戥安仔復工高興 Sammi：跨過呢一步唔容易

撰文：東方新地｜圖片：東方新地、IG

Sammi：承擔係必然一步

Sammi指安仔的復出之路要一步一步來︰「佢要出返嚟面對群眾、世界同自己，承擔番都係必然一步，只係咁啱唱片公司有呢個邀請，佢有問過我意見，我叫佢自己去諗，因為要企出來面對呢件事嘅人係佢唔係我，我又唔知佢心理Ready未，因為始終成一年幾，我話如果你Ready我就支持你。」

為安仔高興

Sammi表示安仔能跨過這個心理關口，她也替他感到高興，她又稱有看過安仔當日的訪問片：「我叫佢要真心同自然啲，你呢年幾有咩感悟，你自己咪表達出嚟，睇完我都覺得OK，評語好難控制，如果有好差劣嘅評語都唔需要介懷，最重要佢自己係承擔番，面對自己，其他嘢交畀上帝。」

信仰幫助大

Sammi表示當時接下來演唱會要處理的事非常多，所以她要待完成演唱會之後，才會慢慢去梳理自己的情緒，她表示︰「我覺得宗教幫咗我好多，大家唔使擔心我，信仰係呢件事上面好幫到我。」

衰一次唔係壞事

她直言這件事對安仔改變亦甚大：「佢依家踏實咗，認清咩係最重要，其實有時衰一次，都唔係壞事，係人生一個階段，好痛咁錯一次，重新審視、建立自己，個過程係好慘烈，但回望返係值得嘅。」

做運動抗疫

Sammi表示她在抗疫期間，經常努力做運動Keep Fit。

照顧年老愛犬

此外Sammi又指由於愛犬Lucky已15歲年老體弱，所以現在她經常陪伴在牠身邊，希望牠可以開開心心安享晚年。

安仔復工試水溫

安仔日前現身錄影ViuTV音樂節目《Chill Club》，獨唱歌曲〈一步一生〉，又與AGA（江海迦）、Gin Lee（李幸倪）合唱〈半天假〉。

心態要正面

安仔又表示太太鄭秀文鼓勵他上鏡時要「自然啲」：「佢話你要做呢個工作，就要100% Ready ，心態要好正面，要話畀人知呢年幾你嘅信心，我問自己係可以，但有啲緊張，要勇敢去承擔同面對。」

https://www.facebook.com/TVBENews/videos/1229180277459689/