吳若希

打拳 勁減20磅 未婚媽媽 吳若希 :年底簽紙結婚!

最新娛聞

廣告

吳若希 (Jinny)自4月為澳門闊少男友Alex Ho誕 下女兒Giselle (乳名淼淼)後,大部分時間都在男友位於澳門的寓宅坐月及湊女,鮮有返港,不過Jinny近日頻頻返港出席公開活動搵奶粉錢,活動上佢透露會喺今年年底簽紙註冊結婚,明年初在外地進行簡單嘅婚禮儀式。見生完BB嘅Jinny身材纖瘦,上圍仲狂升cup,佢話全靠 打拳 至瘦得咁快。所以話,要靚冇得懶!

產後首個活動 吳若希 打拳減20磅

Jinny產後首度出席公開活動,現身25分鐘穩袋6位數酬勞,更吸引過百歌迷撑場,佢自爆計劃今年底同男友註冊結婚,明年初會在外地進行簡單的婚禮儀式。問到Jinny上圍有冇升cup,佢話:「餵母乳應該有小小,希望停奶嘅時候身材仲可以keep到!」Jinny話因為太耐冇喺公開活動露面覺得好緊張,又自爆:「坐完月接到呢個job,所以要提前一個月減肥,依家以前仲差兩公斤,都係打拳至瘦得咁快!」

延伸閱讀:

2017港姐12強一覽

男同學爭媾 朱千雪變身 Law界女神

承認EQ低 揚言生四個

有女萬事足嘅Jinny,直言出門口時因為不捨囡囡,因而錯過一班澳門船期返港,佢坦言正式復出:「基本上假期完咗,老闆(何哲圖)早幾日打畀我 話準備咗啲歌畀我,我隨時可以錄音。」提到早前Jinny嘅朋友把淼淼的相片放上網,令Jinny好嬲,又公開在網上同網民駁火,佢承認EQ低、激動咗:「其實一直唔想BB曝光,未來奶奶唔想BB曝光,一家人有共識。我啲朋友一早知道,係美麗嘅無心之失。男友都有話我,喺公眾面前點都有番少少威風。」問到會否再生BB?Jinny話:「會,想生四個!」

 

 

打拳 減壓 順便防狼

Jinny產後之所以咁快修身,全因為好勤力咁跟教練 打拳 !其實佢早喺入行時已經開始 打拳 ,Jinny話起初因為工作壓力大而想透過 打拳 減壓,點知一打就愛上,每隔數天便上拳館練習,見佢不時放 打拳 短片上IG,拳拳到肉,打得有板有眼!

 

搵闊少男友找卡數

Jinny同Alex當日曾經鬧分手,直至Jinny有BB二人和 好如初,最後仲生埋囡囡Giselle。依家二人感情甜蜜,不時喺網上隔空打情罵俏,Alex在其IG讚女友送上波鞋,好有佢心,Jinny留言回敬:「記得準時幫我找卡數」而日前Jinny喺活動上也大讚Alex換尿片同氹囡囡瞓覺都比佢叻,仲話:「女兒比較喜歡躺在爸爸身上。」

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!