楊冪

冬至發聲明 劉愷威 楊冪宣布離婚

最新娛聞

廣告

劉愷威和內地女星楊冪結婚四年多,育有女兒「小糯米」,不過二人近年多次傳出婚變,去到今日冬至,劉愷威和楊冪透過經理人公司發出聲明,正式宣布離婚!

撰文:東方新地|圖片:

劉愷威 楊冪宣布離婚

聲明全文如下:

「致各位關心劉愷威、楊冪的朋友們:感謝各位一直以來對嘉行傳媒旗下藝人劉愷威和楊冪的喜愛和支持。現經雙方慎重考慮,決定通過本公司向各位朋友告知:兩人已於今年簽署協議,和平分手,結束兩人的婚姻關係。

以上決定是雙方彼此尊重溝通後做出的選擇,雖然不再以夫妻關係共同生活,但兩人今後也將以親人的身份共同照顧撫養孩子,同時以朋友的身份真誠地祝福彼此的未來。

 

「兩位藝人為因私事佔用媒體公共資源,並給大家帶來紛擾,向所有人致以最誠摯的歉意。同時,為保護孩子和雙方家人,在此聲明發出後,兩人將不再對此事做更多回應,懇請媒體和大眾尊重兩人的想法,更懇請給予空間,不要打擾孩子或雙方家人。再次感謝媒體和大眾一直以來對兩人的關心、幫助和愛護,兩人會繼續好好工作,認真生活,感恩!」

延伸閱讀:

劉愷威同楊冪經常因工作分隔兩地,楊幂又不時同合作的男演員傳緋聞,所以兩人屢傳婚變。

回想數年前的6月1日,係兩人女兒小糯米的兩歲生日,楊幂獨自乘機回港同女兒慶祝,劉愷威雖然有接機,但一路都係行在老婆前面,全程零交流!不過楊幂逗留唔夠半日,下午六點左右又趕到機場離港。

雖然楊幂行色匆匆,但唔代表佢冇heart嘅!佢夜晚就在微博上載女兒生日蛋糕相,留言祝小糯米生日快樂;而劉愷威亦有晒生日蛋糕相,仲見到兩公婆捉實小糯米隻手仔,一家三口齊齊切蛋糕的幸福畫面,似乎令婚變謠言不攻自破!

劉丹 為孫女搬屋

劉愷威與楊冪的女兒「小糯米」已經4歲,父母長期在內地拍戲,「小糯米」就留在香港讀書,由爺爺劉丹照顧。丹爺之前接受《東方新地》訪問,分享入行演藝圈多年心得,又大談兒子劉愷威、新抱楊冪以及兩歲孫女小糯米的生活趣事。講到孫女小糯米,丹爺就笑到合唔埋口,仲話佢古靈精怪,睇嚟丹爺好錫孫女啊!早前 劉丹 全家搬屋,一來是因為校網,二來希望孫女有自己一間房。「佢都係時候要自己一間房,依家嗰度大啲、多間房。」

小糯米似公關 周圍同同學打招呼

問到孫女性格,丹爺笑說:「佢好奇怪,佢返學,一入到學校門口,主動同小朋友打招呼,同學仔啲名佢記得晒,周圍打招呼,好似做公關咁,見到鍾意嘅老師,自己走埋去拖,老師名又係記得晒,佢有個好處,就係成日笑,我同個仔都係鍾意笑,可能係遺傳到我哋啲基因,學校啲老師都話佢係『Happy Girl』,哈哈!」

孫女又有無遺傳到丹爺嘅演藝細胞呢?

丹爺笑說:「通常佢曳係我扮衰人,我會扮惡叫佢個名,有時我問佢爺爺做咩發脾氣,佢會扮番我發惡個樣,好多古靈精怪嘢,好好玩!」不過丹爺就唔係好想孫女成日曝光,所以好少帶孫女出街,返學、去街都係嫲嫲帶多,因為一見到丹爺就知道到佢係小糯米啦!

劉丹稱為避採訪,通常由太太帶孫女外出,自己則多數在帶孫女到屋苑會所玩耍時才現身。

點睇對新抱楊冪的負面評價?

外界常傳出對楊冪的負面評價,丹爺一於少理!「通常我新抱同仔,睇到嗰啲新聞,就會話:『唔好理佢,愈理,愈多嘢寫,沒完沒了;唔理佢,反而慢慢靜咗冇事。』總之係唔係,自己知,怕咩人講,我哋全家人都採取呢種態度。」

丹爺仲大讚新抱「唔計較」:「問佢有冇睇負面報道,佢會話『不要理他!』一味喺度唸經,佢自己有個神壇,帶住去劇組周圍去,去到邊都唸經,揸住佛珠唸,一個咁虔誠嘅佛教徒,會衰得去邊?」

同阿仔、新抱多唔多見面?

原來呢排丹爺新抱同阿仔拍不同組嘅戲,「我個仔依家喺新疆,新抱依家喺北京,有時兩個夾啱一齊返嚟,有時邊個得閒就邊個返嚟,有次試過個仔上晝走,下晝新抱返嚟,佢哋有三幾日得閒,都飛返嚟睇個女,日日都視像通訊,初初孫女覺得好新奇,依家鏡頭對住都唔理,自己玩自己嘅嘢,哈哈!」

屢傳愷威同楊冪夫妻感情有問題,丹爺點睇?

丹爺就話眼見唔覺有問題,「只不過喺唔同地方拍戲,有時佢哋得閒都會喺北京碰頭,總之我哋自己屋企知道咩事就得。」

盛傳愷威楊冪整容,丹爺反擊!

丹爺反擊之餘,仲拎埋楊冪3歲嘅樣出記者睇,力證佢無整容!「同依家差唔多,都係鼻高高、眼大大,佢冇理由3歲走去整容,冇可能吖嘛!劉愷威嗰時有啲baby fat,年紀大咗,baby fat梗係冇鬼咗㗎啦,同埋佢後期真係搏命操,佢去邊度拍戲都帶埋做運動嘅架生去,有時又會跑步,佢又減得好快,有時一部戲完咗,休息幾日食到肥咗啲,過兩日開戲,跑番步佢又keep得番。」

劉愷威:唔識呢位女士…

劉愷威今年曾被指撻著內地G奶富家女,劉愷威透過內地工作室人員回應傳媒,指「愷威並不認識這位女士,這照片是在拍戲時,片方領導帶這位女士來現場,說希望合影,愷威禮貌配合而己,二人無任何交集。」仲話唔知點解佢要喺其社交媒體上講呢啲不負責任嘅說話,而佢哋更發現呢位女士已經將相關評論刪除,可能自覺心虛咁話!

劉愷威、楊冪屢傳分訊,佢哋由最初發聲明澄清否認,到依家已懶得回應!

G奶女愛集郵

呢位內地有錢女活躍內地上流社會,見佢都好愛集郵,不時上載同明星合照,好似郭富城、邵美琪、肥媽、林書豪、易建聯、Bruno Mars、吳大維、奚夢瑤等等,真係有殺錯冇放過!

\

呢位自稱Britney嘅女士話自己來自英國,於倫敦大學皇家霍洛威學院畢業,有指這名女子是金融從業員,最愛騷Big爆身材,經常着低胸衫Selfie!

佢好似唔使點做嘢,經常在其平台晒平日嘅奢華生活,例如去世界各地旅行,坐私人飛機、豪華遊艇去吃喝玩樂,好富貴!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!