經考獲八級鋼琴,日前仲忍唔住偷拍囡囡練琴擺上網。
康堤 徐濠縈
悉心鋪路安排康堤讀名校、學鋼琴,有天份又有表演慾的康堤早有報導指被圈中人邀入行,不過父母就意見一致,希望康堤有個快樂童年,所以幼稚園以後已經避免放女正面相上網。

同場加映:徐濠縈慘遭囡囡康堤嫌棄 話佢扮後生?

徐濠縈早前同囡囡康堤去完韓國旅行返港,阿徐除了表示今次係康堤首次去韓國外,仲話諗住同囡囡一齊學跳K-Pop,因為佢覺得如果可以同個女好似兩姊妹咁樣一齊跳,感覺會幾型,但可惜囡囡表示唔多想同媽咪跳。

康堤 徐濠縈與女兒同遊韓國。
徐濠縈與女兒同遊韓國。

徐濠縈被康堤話扮後生?

阿徐又話囡囡而家已經高過自己,平時又會拎佢啲靚波鞋著。但重點係每當阿徐著啲大tee或者著得young啲的時候,康堤就會彈句「媽咪你做乜扮後生?」,真係聽到個心都離一離呀,唔知阿徐心入面點諗呢?
康堤

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:東方新地、徐濠縈IG