林作 曾志偉

林作發聲明竟獲網民支持 曾志偉決定奉陪到底!

最新娛聞

廣告

早前林作因為公開批評港姐係「豬扒」,結果收到無綫律師信指其涉誹謗,林作日前亦發出聲明回應,不過就唔會道歉亦唔會del post。對此今日(8/6)宣傳TVB新劇《美麗戰場》的曾志偉終於作出回應喇!

林作 新劇《美麗戰場》開鏡拜神
新劇《美麗戰場》開鏡拜神(圖片來源:YOUTUBE@TVB娛樂新聞台)

曾志偉表示奉陪到底!

對於林作公開批評港姐一事,曾志偉表示已經交給平機會林作,亦進入司法程序,所以唔回應太多,同時解釋TVB有此行動是為香港小姐爭取尊重。而林作唔怕打官司,曾志偉就指自己都會同林作一樣一齊奉陪到底!

林作
(圖片來源:電影《無間道》截圖)

林作 vs TVB 網民今次支持林作?

對今次林作與 TVB事件,網民普遍支持林作「作大哥唔會輸」,「參加得都預咗上鏡 一定有人評頭品足,咁都唔俾」「獎門人有無尊重過女性先」「『尊重』呢個字出自佢把口特別好笑」「最唔尊重咪佢,選無智慧既豬x出黎」「其實林作無錯,因為佢個ex就係其中代表」「有個爆炸頭典頂」「咁真係豬扒丫麻大佬」「尊重,年年攞啲騎呢怪黎做gimmick,你而家話要尊重」「小氣就小氣啦」。

林作回應無綫律師信 澄清「豬扒」唔係指利愛安

另一方面,林作在較早前亦因應TVB早前律師信,發出回應及澄清聲明,更應TVB要求公開刊登信件,當中他澄清「豬扒」唔係指利愛安 ,又表示「豬扒」無可能出名(no pork chop can be famous),與他前日開直播提及的內容一樣,林作強調自己去年捧紅了「東涌羅浩楷」利愛安,雙方關係友好。林作又在信件中澄清他的「豬扒」言論僅屬意見陳述,認為法律上難以用「誹謗」提控,而他在刊登信件時,亦將5月29日的facebook及 instagram帖子中的相關句子刪除,他說是為免引起更多誤會。

他在張貼回應時表示「公道自在人心,歡迎大家留言支持」:

林作 香港小姐 複選名單
(圖片來源:林作IG)
林作 香港小姐 複選名單
(圖片來源:林作IG)

重溫林作公開批評港姐質素一事

林作批評「香港小姐唔難選,指每年選嘅人好多,但9成係豬扒」,不久後林作即收到TVB的律師電郵信件,對佢最近對香港小姐作出的言論作出指控,表示林作言論屬於誹謗性質。

林作
(圖片來源:ig@jolamchok)

林作如何回應TVB嘅指控?

林作在較早前已發出回應及聲明,澄清TVB所指控佢言論上嘅用詞唔係直指某佳麗⋯⋯詳情請看

林作有咩理據唔怕打官司?

林作強調自己去年捧紅了「東涌羅浩楷」利愛安,雙方關係友好,而且澄清他的用詞僅屬意見陳述等⋯⋯詳情請看

撰文:東方新地(部分內容轉載自NewMonday)圖片來源:ig@jolamchok,電影《無間道》截圖,YOUTUBE@TVB娛樂新聞台資料或影片來源:原文刊於NewMonday