張繼聰

張繼聰拍片認遭封殺:感激TVB對我嘅栽培

最新娛聞

廣告

張繼聰近年參演無綫劇集一部接一部,形象亦相當入屋,深得觀眾喜愛,不過近日無綫因同蕭定一嘅公司因錢銀問題鬧官司,結果旗下藝人張繼聰被無綫封殺。起初蕭定一及張繼聰都否認傳聞,但紙包唔住火,張繼聰在周三晚拍短片親自交代被封殺一事,佢直認道:「將來有一段日子唔可以再喺嗰度出現喇,過去嘅日子好感激TVB對我嘅栽培,多謝珍姐(高層曾勵珍)。」並表示將來會繼續努力。

張繼聰被無綫封殺

2014年無綫作為佘詩曼的經理人,與蕭定一公司簽約,安排佘詩曼拍電影《十月初五的月光》。但有傳當時張智霖唔滿意劇本要改,搞到電影要逾期完成。無綫向蕭定一公司追回補水薪金,指佘詩曼應收過百萬的額外薪酬,但對方只付一半,所以無綫用法律解決而且下令封殺蕭定一旗下藝人,包括張繼聰,所以日前《萬千星輝賀台慶》未見張繼聰的參與!張繼聰最初回應傳媒,指自己對封殺傳聞未有所聞,更表示會繼續參加《誇世代》的宣傳活動,又話:「我都好享受拍TVB劇!」暫時明年主力投放在電影上。

張繼聰 張繼聰因經理人公司同TVB有官司,而被封殺,不少人替他可惜及不值!
張繼聰因經理人公司同TVB有官司,而被封殺,不少人替他可惜及不值!(圖片來源:東方新地)
張繼聰
(圖片來源:東方新地)

張繼聰:好多謝TVB嘅栽培

但及至晚上張繼聰在Facebook上載53秒短片,親自交代被封殺一事:「大家好!今日出咗單新聞之後,好多謝大家嘅支持,咁可能嚟緊有一段時間唔可以再喺將軍澳出現…有啲說話都想喺度交代。首先喺過去嘅日子好多謝TVB嘅栽培,畀咗好多機會我,好多謝珍姐(曾勵珍)。入面好多台前幕後嘅兄弟姊妹,好多謝你哋,俾咗好多美好回憶我。」雖然冇得出席無綫劇集《誇世代》嘅宣傳活動,不過佢都依然叫一班觀眾繼續支持:「至於現在呢……希望大家可以繼續支持《誇世代》啦,我都好enjoy睇每一集嘅。喺生活裏面,我覺得最緊要係隨遇而安,我會繼續努力㗎!Thank You。」

張繼聰 雖然暫時唔可以同一班電視觀眾見面,不過阿聰仍然稱讚及多謝無綫給予好多出鏡機會:「首先喺過去嘅日子好多謝TVB嘅栽培,畀咗好多機會我,好多謝珍姐。」除咗多謝無綫之外,阿聰亦話好多謝一班台前幕後嘅工作人員,畀咗佢好多美麗嘅回憶畀佢。
雖然暫時唔可以同一班電視觀眾見面,不過阿聰仍然稱讚及多謝無綫給予好多出鏡機會:「首先喺過去嘅日子好多謝TVB嘅栽培,畀咗好多機會我,好多謝珍姐。」除咗多謝無綫之外,阿聰亦話好多謝一班台前幕後嘅工作人員,畀咗佢好多美麗嘅回憶畀佢。(圖片來源:張繼聰 FB)
張繼聰 對於遭封殺,網民幾乎一面倒支持張繼聰,仲大鬧無綫小氣,張繼聰反叫大家唔好衝動,又不忘呼籲觀眾支持《誇世代》。
對於遭封殺,網民幾乎一面倒支持張繼聰,仲大鬧無綫小氣,張繼聰反叫大家唔好衝動,又不忘呼籲觀眾支持《誇世代》。(圖片來源:張繼聰FB)

陳豪幫口:阿聰真是一個好藝人

張繼聰近年獲無綫力捧,台慶劇《誇世代》也是男主角之一,但日前歐陽震華、陳豪、李佳芯、吳業坤、麥明詩等演員出席電視劇《誇世代》的校園宣傳活動,張繼聰因遭無綫封殺被禁出席活動,一眾演員都替阿聰感到可惜,陳豪明言:「因為阿聰真是一個好藝人,希望這一場公司之間的誤會可以盡快解決。」歐陽震華直指阿聰很陰功及無辜,對佢未能再參與宣傳感到很可惜。

張繼聰 張繼聰之前都有出席宣傳活動,但近日TVB因官司原因暫停蕭定一旗下藝人的宣傳,張繼聰也無法參加活動。
張繼聰之前都有出席宣傳活動,但近日TVB因官司原因暫停蕭定一旗下藝人的宣傳,張繼聰也無法參加活動。(圖片來源:東方新地)
張繼聰 台慶劇《誇世代》的三位主角。
台慶劇《誇世代》的三位主角。(圖片來源:東方新地)
張繼聰
(圖片來源:東方新地)

孖梁朝偉、郭富城拍《風再起時》

張繼聰
(圖片來源:張繼聰FB )

其實張繼聰近年的發展好多元化,形象又入屋,唔止廣告多,仲密密拍電影,而近日佢更返內地拍新片《風再起時》,片中更與兩位影帝梁朝偉、郭富城合作,呢啲機會好難得!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:張繼聰Facebook ,新傳媒圖片庫