是咁的,法官閣下

【是咁的,法官閣下】做律師未必好風光 麥明詩:「可能得萬幾元一個月!」

最新娛聞

廣告

有好多人嘅夢想可能係做老師、醫生同律師,總會覺得呢啲精英職業先代表成功,賺得多錢又有前途。無綫將於下星期一晚(29/10)播出嘅《是咁的,法官閣下》請嚟讀現實世界讀法律嘅麥明詩做其中一位演員,而YouTube亦上載咗一條「是咁的,律師未必好風光」嘅宣傳短片,就完全表現出做律師唔係我哋想像中咁美好……

撰文:東方新地|圖片:影片截圖

無綫新劇《是咁的,法官閣下》將於下星期一晚(29/10)播出,搵嚟王梓軒、黎振燁、林秀怡、林景程及麥明詩飾演新牌律師。

日前,無綫上載咗一段叫「是咁的,律師未必好風光」嘅宣傳短片,片段中,幾個新牌律師喺茶餐廳食飯,個個都大呻做律師有幾慘。有人話要通三日頂、接一個Case得$5000,一碟飯兩份分,仲要住劏房。嘩!咩做律師係咁嘅咩?

現實世界喺英國劍橋大學法律系畢業嘅麥明詩就話做大狀第一年係無人工,之後要喺金鐘同中環租office就更加辛苦。頭幾年都未必會賺錢,甚至會蝕錢添!

麥明詩仲話事務律師人工有幾萬元一個月,不過要做有關上市嘅公司每日都要做14-15個鐘,就連假日都要做嘢。佢又話喺Local Firm做事務律師人工會比Corporate Firm低好多,每個月都係得萬幾至三萬幾蚊。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!