張名雅大婚 律師新郎任玩
廣告
今日係張名雅同律師男友Joe大婚之喜，恭喜一對新人連生貴子！而姊妹團之一陳庭欣表示會組成「史上最強姊妹團」玩新郎！而Joe亦任玩唔嬲，不過張名雅就錫住老公，叫眾好姊妹唔好玩核突嘢喎！
延伸閱讀：
與麥明詩情已逝 林作：冇連體嬰過
冇男友有好姊妹 胡定欣喊住開35歲生日P
新郎下跪獻花最感動
今日，兄弟團一早去酒店接新娘，圈中姊妹有陳庭欣、譚凱琪、何傲兒、唐貝詩等已備好接新娘遊戲，唐貝詩表示：「好好玩，好開心，今朝5點起身，6點到，一齊玩遊戲，玩新郎好笑，懲罰好搞笑，答錯問題，兄弟要孭住新郎行石春路，兄弟又要一齊飲兩樽黐埋嘅益力多，好基咁，兄弟有罰食wasabi同要着比堅尼。新郎接新娘下跪獻花，名雅有眼濕濕，我見到都好感動。」玩完遊戲後，當然向長輩敬茶，張名雅同Joe都得笑得好甜！
筵開三十席
何傲兒笑言玩得好盡興：「人做新娘我做姊妹，居然興奮到訓唔着！不過，場面好感動， 特別係女方父母將對名雅交比男方嘅時候！玩兄弟嗌到聲沙，不過唔知係啲問題太易，新郎Joe喺問答環節實在一啲都難唔到佢，佢真係好了解新娘。」而一對新人今晚會於尖沙嘴洲際酒店筵開三十席婚宴，讓圈內外朋友一齊分享喜悅！
全文完
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
