樊亦敏

51歲樊亦敏復出要做「潘金蓮」 曾戴假髮演出惹誤會:覺得我好串

最新娛聞

廣告

即將踏入51歲的樊亦敏(Amy),早在小六時已開始拍廣告入行,她近日接受無綫娛樂新聞台節目《星光路上》專訪,講到自己之前患病時的經歷,原來除了因為健康問題引致身形變胖外,她還曾因為嚴重脫髮,而引起不少同事的誤會,以為她性格好串!今次重返《愛回家》更掦言想做「潘金蓮」!

樊亦敏 自認似三太古靈精怪

樊亦敏近年憑處境劇《愛·回家之開心速遞》的巴渣「三太」一角成功入屋,大受觀眾喜愛,她笑指自己在現實中的性格亦好似三太:「我講嘢好快、個腦諗嘢唔係好正常,所以做到三太。我會突然間好肥、突然間又會瘦番,係古靈精怪嘅人!」雖然易肥易瘦,但樊亦敏並未因而感到困擾:「肥有肥靚、瘦有瘦靚,有自信就得。」並坦言去年立定決心減肥只是為了健康著想。

樊亦敏 51歲樊亦敏笑指自己係純天然,從冇整容,連一針都冇打過,所以唔會膠臉。
51歲樊亦敏笑指自己係純天然,從冇整容,連一針都冇打過,所以唔會膠臉。(圖片來源:IG@amyfan3796)

參選港姐曾大熱倒灶

談到當年參選港姐時大熱倒灶三甲不入,樊亦敏亦有一套獨特看法,絲毫未受打擊:「我覺得自己靚咪得咯,你畀唔畀(三甲)我,我都係靚㗎,我開心咪得!」當屆的冠亞季軍,分別是郭藹明、周嘉玲和蔡少芬。

49歲樊亦敏做陽光妹同伊健打情罵俏 兇狠背後氣質佳兼有義氣
雖然三甲不入,但當年樊亦敏曾獲得「最上鏡小姐」獎。(圖片來源:新傳媒照片庫)

脫髮嚴重要轉型做主持

樊亦敏又講到1991年初入無綫時,她曾被力捧拍劇,但因為患上免疫系統疾病及哮喘症等健康問題,而深受脫髮困擾,頭皮上有三分二面積沒有頭髮,一度要戴假髮出鏡,這也造成她極大困擾:「最初我用僅有嘅頭髮去遮啲窿窿,但一大風吹起就見到晒,所以要戴假髮。咁我就會成日諗 住自己個假髮有冇穿崩。後來我將情況同公司講,公司都好明白,就叫我抖吓主力做主持。」

樊亦敏 樊亦敏喺無綫第一個主持工作原來係夥拍劉嘉玲,主持節目《佳人有約》,唔少網民都大讚佢當年仲靚過劉嘉玲!
樊亦敏喺無綫第一個主持工作原來係夥拍劉嘉玲,主持節目《佳人有約》,唔少網民都大讚佢當年仲靚過劉嘉玲!(圖片來源:TVB)

「係咁推嘢做」惹同事誤會

年紀輕輕便要承受如此嚴重脫髮的打擊,樊亦敏坦言當時完全接受不能,故未有將自己的情況告訴太多人,因而引起不少誤會:「其他同事會諗點解我唔使出外景,點解綜藝搵我去玩我唔去。好多人覺得我好串,係咁推嘢做,又唔答人嘢。我當時只係二十零歲,好多嘢唔識面對,只係想快啲好番。」最後她在1996年約離開TVB,開始北上發展,2007至2009年期間更曾加入亞視,直到十年前2012年時才回歸TVB。

