廖碧兒

廖碧兒疑似型男新歡曝光 二人情侶裝同遊芬蘭

最新娛聞

廣告

廖碧兒入行17年來,感情生活多姿多采,除了與陳豪及劉愷威拍過拖外,去年初又傳佢秘撻一名神秘富豪男友。雖然廖碧兒對外一直自稱單身,但日前被發現與一位型男同遊芬蘭,唔通呢位型男就係傳聞中的富豪男友、或者新歡?

廖碧兒多段情

貴為華姐冠軍的廖碧兒,樣貌身材都絕對係女神級,多年來曾與劉愷威、陳豪及富二代林忠豪等拍拖,但通通都係分手告終,劉愷威及陳豪現時亦各自有家室。廖碧兒年紀都唔輕,近年不時都對外宣稱單身,話想搵番個好男人。

廖碧兒傳秘撻富豪

去年初廖碧兒被傳秘撻富豪,生活突然全面升呢,遷離與父母同住的將軍澳寓所,秘密搬到大埔倚龍山莊千萬豪宅,更有一名女司機管接管送。有大水喉射住,廖碧兒更全力向商界發展,擲千萬在法國買酒莊、中環開酒吧、香港仔開設中央廚房等,果然生財有道!

廖碧兒與疑似新歡遊芬蘭

不過今日就有報道指,有讀者日前在芬蘭赫爾辛基的機場,目擊廖碧兒與一位型男一同乘搭芬蘭航空商務客位返港,兩人都係作全黑型格打扮,相當惹人注目。返到香港後廖碧兒隨即戴番黑超,仲坐埋機場電動車避人耳目。

廖碧兒疑似型男新歡

被指係廖碧兒新歡的呢位型男好快就被起底,呢位型男叫Calvin Lo,年約40歲,係一位失婚富二代,而且仲有一個女兒。呢位金融才俊Calvin家底豐厚,家族持有不少物業,自己更住在市值8千萬的山頂豪宅!

不過事情唔係咁簡單,有報道指Calvin離婚後,其實已經有一個名叫Nina泰籍百億電訊太子女女友,咁即係點呢?

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!