愛得痴纏 楊明隔空冧莊思明

愛得痴纏 楊明隔空冧莊思明

最新娛聞

廣告

楊明自從跟莊思明公布戀情後,二人愛得痴纏!早前楊明拍劇炒車受傷入院,莊思明即趕往醫院陪伴男友,期間勁擔心男友傷勢而眼泛淚光!楊明好番後繼續拍劇,而莊思明則到外地開工,雖然分隔兩地,但楊明不時隔空冧莊思明,真係見少陣都唔得!

分隔兩地

楊明傷勢復原後,即繼續趕拍新劇《心理追兇MIND HUNTER》,雖然早前炒電車受傷膝蓋爆裂見骨,但佢似乎冇心理陰影,依然親身拍飛車戲,認真搏命!至於女友莊思明近日到馬來西亞拍電影,為趕戲只能瞓喺片場休息,精神狀態當然轉差!

女友病倒感心痛

由於分隔兩地,楊明好似一日不見如隔三秋咁,於IG不斷留言話掛住女友:「原來牽腸掛肚嘅感覺真係好辛苦,妳只係走咗9日,但係感覺好似好耐咁…希望妳唔係我身邊嘅時間可以行得快啲啦。雖然我哋依家個距離係好遠,但係我哋個心係黐住㗎,妳要記住喺遙遠嘅香港有條友仔等緊妳,喺馬來西亞要自己小心啲呀,miss u baby」!

近日莊思明因趕戲而病倒,楊明即大感肉赤,隔空噓寒問暖冧女友:「妳喺果邊拍電影一定好辛苦,頭先知道妳有啲唔舒服嘅時候,個心好痛,妳一定要快啲好返呀,baby妳放心啦!仲有7日咋,返到嚟我會好好照顧返妳㗎,Miss you」。勁肉麻!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!