【是咁的，法官閣下】洗甩大台御用「敗訴王」之名！李國麟終於打贏官司 仲出兩名高徒⋯
廣告
大台劇《是咁的，法官閣下》男主角黃智賢、關禮傑仲有一班年輕演員固然搶戲，但綠葉演員一樣受關注，好似李國麟咁，雖然戲份不多，但有細心網民指李國麟以往拍戲次次打官司都輸，但今套劇終於打贏官司，仲係黃智賢、關禮傑嘅師傅，笑佢終於可以洗甩「御用敗訴王」之名！
撰文：東方新地 圖片：新傳媒圖片、劇照
李國麟 打親官司都輸
根據往績，李國麟喺劇中演律師經常打輸官司，而就算唔係做律師都一樣輸，有網友笑佢輸官司輸足差唔多廿年，名副其實嘅大台御用「敗訴王」，雖然李國麟曾為「敗訴王」而解畫，話通常要面對主角人物，就算幾強都好都要輸畀佢哋，目的係要突出個主角，仲話係公式嚟喎！
不過凡事有例外，佢喺《是咁的，法官閣下》中，飾演資深大律師渠鉅偉，係范小宇(黃智賢飾 )、饒力宏(關禮傑飾 )之師傅，於第4集登場，雖然冇打官司場口，但就交代佢打贏無數官司，仲叫行內人搬去同一幢商廈開律師樓，而佢最後退休湊孫享清福，兩徒弟也決定分家，至於租用嘅單位就由兩徒弟分租！
《男親女愛》已經打輸官司
劇迷之所以封佢為「敗訴王」不無原因，早在18年前嘅經典劇集《男親女愛》中，李國麟飾演的「鮑一柱」打親官司都輸畀死對頭「Miss Mo」鄭裕玲，由嗰陣開始輸喇！
《溏心風暴3》又輸！
到近年在《溏心風暴3》中飾演嘅許雅麟，雖然唔係律師身份，但同人打官司一樣都會輸！
《三個女人一個「因」》 輸畀「徒孫」袁偉豪
喺劇集《三個女人一個「因」》入面，飾演檢控官「歐陽一波」的李國麟。就輸畀由袁偉豪飾演的利東佳！劇情講「利東佳」袁偉豪首次以律師身份上庭，對手更是其師公李國麟，論經驗及實力其實李國麟更勝一籌，李國麟更是看不起袁偉豪，同時袁偉豪所想的辯護論據有盲點所在，故此勝算應是李國麟比較大。袁偉豪本來冇自信，幸好有黃智雯令他重燃鬥志，最後來個形勢大逆轉，最終成功打低李國麟！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
關鍵詞
李國麟
