李家鼎

TVB賀年歌遭網民插冇粒音唱啱 李家鼎:專登㗎!

最新娛聞

廣告

下星期就係農曆新年,賀年歌就緊係唔少得啦!早前,TVB就搵嚟李家鼎、譚玉瑛、森美、麥美恩、吳若希、杜如風、丁子朗合唱咗一首賀年歌《熱熱鬧鬧過新年》,點知就被網民狠批!

撰文:東方新地|圖片:MV截圖

TVB賀年歌遭網民插

話說,TVB今年為賀年歌搞搞新意思,搵嚟近期hit爆嘅李家鼎同譚玉瑛,以及森美、麥美恩、吳若希、杜如風、丁子朗合唱一首好有新年氣氛嘅賀年歌《熱熱鬧鬧過新年》,點知首歌一出,就被網民喻為今年農曆新年嘅「神曲」!

首歌嘅歌詞就正路係同新春有關,之但係聽落就覺得好唔順耳,皆因唔少網民都話首歌唱得冇粒音準,惹嚟唔少劣評!當然有網友就好識貨,唔單止話新年要不斷狂loop,有網民話「聽完後覺得技安都唔太差」,認真搞笑!

李家鼎抵死回覆

首歌好唔好聽就見人見智,而主唱嘅鼎爺就話:「係專登㗎,搞氣氛之嘛!」,又啱喎!新年都係想齊齊開心一下,唱得好唔好聽就其次啦!

一齊聽下!

延伸閱讀:

李家鼎 吸金力強

李家鼎早年入行做龍虎武師,揸住武器打打殺殺大半生,16年拍無綫的《阿爺廚房》,大師傅終於使出真功夫,廚藝了得的他大受歡迎,之後出書、投資私房菜、拍廣告,所有賺錢的機會接踵而來,鼎爺事事親力親為,忙到喘不過氣來,瘋狂吸金的背後代價就是冇時間陪家人。

訂枱排期到5月

據知情者透露:「鼎爺突然爆紅,呢一年佢幾乎日日都係工作,收入幾級跳,依家佢間私房菜一圍最低消費都兩萬幾蚊,唔係個個食得起,不過晚晚都爆場,再加上佢接咗好多廣告代言同商業活動,分分鐘半年都賺過千萬。」

續指:「鼎爺同依家個女友都一齊好多年喇,雖然冇再簽紙結婚,但佢對外都叫女友做李師奶,喺佢人生低潮時,女友鼓勵佢重新振作,又教佢理財,兩家嘅仔女都好接受呢段關係。依家鼎爺紅咗,佢覺得係時候報答女友,所以計劃買層樓畀女友揸手,一齊住當養老屋囉!聽聞已經睇緊樓,有啱心水就會扑槌。」

跟得女友陪開工

鼎爺鐵漢柔情,為了搵錢又唔想忽略女友,不時帶埋女友返將軍澳電視城開工。日前鼎爺開工後與女 友在電視城西餐廳撐枱腳,有傾有講食完又甚有默契各自玩電話,一副老夫老妻模樣。

未幾兒子李泳豪出現,原來兩老歎住Tea等埋豪仔,一行三人笑住去停車場攞車返屋企。

老竇鼎爺變大紅人,李泳豪除了拍劇、操拳、賽車之餘,原來還要充當鼎爺助手,幫手揸車管接送及睇頭睇尾。有女友幫手理財,又有乖仔泳豪做助手,鼎爺就可以放心去大展鴻圖,向廚神之路繼續邁進。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!