樊亦敏 樊亦敏拍攝《他來自天堂》時已備受脫髮問題困擾,這一頭短髮其實是假 髮。
樊亦敏拍攝《他來自天堂》時已備受脫髮問題困擾,這一頭短髮其實是假 髮。(圖片來源:TVB)
樊亦敏 當時加入TVB僅一年,樊亦敏已經喺劇集《 他來自天堂 》中擔任第二女主角。
當時加入TVB僅一年,樊亦敏已經喺劇集《他來自天堂》中擔任第二女主角。(圖片來源:TVB)

曾被定型專演師奶

2012年回歸TVB後,樊亦敏曾因健康問題以致身形肥胖,一度被定型專演師奶,但她原來早在年輕時已看得很開:「我冇乜感覺,我唔係偶像派,我真係演員就要演唔同嘅角色。就算演師奶,角色上一定有啲嘢好玩嘅,因為呢個世界有好多唔同類型嘅女士。唔好睇少師奶,我覺得師奶好可愛,That’s why I love 師奶!師奶好難做,要精明、要溫柔、要深思熟慮。」

樊亦敏 對於專演「師奶」,樊亦敏坦言完全不介意,並大叫「我愛師奶」。
對於專演「師奶」,樊亦敏坦言完全不介意,並大叫「我愛師奶」。(圖片來源:TVB)

網友建議做「威龍潘金蓮」

不過樊亦敏自言愛挑戰,還是希望往後角色能更多元:「我好想做潘金蓮,我有問過陳維冠(無綫監製),話我可以做唔搞笑都得㗎,做吓名妓得唔得呢?」有網友就發揮想像力,建議樊亦敏這個「三太」能在《愛回家》中,接替已離巢的梁茵成為新版的「威龍潘金蓮」,然後同演開西門慶的「豹哥」單立文有感情線,背住「大龍生」羅樂林偷食!

樊亦敏 有網友建議樊亦敏在《愛回家》中做新版「威龍潘金蓮」,背住「大龍生」偷食!
有網友建議樊亦敏在《愛回家》中做新版「威龍潘金蓮」,背住「大龍生」偷食!(圖片來源:IG@amyfan3796)

爭啲斬到陳嘉輝重要部位

樊亦敏又自爆是馳名的「武器鬼見愁」,只要手上拿著可以「掟」的東西,對手便會遭殃,她說:「有場戲講我斬陳嘉輝,我一拎住把刀大家就好驚,叫我:『嗱!阿樊,你鎮定啲,數一、二、三,你見到佢退後先好斬落去。』點知一、二、三我已經斬咗落去,嚇到陳嘉輝死,因為爭啲斬到佢呢度(邊說邊指著下半身重要部位),全場呆咗。」

樊亦敏 樊亦敏爭啲斬到陳嘉輝呢幕,發生喺劇集《異搜店》中。
樊亦敏爭啲斬到陳嘉輝呢幕,發生喺劇集《異搜店》中。(圖片來源:《異搜店》截圖)

即睇《星光路上》樊亦敏專訪:

樊亦敏曾做陽光妹同伊健打情罵俏 兇狠背後氣質佳兼有義氣

樊亦敏2012年回流無綫後劇接劇,不過角色多數都係兇狠巴辣唔好惹惡婆娘,聲大夾惡形象深入民心入晒屋。其實樊亦敏入行前係廣告界紅人、91年參選港姐係頂頭大熱,入行後即被無綫力捧,一代玉女今時今日因為兇狠入屋,不計形象入型入格,確係專業!

2012年回流無綫後雖然主打做配角,不過樊亦敏套套演出都入型入格,近年最出色演出絕對係《愛.回家之開心速遞》嘅三太。
2012年回流無綫後雖然主打做配角,不過樊亦敏套套演出都入型入格,近年最出色演出絕對係《愛.回家之開心速遞》嘅三太。(圖片來源:IG@amyfan3796)

小六開始拍廣告

71年出世、樊亦敏年幼時父母離異,母親改嫁日籍繼父一直視之為己出,仲送埋佢去日本升學學日文,必要時係可以用日文鬧人㗎!其實飛去日本升學前,樊亦敏已經因為機緣巧合,早在小六時已獲母親一個做廣告業的朋友介紹,被睇中拍過吉百利、香橙、快餐店等電視廣告,仲有一代人集體回憶陽光檸檬茶廣告。好多人以為89年版本係樊亦敏第一次做陽光妹,實情87年最經典嘅鄭伊健版本已經有佢份,同伊健打情罵俏、激嬲女主角嗰個靚絕女同學咪就係佢本人囉!

