張繼聰

張繼聰確診新冠肺炎宣布取消演唱會 家人要按指示自我隔離

最新娛聞

廣告

張繼聰今日(10月12日)宣布因確診新冠肺炎,而要取消原訂於10月15日(星期六)在麥花臣場館舉行的「張繼聰《Welcome to route 37》演唱會」,張繼聰表示他現時病徵輕微,有少少發燒,已通報有關當局,家人亦按照相關的指示自我隔離。

張繼聰:希望大家保留門票

張繼聰透過演唱會主辦單位「本地舞台」公布他於10月11日檢測中確診,現正按相關防疫規定接受隔離。「本地舞台」負責人伍健雄表示:「現階段未諗延期會增加幾多開支,呢一刻淨係想盡快通知已購票受影響嘅觀眾。我哋而家同場館溝通,希望盡快攞到最新嘅檔期,有最新消息會第一時間通知大家。」

而張繼聰就透露自己的最新狀況:「現時病徵輕微,有少少發燒,已通報有關當局,家人亦按照相關的指示自我隔離。」同時他又在社交網上向已購買演唱會門票的粉絲表示:「非常抱歉!希望大家保留門票,關於改期嘅消息,會盡快通知大家!我會好好休養,補返一個精彩嘅演出俾大家!」一眾圈中好友紛紛向他送上祝福,希望他早日康復。

張繼聰
(圖片來源:IG@louischeung2013)
張繼聰
(圖片來源:官方提供)
張繼聰 演唱會原訂於10月15日星期六)舉行。
演唱會原訂於10月15日(星期六)舉行。(圖片來源:官方提供)

張繼聰專訪|事隔7年再開騷唔預謝安琪 自揭一度放棄歌唱事業!

42歲張繼聰原訂於10月舉行《Welcome To Route 37》,事隔7年再開騷,他直言:「我真係放開咗歌開事業。」到底甚麼原因驅使他再踏演唱會台板?音樂對張繼聰而言已變成「高消費嗜好」,如果再揀一次,他會否一開始就選擇做演員?以上問題請聽他娓娓道來。

張繼聰
(圖片來源:東方新地圖片)
張繼聰 張繼聰演唱會將於10月15日麥花臣場館舉行個唱。
張繼聰演唱會將於10月15日麥花臣場館舉行個唱。(圖片來源:Timeable)

42歲張繼聰事隔7年再開騷:患難見真情

42歲張繼聰原訂於10月假麥花臣場館舉行《Welcome To Route 37》演唱會,事隔7年再踏台板故然開心,不過現時疫情反覆,會否擔心突然政策一轉又要延期?張繼聰卻非常樂觀:「絕對唔擔心,因為之前延過一次,我個人好隨遇而安。亦都係患難見真情,主辦方對我不離不棄!」話雖如此,他亦希望最艱難的時間已過,不想再有人被疫情影響生活。

張繼聰 張繼聰對疫情好有信心!
張繼聰對疫情好有信心!(圖片來源:東方新地圖片)

昔日「唱作四小強」之一棄game? 「我真係放開咗歌唱事業」

張繼聰、張敬軒、王菀之、方大同在《2006年度叱吒頒獎典禮》上被封為「唱作四小強」,張繼聰作為成員之一,自2005年出道活躍樂壇多年,曾拿下不少獎項。2014轉型做演員,可能部份觀眾已忘記他歌手物份,阿聰坦言:「你哋冇錯覺,我真係放開咗歌唱事業。」7年前開完演唱會後就轉型做演員,他認為人生不同階段可以有不同的發展。到兩年前因為疫情開始,多時間逗留在家,添置了新電腦學用新軟件寫歌才重拾音樂。

張繼聰 張繼聰曾有樂壇四小強之稱。
張繼聰曾有樂壇四小強之稱。(圖片來源:《烏龜》MV截圖)

講明老婆謝安琪唔會上台:你直接買佢演唱會飛咪得囉

現時開演唱會觀眾都關心誰是嘉賓,老婆謝安琪會唔會有份上台,不過阿聰就講明今次冇嘉賓,佢話:「唔好咁啦,我咁多年都唔開騷,難得開騷你仲想睇第二個?」阿聰仲反問觀眾:「你想睇邊個?你講吖!你直接買佢演唱會飛咪得囉!」不過佢都有話,屋企人以及圈中好友一定會到台下支持。

謝安琪 網民就搞笑指Kay家中正好有一個好好的健身教練,笑言Kay冇好好「善用」老公張繼聰。
Kay近日經常和老公張繼聰一齊練跑。(圖片來源:IG@kaytse)

唔怕佬味重嚇走少女聽眾?

張繼聰已經42歲,不時分享操肌相,又玩古著又玩電單車,佬味咁重,怕唔怕嚇走少女聽眾?阿聰笑言:「當學下嘢囉,如果少女都夠膽入嚟,梗係要多謝你啦!」他覺得音樂上能夠完完整整呈現自己的品味,有別於做演員,最後他跟大家說:「嚟吖!如果係少女追開少男嘅,慢慢你就會知道,有年紀有味道更加正,入嚟啦!」

張繼聰 仲話唔怕失少女巿場添!
仲話唔怕失少女巿場添!(圖片來源:東方新地圖片)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@louischeung2013、官方提供、東方新地圖片、《烏龜》MV截圖、IG@kaytse