江華

《九五至尊》重播再見江華 網民:「江華唔扮劉華,仲係唔係江華?」

最新娛聞

廣告

無綫深宵重播《九五至尊》作為2003初的作品,雖然只有短短20集,都可算係「穿越劇」的始祖,當年飾演雍正帝(胤禛)穿越到現代做建築公司CEO嘅江華,曾經都幾受網友歡迎,有網民為此重提江華的代表作,仲好想知道「江華唔扮劉華,仲係唔係江華?」

撰文:東方新地|圖片:新傳媒圖片庫、江華微博

《九五至尊》皇帝江華、呂四娘張可頤穿越變平民

其實2003年的《九五至尊》原名叫做《朕到未來》,將《回到未來》的戲軌搬到《Back To The 清朝》,有說本劇原本由羅嘉良同張可頤主演,但羅嘉良無檔期,就由演出完《尋秦記》憑連晉 / 嫪毐頗受注目的江華飾演穿越時空的雍正帝:

《九五至尊》劇情:雍正帝淪落到要洗廁所

《九五至尊》是繼2001年首播的《尋秦記》後,另一套時空穿越劇集,內容講清朝皇帝雍正(江華飾)與「反清復明」的女俠呂四娘(張可頤飾)穿越時空流落現代香港所發生的事。網民常常將此劇與《尋秦記》,和後來同樣為時空穿越劇的《回到三國》(2012年)作比較,更感嘆新不如舊。

《九五至尊》劇情第一集就講「雍正皇帝」和「呂四娘 」捲入時空漩渦穿梭到2003年的香港,其中江華飾演穿越時空流落香港的「雍正皇帝」,時刻保持張開雙腿的皇帝坐姿,被認為相當有「霸氣」。

「江華、劉華」傻傻分不清!江華繼續劉華 反笠cap帽

劉華、江華定劉江華?傻傻分不清!有時真係唔怪得小編,係江華無論係演員定做保險,舉手投足都比劉華更劉華!話說轉行做保險都已經好多年,早排喺九龍城見到江華攞車,小編個心都係離一離:「唔通畀我野生捕獲劉華?」鬼咩?邊有55歲保險從業員出轉夜街會反笠頂cap帽、成身潮服至得㗎?

江華
江華

見到鏡頭,江華不慌不忙保持鎮定仲要好有台型,凌厲眼神睥完你、再伸手整個劉華式民間特首手勢打招呼。事實勝於雄辯,唔好再話江華鍾意扮劉華,江華根本就係劉華,OK?

江華
真・劉德華

第一眼見到有個反笠頂帽、全身黑色、輪廓分明嘅有型大叔,係唔係十足十劉華先?

江華

望真啲,原來係前度師奶殺手現職保險的江華,畀人話似劉華講足30年,小編都唔識分,到底佢係扮,定係做緊自己。

江華

雖然淡出娛樂圈,江華見到鏡頭依然淡定,仲整多個民間特首一樣嘅氣勢手勢,同小編打聲招呼先。

江華

打完招呼上到車準備開車走,繼續劉華上身,勁chok,全套動作一氣呵成、登台一樣,就算係真劉華出場,小編都懷疑有冇做得咁流暢!

江華

江華 劉華 世紀合照

已經轉行賣保險嘅江華年輕時風度翩翩,迷死唔少師奶,而且一直都畀人話同劉德華似樣。2015年江華曾經喺微博上載咗兩張同劉華嘅合照,講真兩位型男同以往都冇咩分別,都係一樣成熟有型,都仲係好似樣!

江華

兩個人對上一次合照已經係2003年。

{"IPTC-DATA":"NMG","data":{"photoID":2303518}}

當然唔少得小編自家製嘅世紀合照!

江華

江華 戴老花鏡

江華早年因為腰腿傷患淡出幕前,除咗開班教人做戲,近年仲忽然轉行做保險經紀,佢話做保險都係玩票性質,而且可以識多啲朋友,仲有唔少fans特登上門搵佢買保險!早前見佢約埋男友人一齊落又一城行街睇書,雖然江華鍾意扮劉華,成日畀人讚佢仲係美魔男,不過話晒都年過半百,呢日去到書店打書釘,江華就要戴上老花眼鏡先睇得清楚。

江華
染咗一頭搶眼金髮,不過江華近年鍾意戴帽出街,貫徹chok爆風格。
江華
有人話江華打扮神態似劉華,但有樣嘢一定唔似,就係戴老花眼鏡!

同場加映:李思捷都扮劉華!

李思捷憑扮嘢彈起,最叻扮四大天王, 早前佢去咗中環睇衫, 戴住副超,邊行邊插褲袋,上身紅色皮褸,下身牛仔褲再加對紅色波鞋,個look就激似劉德華喺《賭俠》入面嘅角色陳刀仔,李思捷喺電視上扮劉天王扮到似模似樣,喺現實生活都當自己係天王!

《九五至尊》重播再見江華 網民:「江華唔扮劉華,仲係唔係江華?」

李思捷入到時裝店,睇鞋揀衫都繼續單手插袋,佢身上集合咗陳刀仔嘅紅色皮褸,仲有劉華當年戴hit咗嘅名牌頸鏈,係好型呀喺廿幾年前!

《九五至尊》重播再見江華 網民:「江華唔扮劉華,仲係唔係江華?」

連條底底都襯番紅黑色!

《九五至尊》重播再見江華 網民:「江華唔扮劉華,仲係唔係江華?」

劉德華前年爲電影《賭城風雲3》開工,都扮番當年嘅陳刀仔角色,紅色貼身皮褸點少得。

《九五至尊》重播再見江華 網民:「江華唔扮劉華,仲係唔係江華?」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!