東京奧運

東京奧運|吳諾弘酒店隔離孖劍擊師兄玩直播 為身高160cm大平反公開真實高度

最新娛聞

廣告

21歲吳諾弘在東京奧運上腳傷仍奮勇上陣,對住世界一級劍手表現毫無懼色,為港隊追了不少分數,童星出身、首次出戰奧運的吳諾弘在劍場上光芒四射,IG追蹤人數已逾6.3萬。8月4日吳諾弘與師兄們包括張家朗開直播,高峰時近2萬人收看﹗吳諾弘為自己的高度大平反,否認外界所指身高得160cm,師兄弟在直播中互相爆料,娛樂性十足﹗

文:東方新地|圖:吳諾弘IG、張家朗IG、張小倫IG

東京奧運花劍代表吳諾弘首度開直播

東京奧運男子花劍隊日前離開東京,張家朗、大師兄張小倫及蔡俊彥直接到深圳準備全運會,而吳諾弘則回港養腳傷,四人分別在香港及深圳進行隔離,吳諾弘發起跟師兄們一起開直播,今次是他們首次開直播,吳諾弘拍住師兄們身高明顯比下去,為此吳諾弘在直播中為自己身高大平反,與師兄們的妙問妙答,互窒互爆料,足見兄弟情深厚﹗

身在香港酒店隔離的吳諾弘,發起跟師兄們一起開直播﹗(圖片來源:吳諾弘IG)
身在香港酒店隔離的吳諾弘,發起跟師兄們一起開直播﹗(圖片來源:吳諾弘IG)

吳諾弘被指與台灣藝人撞樣

童星出身的吳諾弘被網民指似台灣藝人陳漢典,吳諾弘話唔知邊個,然後火速上網google,吳諾弘應大師兄張小倫要求O嘴對照一下,被師兄們指好似樣,連佢自己都話:「真係有啲似﹗」

有網民留言指吳諾弘跟台灣藝人陳漢典撞樣,吳諾弘立即google對方張相來比拼,相當搞笑﹗(圖片來源:吳諾弘IG)
吳諾弘跟師兄張家朗(左下)、大師兄張小倫(右上)及沒有出戰奧運的師兄崔浩賢(右下)齊齊開直播,高峰時有2萬人收看﹗有網民留言指吳諾弘跟台灣藝人陳漢典撞樣,吳諾弘立即google對方張相來比拼,相當搞笑﹗(圖片來源:吳諾弘IG)

吳諾弘重提童星谷眼淚大法,全靠…

在東京奧運團體賽中相當搶鏡的吳諾弘,由於是童星出身,被問到會否繼續拍劇,吳諾弘話唔會,因為只想專心劍擊上,大師兄叫吳諾弘即場表演喊功,張家朗即刻笑到掩嘴,吳諾弘話:「我依家係成熟嘅男人,係唔會輕易喊嘅﹗」大師兄追問佢以前拍劇點樣谷眼淚?吳諾弘話:「只要諗啲玩具冇晒就喊得出﹗」大家齊齊笑到反肚﹗

童星出星的吳諾弘出戰東京奧運,郭可盈亦貼出當年合照力撐吳諾弘撐港隊﹗(圖片來源:郭可盈IG)
童星出身的吳諾弘出戰東京奧運,郭可盈亦貼出當年合照力撐吳諾弘支持港隊﹗(圖片來源:郭可盈IG)
(圖片來源:吳諾弘IG)
花劍奧運四子蔡俊彥、張家朗、吳諾弘和張小倫﹗(圖片來源:吳諾弘IG)

吳諾弘否認160cm親自公開身高

吳諾弘指在IG收到不少人詢問他的高度,張家朗笑指:「秘密嚟㗎喎﹗」吳諾弘笑指自己有190cm,張家朗忍住笑話:「嘩﹗好多水份喎﹗」最後吳諾弘親自公開身高之秘密:「我唔係外界指嘅160cm都唔係170cm,我係有175cm,同親師兄影相,佢哋成日要我企中間,搞到出現凹字,如果我企側邊咪冇咁覺囉﹗」張小倫即答:「佢成日同我哋一齊,大家以為佢矮啫﹗哈哈哈﹗」

吳諾弘指與師兄們影相,往往被安排企中間,令合照出現凹字﹗(圖片來源:吳諾弘IG)
吳諾弘指與師兄們影相,往往被安排企中間,令合照出現凹字﹗(圖片來源:吳諾弘IG)
吳諾弘拍落師兄及教練當中,明顯矮一大截,他為自己大平反指是師兄們太高,並非他矮﹗(圖片來源:吳諾弘IG)
吳諾弘拍落師兄及教練當中,明顯矮一截,他為自己大平反指是師兄們太高,並非他矮﹗(圖片來源:吳諾弘IG)

吳諾弘公開認名草有主

直播時有網民問到奧運村多唔多靚女,吳諾弘被大師兄點名回答,吳諾弘口窒窒答:「公道啲講,好多人,靚唔靚見仁見智。」之後吳諾弘大叫:「哎呀﹗我女朋友叫我講多啲呀,死啦,最衰都係大師兄要我講﹗」場面搞笑﹗當網民問到大家的擇偶條件時,吳諾弘被大師兄問理想型女友係點,吳諾弘好識做:「我女朋友咪係我理想型囉﹗」

東京奧運|張家朗孖吳諾弘開直播吸1.8萬網民 劍神被隊友瘋狂爆料及列出七大擇偶條件

21歲的吳諾弘公開名草有主,在IG有不少與女友的甜蜜合照﹗(圖片來源:吳諾弘IG)

女友入晒屋,與吳諾弘父母一起為吳諾弘慶祝生日﹗(圖片來源:吳諾弘IG)
女友入晒屋,之前與吳諾弘父母一起為吳諾弘慶祝生日﹗(圖片來源:吳諾弘IG)

吳諾弘、張家朗歡迎市民集郵

吳諾弘透露現時要在香港酒店隔離七日,再在家居隔離七日才可出關,他指好想快點練劍,因為東京奧運比賽後有感自己有很多不足,被師兄們笑:「你依家返去冇人同你練喎﹗冇教練,去晒準備全運會﹗」有網民問在街上遇見大家能否集郵,吳諾弘笑答:「一定要㖭啦,真係冇問題㗎﹗」張家朗亦和應表示歡迎市民向他集郵。

吳諾弘跟大師兄張小倫開住直播等張家朗加入,大師兄爆自己在酒店房的怪事,嚇得吳諾弘大叫:「我唔聽呀,我一個人喺酒店房﹗」(圖片來源:吳諾弘IG)
吳諾弘跟大師兄張小倫開住直播等張家朗加入,大師兄爆自己在酒店房的怪事,嚇得吳諾弘大叫:「我唔聽呀,我一個人喺酒店房﹗」(圖片來源:吳諾弘IG)
身在深圳接受隔離的張小倫分享所住酒店環境,酒店房所有窗都加上鐵支,他在直播中笑言:「好似坐監咁﹗」吳諾弘狂笑﹗(圖片來源:張小倫IG)
身在深圳接受隔離的張小倫分享所住酒店環境,酒店房所有窗都加上鐵支,他在直播中笑言:「好似坐監咁﹗」吳諾弘狂笑﹗(圖片來源:張小倫IG)
吳諾弘之前在IG發起「你問我答」,他承諾今晚再逐一答大家﹗(圖片來源:吳諾弘IG)
吳諾弘之前在IG發起「你問我答」,他承諾再逐一答大家﹗(圖片來源:吳諾弘IG)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!