梁烈唯

梁烈唯被爆執二攤演律師 42吋胸肌型男點解唔拍?

最新娛聞

廣告

是咁的,法官閣下》今個星期首播反應不俗,除了劇情夠貼地之餘,選角亦被網民力讚!不過,最近有傳於劇中飾演律師嘅梁烈唯(唯唯)原來係執人二攤!原來,原先係會由呢位大隻型男出演!

撰文:東方新地|圖片:TVB梁烈唯Instagram、新傳媒圖片庫

梁烈唯被爆執二攤演律師

《是咁的、法官閣下》首播反應唔錯,劇情貼地講出法律系出身嘅學生,一步步成為社會上嘅律師同大律師都可能只係表面風光,實際未必如普羅大眾所想咁高搵錢力同咁易做!

除咗劇情夠貼地,選角亦同樣有被網民大讚,以香港先生黎振燁為例,高大靚仔唔在講,而且仲勝在夠生面口,成功為觀眾帶嚟新鮮感!

除咗有新人演員黎振燁,劇中仲有大家都非常熟識嘅麥明詩(Louisa)。眾所周知,Louisa本身就讀法律系出身,所以搵番佢嚟扮演律師就話都冇咁啱,一樣咁配合。

42吋胸肌型男點解唔拍?

然而,梁烈唯扮古惑仔就睇得多,但扮演律師呢啲專業人士就未免好多觀眾都睇唔慣!而且,有網友更批評唯唯望落點睇都唔似個做律師嘅人,加上佢喺劇中性格輕佻,難免唯唯就用番一慣演古惑仔嘅套路嚟演出!

雖然如此,有傳聞指唯唯本身唔係呢個角色嘅第一人選,反而係呢位大隻型男魏焌皓主演先啱!魏焌皓之前就試過喺《使徒行者2》飾演警察,望落都幾正氣嫁!

可惜,之前有傳魏焌皓因行為不當,疑似鹹豬嘴TVB一名女星,所以4月已經被TVB解約。雖然未知唯唯後來頂上呢件事屬真屬假,但可以肯定嘅係大局已定,大家都係繼續煲劇啦!

View this post on Instagram

是咁的,法官閣下 請大家多多支持!

A post shared by King_Fai@326 (@king_fai326) on

魏焌皓本有望上位

魏焌皓於2009年加入第23期無綫訓練班,畢業後正式成為TVB藝人,有靚仔樣又大隻的魏焌皓喺9年間拍過唔少劇集,雖然多數都是小角色,直至12年的《On Call 36小時》中飾演馬國明的細佬「張一康」一角後,漸漸為人認識。之後佢喺《不懂撒嬌的女人》和《使徒行者2》亦有不俗演出。

《使徒行者2》中,魏焌皓扮演由忠變奸的黑警朱志彬,劇中更槍殺心愛的戀人麥明詩,形象因而更為入屋。

靚仔又大隻

唔講唔知,雖然平時睇落魏焌皓似係一名斯文瘦底排骨仔,但事實上他亦有經常操肌,一身健碩肌肉,係個不折不扣的大隻仔!

魏焌皓疑鹹豬嘴女星…

魏焌皓靚仔又大隻,早前在《使徒行者2》中扮演黑警朱志彬入型入格,外界都以為佢可以逐漸上位,但原來佢四月已離開TVB!原因係魏焌皓被指拍攝《使2》期間對同劇麥明詩犯了不當行為,疑似在劇外「強吻」女方!當事人麥明詩回傳媒時,表示要等魏焌皓回應後,自己先會回應… 呢個回應令事件更耐人尋味。

聽講魏焌皓本來有份演出同樣有麥明詩的《是咁的,法官閣下》,但現時其角色已被抽起,最後還被TVB解約…

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!