城寨英雄 打傷拳佬 牙佬原有來苦衷!

打傷拳佬 牙佬原來有苦衷!

最新娛聞

廣告

《城寨英雄》昨晚朝霞慘被甲辰(張頴康)等殺手殺死,令觀眾睇到爆喊!之後盲咗嘅拳佬(陳展鵬)同牙佬(袁偉豪)為爭做城寨話事人,兩兄弟大打出手,牙佬更將拳佬打到重傷,睇到觀眾好肉緊!到底牙佬點解咁狠心呢?原來有苦衷!

延伸閱讀:

花曼半夜喊住寫遺書

結局太慘 《城寨》監製:未必三pair都冇好結果

拳佬等牙佬開波

雖然妹妹朝霞慘被殺死,但牙佬仍忍住傷痛,依約赴會!刁蘭(胡定欣)本來想勸拳佬唔好打,但拳佬表示好清楚牙佬為人,對方亦不會因失去至愛朝霞而放飛機!結果如佢所料,牙佬帶楊老闆(歐瑞偉)等人來睇決戰!牙佬更叫楊老闆做拳證!

牙佬冇留情

盲咗嘅拳佬雖然自知毫無勝算,但仍自信表示招式練了百萬次,咪埋眼都耍得出!不過,拳佬單靠蠻勁向牙佬衝過去,一開始已被牙佬打中塊面,但仍不服氣,繼續向牙佬攻擊,只是牙佬優勢太明顯,而且牙佬出手好重,招招打拳佬要害,令刁蘭等人擔心又心痛!

牙佬勝劵在握

雖然受傷,拳佬照樣繼續向前衝,只可惜佢雙目失明,根本睇唔到牙佬喺邊,白白浪費氣力!而為了證明拳佬已輸,牙佬再擊中對方要害,務求盡快結束決鬥,更表示自己已經贏了,以後佢就係城寨話事人!

打到拳佬嘔血

當聽到牙佬指將會俾黑幫進駐城寨後,拳佬更加火冒三丈,大叫「我未輸」,衝前攻擊牙佬,結果梗係被牙佬一嘢打番轉頭,仲口吐鮮血!睇到呢度,觀眾無不替拳佬不值,點解好人永遠都被人欺凌,而牙佬為何要助紂為虐呢?

牙佬苦衷係…

牙佬袁偉豪於IG上載兩張相,分別係同拳佬比武前嘅相,及跟朝霞大排檔合照!袁偉豪於兩張相中分別留言:「希望大家能夠明白我的苦衷」及「等我」!第一句意思唔通係想引出終極大佬楊老闆嘅狐狸尾巴,先引黑幫入城及打傷牙佬?第二句「等我」,莫非為朝霞報仇,就算死都在所不惜?

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!