梁烈唯

招聘廣告都搵埋 網友介紹全裸梁烈唯拍《瑯琊榜2》

最新娛聞

廣告

為咗賺奶粉錢可以去到幾盡?之前宣布老婆Tina陀B女嘅梁烈唯,即將榮升爸爸,早排接受訪問話為咗俾囡囡有個五星級的家,所以要努力搵奶粉錢。唯唯唔係得把口㗎!佢晌劇集《為食神探》入面,有一幕竟然全裸出鏡,僅用兩隻手遮住重要部位,完全唔錫身!見佢咁都肯,內地有網友相當體貼,幫唯唯搵埋古裝巨製《瑯琊榜2》嘅招聘演員廣告,叫唯唯打俾劇組應徵!

延伸閱讀︰

港姐冠軍馮盈盈 有個十優醫生男友

馮盈盈青澀學生look曝光

劇情講唯唯曾因財困借錢被逼影裸照,後來裸照喺網上瘋傳,馬明同阮兆祥等人事後幫佢搵出邊個係放料人。拍攝時唯唯堅係全裸,只用兩隻手包住「小唯唯」,更露出6舊腹肌,睇到粉絲噴鼻血咁滯!日前唯唯解釋其實當時係着住一條好幼邊嘅內褲,而「小唯唯」喺正常狀態下,用手遮到都唔出奇喎!

自從唯唯晌微博發表過搲撈言論,又po過致敬相後,內地網民對唯唯即另眼相看,封佢做「耿直boy」、「顧家男神」等,總之一面倒正評!日前唯唯上載同老婆去旅行嘅sweet相,網民繼續大讚唯唯之餘,其中一人更幫唯唯手搵工,貼埋招聘演員廣告推介佢去拍《瑯玡榜2》!

而唯唯深知內地粉絲喜好小鮮肉,近日微博都投其所好,喪po 健身大隻相,博做第二個陳偉霆!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
梁烈唯