梁家輝

梁家輝同老婆恩愛31年 伸脷sweet慶祝

最新娛聞

廣告

「520」普通話諧音「我愛你」,梁家輝一家就喺噚日5月20號呢個日子慶祝梁太江嘉年生日兼兩人結婚31周年,梁家輝一對索爆孖女Nikkie(梁穎晨)與Chloe(梁靜禧)更喺IG上狂晒多張父母多年來嘅恩愛相,當中有31年前結婚攞酒時嘅珍貴舊照,亦有兩人去海外旅行時嘅sweet抱抱相,幸福滿瀉!

撰文:東方新地|圖片:新傳媒圖片庫、Nikkie & Chloe IG

梁家輝 江嘉年 鬼馬合照

60歲梁家輝與太太江嘉年87年結婚,至今恩愛足31年,噚日5月20日,囡囡Chloe同Nikkie特別為兩人親手炮製咗一個靚靚蛋糕嚟慶祝,梁家輝仲一邊攬實老婆,一邊伸晒脷咁同老婆鬼馬合照,動作充滿童真。

之後佢又捉實老婆手仔一齊切蛋糕,認真sweet!

仲有全家福,一家人一齊食飯慶祝。

31年前嘅擺酒相,值得紀念!

仲有梁太江嘉年後生時嘅靚相,相當珍貴!

日常嘅恩愛照。

好sweet呀!

孖女特別鍾意影父母嘅背影,仲讚佢哋係模範夫妻!

兩公婆仲著情侶裝㖭!

一家四口感情勁好,囡囡仲好鍾意黐實媽咪!

❤️Happy Mamas day #motherlikenoother #angel
Chloe Leung 梁颖晨(@chloe_leungoe)分享的貼文 於 張貼

梁家輝那些年⋯⋯

1987年29歲生日娶江嘉年

87年年初四,梁家輝29歲生日當天,同拍拖半年嘅江嘉年,瞞住父母喺雙方妹妹做證婚人下舉行「婚禮」,不過就冇註冊,但俾傳媒爆私定終身後,焗住喺女方5月20日24歲生日當天註冊,並拍靚靚婚紗照。

深情一吻

85-86年貴為影帝嘅梁家輝事業處於低潮期,更試過做無牌小販,自87年初迎娶江嘉年後事業漸有起色,補影結婚相時難怪要錫晒佢,皆因佢帶旺自己,新婚妻子甜在心頭。

棄蝴蝶頭飾

江嘉年原本用蝴蝶做頭飾,但遭梁家輝反對,認為似花女兼好似爹哋拖着個女出嫁咁,結果改用花花頭飾。

1979年21歲任服裝模特兒

梁家輝入行前曾擔任服裝模特兒,呢輯替BANG!BANG!拍嘅廣告硬照,泳褲上陣露兩點同女model嬉水,21歲嘅家輝哥青靚白淨活力十足!

激凸神鵰大俠

梁家輝雄赳赳嘅激凸巨鵰有破褲而出之勢,如果佢仲喺無綫做硬神鵰大俠。

揸棍扮全壘打

家輝哥揸壘球棍扮全壘打好型仔,好在佢冇將碌棍揸低啲,否則就好不文。

情侶裝打網球

呢張情侶裝打網球相最搞笑地方係個女model對手好似痙攣咁,而家輝哥塊面就瘦到凹陷。

1981年孖華仔做發哥手下

80年梁家輝考入無綫第10期藝員訓練班,翌年同同學劉德華獲派參演劇集《千王群英會》做周潤發嘅手下,三大影帝原來一早同場。

1994年36歲至瀟灑黃藥師

94年梁家輝喺王家衛嘅《東邪西毒》演東邪黃藥師,風流倜儻、瀟灑多情,浪子式嘅演繹耳目一新!

同張國榮鬥型

張國榮演西毒歐陽鋒,氣質頹廢憂鬱,同梁家輝一樣咁型格。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!