樊亦敏 樊亦敏14歲時被母親朋友介紹拍咗第一個朱古力電視廣告,八十年代最經典嘅陽光檸檬茶廣告亦有佢份。
樊亦敏14歲時被母親朋友介紹拍咗第一個朱古力電視廣告,八十年代最經典嘅陽光檸檬茶廣告亦有佢份。(圖片來源:TVB)

參選港姐獲最上鏡小姐

91年參選港姐、入選五強仲做埋最上鏡小姐,樊亦敏雖然三甲不入,不過因為顏值高、氣質佳一入行即被力捧,第一套劇集《 他來自天堂 》已經被安排擔任第三女主角。96年與無綫約滿北上發展,即成電視劇《太極宗師》女主角,仲因此一度同男主角吳京傳出緋聞!無論內地定香港,樊亦敏去到邊都企得住陣腳,點解事業衝刺時期不時幾個月唔見人無以為繼?原來係免疫系統一度失調,又被甩髮、哮喘、水腫困擾不停出入醫院,不過樂觀積極嘅樊亦敏就話,人人際遇唔同,做人唔好自怨自艾,無論去到咩境地,都要保持清醒喎!

今日巴渣潑辣形象深入民心,其實20歲時嘅樊亦敏係港姐出身,當年顏值高氣質佳,用今日說話嚟講,即係宅男女神嚟㗎!
今日巴渣潑辣形象深入民心,其實20歲時嘅樊亦敏係港姐出身,當年顏值高氣質佳,用今日說話嚟講,即係宅男女神嚟!(圖片來源:新傳媒照片庫)

拔刀相助劉家輝

今年51歲、依然單身,樊亦敏除咗同「戰狼」吳京傳過緋聞、捲入過神童輝羅兆輝艷照風波,亦同如今已經出家嘅何寶生拍過拖㖭!2011年武打巨星劉家輝因為中風入院,隨後與家人出現爭拗,兼被女助手騙財夾帶私逃,多得樊亦敏挺身而出,出錢出力打埋人情牌搵律師幫劉師傅打官司,雖然一度被外間猜疑二人關係密切,但原來佢哋絕對稱不上熟絡,樊亦敏純屬俠義心腸拔刀相助,認真難得!

唔止做戲專業、保養得宜,樊亦敏最為人津津樂道就係佢夠仗義又熱心,2011年劉家輝師傅被家人不顧、被助手騙財,就係樊亦敏出手幫助打官司、追欠款同安排安老院照顧。
唔止做戲專業、保養得宜,樊亦敏最為人津津樂道就係佢夠仗義又熱心,2011年劉家輝師傅被家人不顧、被助手騙財,就係樊亦敏出手幫助打官司、追欠款同安排安老院照顧。(圖片來源:新傳媒照片庫)
全盛時期嘅樊亦敏曾經捲入羅兆輝艷照風波,亦同今時今日百億票房巨星吳京有過一段情,而唯一公開嘅男友何寶生分手後醉心佛法其後更出家為僧。
全盛時期嘅樊亦敏曾經捲入羅兆輝艷照風波,亦同今時今日百億票房巨星吳京(見圖)有過一段情,而唯一公開嘅男友何寶生分手後醉心佛法其後更出家為僧。(圖片來源:新傳媒照片庫)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:TVB、IG@amyfan3796、新傳媒照片庫資料或影片來源:TVB