梁浸浸3歲生日 Yumiko漏夜佈置生日會
廣告
4月9日喺梁浸浸3歲生日，錫到佢燶唧父母鄭希怡Yumiko同化妝師老公梁學儲就為咗寶貝女喺屋企搞咗個生日會，為咗令梁浸浸有個難忘生日會，身為阿媽嘅Yumiko等囡囡瞓咗覺之後，開夜車在其西貢寓所的花園布置一番，真係用心良苦！
撰文：東方新地│
梁浸浸3歲生日
Yumiko準備咗好多吹氣波波砌成嘅Happy Birthday然後逐一掛上，另外又預備咗好多動物吹氣公仔布置及送畀到來嘅小朋友賓客。
Yumiko漏夜佈置生日會
仲未夠，Yumiko特製咗一個同囡囡一樣高嘅Bieber公仔蛋糕，呢個公仔係梁浸浸成日拎住陪玩嘅公仔，所以對囡囡有特別意義。Yumiko仲為囡囡打扮成Bieber一樣係戴紅帽、黃衫、藍褲。
生日會正式開始，梁浸浸見到一個自己一樣大細嘅公仔，企埋去個蛋糕度好似一對孖公仔一樣，影相時不停擺出趣怪表情，一定係好開心喇﹗
黃伊汶陳國坤嘅囝囝陳真，係梁浸浸嘅好朋友，當然被邀出席生日會，陳真更打扮成跟壽星女一樣，又拖住一個由氣球砌成嘅乳牛來賀壽，夠晒有誠意﹗
